மார்ச் 10-ம் தேதி விசாரணைக்கு நேரில் ஆஜராகுமாறு சிபிஐ அழைப்பு விடுத்திருந்த நிலையில், தமிழக சட்டமன்றத் தேர்தல் பணிகள் காரணமாகத் தனக்கு 15 நாட்கள் அவகாசம் வழங்க வேண்டும் என்றும், விசாரணையைச் சென்னையிலேயே நடத்த அனுமதிக்க வேண்டும் என்றும் விஜய் தரப்பில் கோரிக்கை விடுக்கப்பட்டிருந்தது. இந்த கோரிக்கையை பரிசீலித்த சிபிஐ, தவெக தலைவர் விஜய் எதிர்வரும் மார்ச் 15-ம் தேதி நேரில் ஆஜராகுமாறு புதிய சம்மனை அனுப்பியுள்ளது. இதனைத் தொடர்ந்து, மார்ச் 15-ம் தேதி சிபிஐ முன்னிலையில் விஜய் ஆஜராவார் என தவெகவின் இணைப் பொதுச்செயலாளர் நிர்மல் குமார் உறுதிப்படுத்தியுள்ளார்.

இந்தக் கூட்ட நெரிசல் சம்பவம் தொடர்பாக, தவெகவின் முக்கிய நிர்வாகிகள் மற்றும் காவல் துறை அதிகாரிகளிடம் ஏற்கனவே சிபிஐ தீவிர விசாரணை நடத்தி வரும் நிலையில், தற்பொழுது இந்த வழக்கு விசாரணையில் புதிய திருப்பங்கள் ஏற்பட்டுள்ளன. கரூர் துயரச் சம்பவம் தொடர்பான வழக்கில், திமுக முன்னாள் அமைச்சர் செந்தில் பாலாஜிக்கும் மார்ச் 17-ம் தேதி ஆஜராகுமாறு சிபிஐ சம்மன் அனுப்பியுள்ளதாகத் தகவல்கள் வெளியாகியுள்ளன. இந்த சம்மனைப் பெற்றுக்கொண்ட செந்தில் பாலாஜி, சிபிஐ விசாரணைக்கு நேரில் சென்று உரிய விளக்கம் அளிக்க உள்ளதாக தனது சமூக வலைதளப் பக்கத்தில் பதிவிட்டுள்ளார்.

தமிழக சட்டமன்றத் தேர்தல் நெருங்கிவரும் சூழலில், அரசியல் முக்கியத்துவம் வாய்ந்த கரூர் கூட்ட நெரிசல் வழக்கு விசாரணையைச் சிபிஐ தீவிரப்படுத்தியுள்ளது. இரு முக்கிய அரசியல் கட்சித் தலைவர்கள் சிபிஐ விசாரணைக்கு ஆஜராகவிருப்பது தமிழக அரசியல் களத்தில் பெரும் பரபரப்பை ஏற்படுத்தியுள்ளது. தேர்தல் கால அரசியல் செயல்பாடுகளுக்கு மத்தியில், இந்த விசாரணை நடவடிக்கைகள் சட்ட ரீதியாக எவ்வாறு நகரப்போகிறது என்பது குறித்த எதிர்பார்ப்பு பொதுமக்கள் மற்றும் அரசியல் பார்வையாளர்கள் மத்தியில் எழுந்துள்ளது.

தமிழக முன்னாள் அமைச்சர் செந்தில் பாலாஜி உடல் நலக்குறைவால் மருத்துவமனையில் அனுமதிக்கப்பட்டுள்ளார்.

சட்டவிரோத பணப்பரிமாற்ற வழக்கில் கைதான முன்னாள் அமைச்சர் செந்தில் பாலாஜி, சென்னையில் உள்ள புழல் சிறையில் அடைக்கப்பட்டுள்ளார்.

கடந்த ஆண்டு அமலாக்கத்துறையினரால் அவர் கைது செய்யப்படும்போது, தனக்கு இதயத்தில் பிரச்சனை ஏற்பட்டதாக கூறி சிகிச்சை மேற்கொண்டார்.

இந்த நிலையில், நீதிமன்றக் காவல் சிறையில் உள்ள செந்தில் பாலாஜிக்கு இன்று மதியம் திடீர் உடல்நலக்குறைவு ஏற்பட்டது.

அதனைத் தொடர்ந்து அவர் உடனடியாக சிகிச்சைக்காக மருத்துவமனையில் அனுமதிக்கப்பட்டார். அவரது உடல்நிலை குறைவுக்கான காரணம் குறித்து இதுவரை எந்த அதிகாரப்பூர்வ தகவலும் வெளியாகவில்லை.

எனினும், செந்தில் பாலாஜி தனக்கு நெஞ்சு வலி ஏற்பட்டதாக கூறினார், அதன்பின்னர் அவர் மருத்துவமனையில் அனுமதிக்கப்பட்டார் என கூறப்படுகிறது.

தமிழக அமைச்சர் செந்தில் பாலாஜி தனது பதவியை ராஜினாமா செய்தார்.

சட்டவிரோத பணப்பரிமாற்ற வழக்கில் அமைச்சர் செந்தில் பாலாஜி, கடந்த ஆண்டு சூலை 14ஆம் திகதி அமலாக்கத்துறையால் கைது செய்யப்பட்டார்.

இது தமிழக அரசியலில் பரபரப்பை கிளப்பியது. பின்னர் அவர் ஜாமீன் மனுக்கள் தாக்கல் செய்தார்.

ஆனால், அவரது மனுக்கள் தள்ளுபடி செய்யப்பட்டதைத் தொடர்ந்து செந்தில் பாலாஜி புழல் சிறையில் அடைக்கப்பட்டுள்ளார்.

ஆனாலும் அவர் இலாகா இல்லாத அமைச்சராக நீடித்து வந்தார். இந்த நிலையில் செந்தில் பாலாஜி தனது பதவியை ராஜினாமா செய்துள்ளார்.