சீனாவில் மூதாட்டி ஒருவர் தன்னுடைய ரூ.28 லட்சம் சொத்தை செல்லப்பிராணிகள் பேரில் எழுதி வைத்துள்ளார்.

சீனாவின் ஷாங்காய் பகுதியை சேர்ந்த லியு என்ற மூதாட்டி ஒருவர் கடந்த சில ஆண்டுகளுக்கு முன்பு தன்னுடைய 3 குழந்தைகளின் பெயரில் சொத்து உயில் எழுதி வைத்துள்ளார்.

ஆனால் இதன் பிறகு மூதாட்டி லியு-க்கு உடல்நலக்குறைவு ஏற்பட்ட போது அவரது 3 குழந்தைகளில் யாரும் அவரை கவனித்து கொள்ள வரவில்லை என்பதால் அவர் அதிர்ச்சியடைந்துள்ளார்.

இதனால் மனம் மாறிய மூதாட்டி லியு தன்னுடைய 20 மில்லியன் யுவான்(ரூ.28 லட்சம்) சொத்தை தன்னுடைய வளர்ப்பு பூனை மற்றும் நாய்களின் பெயரில் எழுதி வைத்துள்ளார்.

இது தொடர்பாக லியு செய்தி நிறுவனத்திடம் வழங்கிய கருத்தில், தனக்கு உடல்நிலை மோசமாக இருந்த போது செல்லப்பிராணிகள் தன்னுடன் முழுவதுமாக இருந்தன என தெரிவித்துள்ளார்.

சீனாவில் செல்லப்பிராணிகளுக்கு சொத்துக்களை எழுதி வைப்பதற்கு சட்டப்பூர்வ விதிகள் இல்லை,  எனவே அவரது செல்லப்பிராணிகளை அக்கறையோடு கவனித்து கொள்ள நம்பகமான நபர் ஒருவரை நியமித்து தன்னுடைய சொத்துகளை செல்லப்பிராணிகளுக்கு செலவு செய்யலாம் என்ற அறிவுரை லியு-க்கு வழங்கப்பட்டுள்ளது.

ஷாங்காய் நகர் ஜூலை 5 முதல் தொடர்ந்து ஆறு நாட்களாக மிக அதிக வெப்பநிலையைக் காண்கிறது.

கடுமையான வெப்பநிலை அதிகரித்து வருவதால், ஷாங்காய் வானிலை ஆய்வு மையம் மக்களுக்கு வழிகாட்டுதல்களை வெளியிட்டுள்ளது.

கடுமையான வெப்பத்தை சமாளிக்கவும், வெப்ப தாக்குதலை தவிர்க்கவும், நண்பகல் நேரங்களில் வெளியில் நடமாடுவதை தவிர்க்குமாறு மக்களுக்கு அறிவுறுத்தப்பட்டுள்ளது.

பகல் நேரங்களில் வெளியில் வேலை செய்வதைத் தவிர்க்கவும், அதிக வெப்பநிலையில் வெளியே வரும் தொழிலாளர்கள் தேவையான தடுப்பு நடவடிக்கைகளை மேற்கொள்ளவும் அறிவுறுத்தப்பட்டது.

இந்த நிலையில், அங்குள்ள வானிலை ஆய்வு மையம், மாகாணத்தின் சில பகுதிகளில் சிவப்பு எச்சரிக்கை விடுத்துள்ளது.

கடந்த வாரம், நாட்டின் பல்வேறு பகுதிகளில் அதிக வெப்பநிலை மற்றும் வெப்ப அலைகள் காரணமாக, சீனா மஞ்சள் எச்சரிக்கையை வெளியிட்டது.

நாட்டின் சில பகுதிகளில் வெப்பநிலை 39 அல்லது 40 டிகிரி செல்சியஸூக்கு மேல் இருக்கும் என்று கணித்துள்ளது.

#WorldNews