அத்துருகிரிய குணசேகர வித்தியாலயத்தில் இன்று (29) நடைபெற்ற, புதிய கல்விச் சீர்திருத்தங்களின் கீழ் முதலாம் தர மாணவர்களை இணைத்துக்கொள்ளும் தேசிய விழாவில் கலந்துகொண்டு உரையாற்றும் போதே அவர் இதனைத் தெரிவித்தார்.

ஆண்டு 6 மாணவர்களுக்கு முக்கியத்துவம்: “புதிய சீர்திருத்தங்களின் கீழ் 6-ஆம் தர மாணவர்களை ஒருபோதும் கைவிடப்போவதில்லை. அவர்களையும் இத்திட்டத்திற்குள் கொண்டுவரத் தேவையான ஏற்பாடுகள் முன்னெடுக்கப்படுகின்றன,” எனப் பிரதமர் உறுதியளித்தார்.

2030 ஆம் ஆண்டு வரை ஒவ்வொரு வருடமும் புதிய கல்விச் சீர்திருத்தங்களை படிப்படியாக நடைமுறைப்படுத்த அரசாங்கம் திட்டமிட்டுள்ளது. இதுவரை காலமும் நடைமுறையில் இருந்த ஆசிரியர் மையக் கல்வி முறை மாற்றப்பட்டு, இனிவரும் காலங்களில் மாணவர் மையக் கல்வி (Student-Centered Education) முறை ஸ்தாபிக்கப்படும்.

மாணவர்கள் சுமந்து செல்லும் புத்தகப் பையின் எடையைக் குறைப்பதில் இருந்து இந்த வேலைத்திட்டம் ஆரம்பிக்கப்படும். போட்டித்தன்மை மற்றும் மனஅழுத்தம் இன்றி மாணவர்கள் கல்வி கற்பதற்கான சூழல் உருவாக்கப்படும்.

வெறும் ஏட்டுக்கல்வியோடு நின்றுவிடாமல், நற்பண்புகள் மற்றும் பிறர் மீது அக்கறை காட்டும் (Empathy) ஒரு மாணவர் சமுதாயத்தை உருவாக்குவதே இந்தச் சீர்திருத்தத்தின் இலக்காகும்.

இந்த புதிய மாற்றங்கள் இலங்கையின் கல்வித் துறையில் ஒரு புரட்சிகரமான ஆரம்பமாக அமையும் எனப் பிரதமர் ஹரிணி அமரசூரிய மேலும் சுட்டிக்காட்டினார்.