கனடாவின் வரலாறு பழங்குடி மக்களின் பாரம்பரியங்கள், ஐரோப்பிய காலனி ஆதிக்கம் மற்றும் படிப்படியான சுதந்திரம் ஆகியவற்றின் கவர்ச்சிகரமான கலவையாகும். இது பற்றி மேலும் விரிவாகப் பார்ப்போம்.

15,000 ஆண்டுகளுக்கும் மேலாக, பல்வேறு பழங்குடி குழுக்கள் பல்வேறு கலாச்சாரங்கள் மற்றும் மொழிகளுடன், தற்போது கனடா என்று அறியப்படும் நிலப்பகுதியில் வாழ்ந்தனர்.

அவர்களின் சிக்கலான சமூகங்களும், செழுமையான பாரம்பரியங்களும் நாட்டின் கலாச்சார கலவையின் அடித்தளத்தை அமைத்தன.

பிரெஞ்சு மற்றும் பிரிட்டிஷ் தேடல்கள் 16 ஆம் நூற்றாண்டில் கனடாவின் வளர்ச்சியில் பெரும் தாக்கத்தை ஏற்படுத்தும் காலனித்துவ காலத்தின் தொடக்கத்தைக் குறித்தன.

பிரெஞ்சுக்காரர்கள் நியூ பிரான்ஸை நிறுவி, பிரெஞ்சு கனடாவின் தனித்துவமான கலாச்சார அடையாளத்திற்கான அடித்தளத்தை அமைத்தனர்.

இதற்கிடையில், பிரித்தானியர்கள் வடமேற்கில் உள்ள ருபர்ட்ஸ் நிலத்தை தங்கள் கட்டுப்பாட்டில் கொண்டு வந்தனர்.

17 மற்றும் 18 ஆம் நூற்றாண்டுகளில் வட அமெரிக்காவின் கட்டுப்பாட்டிற்காக பிரான்ஸ் மற்றும் பிரித்தானியா இடையே தொடர் போர்கள் நடந்தன.

1763 ஆம் ஆண்டின் பாரிஸ் உடன்படிக்கை பிரான்சின் ஆதிக்கத்தை முடிவுக்குக் கொண்டுவந்தது, மேலும் பெரும்பாலான பிரெஞ்சு கனடாவின் கட்டுப்பாட்டை பிரித்தானியாவுக்கு வழங்கியது.

1867 ஆம் ஆண்டு ஒரு முக்கிய தருணம் வந்தது. பிரித்தானிய வட அமெரிக்கா சட்டம், கனடா கிழக்கு (கியூபெக்), கனடா மேற்கு (ஒன்டாரியோ), நியு பிரான்ஸ்விக் மற்றும் நோவா ஸ்கோஷியா மாகாணங்களை ஒன்றிணைத்து, கனடா டொமினியனை உருவாக்கியது.

இந்த சட்டம் கனடாவின் நவீன கூட்டாட்சி பாராளுமன்ற மன்னராட்சி அமைப்பிற்கான அடித்தளத்தை அமைத்தது.

20 ஆம் நூற்றாண்டில் கனடா பிரித்தானியாவிடமிருந்து அதிக சுயாட்சியைப் பெறத் தொடங்கியது.

1931 ஆம் ஆண்டின் வெஸ்ட்மினிஸ்டர் சட்டம் கனடாவுக்கு சட்டமன்ற சுதந்திரத்தை வழங்கியது, மேலும் 1982 ஆம் ஆண்டின் அரசியலமைப்பு சட்டத்தின் மீதான கனடாவின் உரிமைச் சட்டம், கனடாவின் அரசியலமைப்பை திருத்துவதற்கான முழு கட்டுப்பாட்டை வழங்கியது.

இன்று, கனடா கலாச்சார ரீதியாக செழிப்பான மற்றும் பல்வகைமை கொண்ட தேசமாகும், அதன் பழங்குடி வேர்கள், ஐரோப்பிய தாக்கங்கள் மற்றும் சுதந்திர தேசமாக தொடரும் பயணம் ஆகியவற்றை பிரதிபலிக்கும் அதன் தனித்துவமான பாரம்பரியத்தைக் கொண்டாட பெருமைப்படுகிறது.

கனேடிய பிரதமர் ஜஸ்டின் ட்ரூடோ (Justin Trudeau) தனது பணி கடினமானது என தெரிவித்துள்ளார்.

இதனால் தினமும் ராஜினாமா செய்வது பற்றி யோசிப்பதாகவும் அவர் கூறினார்.

