உலக ரக்பி சம்மேளனம் இலங்கை ரக்பி மீது விதித்திருந்த தடையை நீக்கியுள்ளது.

ஆசிய ரக்பி சம்மேளனத்தின் தலைவர் கைஸ் அல் தலாய் மற்றும் விளையாட்டுத்துறை அமைச்சர் ரொஷான் ரணசிங்க ஆகியோருக்கு இடையிலான சந்திப்பு ஒன்று நேற்று (04) காலை டுபாயில் இடம்பெற்றது.

இந்நிலையில் உலக ரக்பி சம்மேளனத்தின் இலங்கை ரக்பிக்கு விதிக்கப்பட்டிருந்த தடை நீக்கப்பட்டதாக ஆசிய ரக்பி சம்மேளனத்தின் தலைவர் பெரிஸில் நடைபெற்ற கூட்டம் ஒன்றில் குறிப்பிட்டுள்ளார்.

மேலும், இந்த முடிவு உத்தியோகபூர்வமாக அறிவிக்கப்படும் என்றும் ஆசிய ரக்பி சம்மேளனத்தின் தலைவர் குறிப்பிட்டுள்ளார்.

கொவிட் தொற்று காரணமாக தடைப்பட்டு உள்ள ஆசிய ரக்பி விளையாட்டை மீண்டும் ஊக்குவிப்பது இதன் நோக்கமாகும்.

ஆரம்பத்தில் இந்த தொடரை மூன்று கட்டங்களாக நடத்துவதற்கு ஏற்பாடு செய்யப்பட்டிருந்தது.

எனினும் இம்முறை அதனை ஒரு போட்டித் தொடராக நடத்துவதற்கு திட்டமிடப்பட்டுள்ளது.

அடுத்த வருடம் ஆபிரிக்காவில் நடைபெற உள்ள உலகக் கிண்ண ஏழு பேர் கொண்ட ரக்பி போட்டி தொடருக்கான ஆசிய தகுதிகான் போட்டியாகவும் இது விளங்குகின்றது.

அதேபோல், அடுத்த வருடம் சீனாவில் இடம்பெறும் ஆசிய விளையாட்டு போட்டிக்கான தகுதிகாண் போட்டியாகவும் இது விளங்குகின்றது.