ரேடியோ-கனடாவுக்கு அளித்த பேட்டியில் ஜஸ்டின் ட்ரூடோ கூறியதாவது- அரசியலில் இருந்து விலகுவது பற்றி தினமும் யோசிக்கிறேன். ராஜினாமா செய்ய வேண்டும் என்ற எண்ணம் தினமும் வருகிறது.

நான் செய்வது கிறுக்குப்பிடிக்கவைக்கும் வேலை (crazy job). தனிப்பட்ட தியாகம் செய்ய வேண்டும். நிச்சயமாக, இது மிகவும் கடினம், சில நேரங்களில் அது நன்றாக இல்லை.” என்று கூறியுள்ளார்

ட்ரூடோ தனது மனைவி சோஃபியை (Sophie Grégoire Trudeau) ஆகஸ்ட் 2023-இல் பிரிந்தார்.

திருமணமாகி 18 ஆண்டுகள் ஆன நிலையில், இருவரும் பிரிந்து செல்ல முடிவு செய்தனர். இருவருக்கும் 3 குழந்தைகள் உள்ளனர்.

கனடாவின் 23வது பிரதமராக ஜஸ்டின் பியர் ஜேம்ஸ் ட்ரூடோ நவம்பர் 2015ல் பதவியேற்றார். ஏப்ரல் 2013 முதல் லிபரல் கட்சியின் தலைவராக இருந்து வருகிறார்.

கனடாவில் 2025 அக்டோபரில் பொதுத் தேர்தல்கள் நடைபெற உள்ளன. இதற்கு முன்னதாக அங்கு பிரதமருக்கான கணக்கெடுப்பு நடத்தப்பட்டு வருகிறது.

இந்த ஆய்வுகளில் ட்ரூடோ மிகவும் பின்தங்கியுள்ளார். அவரது புகழ் குறைந்து வருவதாக தெரிகிறது. அவரது லிபரல் கட்சியும் கன்சர்வேட்டிவ் கட்சியை விட பின்தங்கியுள்ளது என கணக்கெடுப்பில் தெரியவந்துள்ளது.

இது தொடர்பில் கலந்துரையாடும் போதே அவர் அரசியலில் இருந்து விலகுவது குறித்து குறிப்பிட்டுள்ளார். எவ்வாறாயினும், அடுத்த தேர்தல் வரை பதவி விலகப் போவதில்லை எனவும் அவர் தெரிவித்துள்ளார்.

அமெரிக்காவின் பிலடெல்பியா(Philadelphia) பகுதிக்கு அருகே 3 பேரை துப்பாக்கியால் சுட்டுவிட்டு காரில் தப்பியோடிய நபரை பொலிஸார் வலைவீசி தேடி வருகின்றனர்.

அமெரிக்காவின் பிலடெல்பியா(Philadelphia) பகுதிக்கு அருகே உள்ள சிறிய நகரான Falls Township-ல் மர்ம நபர் ஒருவர் 3 பேரை துப்பாக்கியால் சுட்டுவிட்டு திருடப்பட்ட காரில் தப்பியோடிய சம்பவம் அதிர்ச்சியை ஏற்படுத்தியுள்ளது.

இதையடுத்து, பொதுமக்கள் பாதுகாப்பாக வீட்டிற்கு உள்ளே இருக்குமாறு அறிவுறுத்தப்பட்டுள்ளனர்.

அத்துடன் செயின்ட் பாட்ரிக் தின அணிவகுப்பு (St Patrick’s Day parade) ரத்து செய்யப்பட்டுள்ளது.

இந்த சம்பவம் தொடர்பாக அறிக்கை வெளியிட்டுள்ள Falls Township பொலிஸார், தேடப்படும் சந்தேக நபர் 26 வயதுடைய Andre Gordon என நம்பப்படுவதாக தெரிவித்துள்ளார்.

தாக்குதலில் ஈடுபட்ட Andre Gordon, Levittown பகுதியில் இரண்டு பேரை துப்பாக்கியால் சுட்டுக் கொலை செய்துள்ளார், பின் மற்றொரு நபரையும் அவர் துப்பாக்கியால் சுட்டு தாக்கியுள்ளார்.

அத்துடன் துப்பாக்கி முனையில் கார் திருட்டில் இறங்கிய Andre Gordon, திருடிய காரில் அங்கிருந்து தப்பித்து சென்றுள்ளார் என பொலிஸார் தெரிவித்துள்ளனர்.

தாக்கப்பட்டவர்கள் குறிவைத்து தாக்கப்பட்டனரா அல்லது தற்செயலாக தாக்கப்பட்டனரா என்பது தற்போது தெரியவில்லை என்றும் பொலிஸார் தெரிவித்துள்ளனர்.