இப்படம் இந்த வருட தீபாவளிக்கு வெளியிட திட்டமிடப்பட்டிருந்த நிலையில், தற்போது வெளியீடு தள்ளிப்போயுள்ளது. இந்நிலையில், படத்தின் அனைத்துப் பணிகளும் முடிவடைந்துவிட்டதாகவும், முழுப் படத்தையும் பார்க்கும்போது தனக்குப் பிடித்திருந்ததாகவும் ஆர்.ஜே. பாலாஜி தெரிவித்துள்ளார்.

மேலும், படத்தை பார்த்த தயாரிப்பாளர்கள் தெரிவித்த கருத்து குறித்து ஆர்.ஜே. பாலாஜி பேசியிருக்கிறார்.

“இந்தப் படத்தின் தயாரிப்பாளர் எஸ்.ஆர். பிரபு, எஸ்.ஆர். பிரகாஷ் ஆகியோர் ப்ளூ சட்டை மாறனை விடப் பயங்கரமாப் (விமர்சன ரீதியில்) பார்ப்பாங்க. அவங்களே படத்தைப் பார்த்துவிட்டு ‘ஹா.. நிம்மதியா இருக்கு’ என்று சொன்னார்கள்.”

படத்தின் டீசருக்கு நல்ல வரவேற்பு கிடைத்த நிலையில், டீசரைப் போலத்தான் படமும் இருக்கும் என்றும் ஆர்.ஜே. பாலாஜி நம்பிக்கை தெரிவித்துள்ளார்.

சூர்யாவுடன் இப்படத்தில் த்ரிஷா, ஸ்வாசிகா, காளி வெங்கட், இந்திரன்ஸ், யோகி பாபு, நட்டி உள்ளிட்டோர் முக்கிய கதாபாத்திரங்களில் நடிக்கின்றனர். இதில் சூர்யா ஒரு வழக்கறிஞராக நடிக்கிறார். இப்படத்திற்கு இளம் இசையமைப்பாளர் சாய் அபயங்கர் இசையமைக்கிறார். ‘ட்ரீம் வாரியர் பிக்சர்ஸ்’ நிறுவனம் இப்படத்தைத் தயாரிக்கிறது.

இந்தத் திரைப்படத்தை முதலில் தீபாவளிக்கு வெளியிடப் படக்குழு திட்டமிட்டிருந்தது. இருப்பினும், VFX போன்ற கிராஃபிக்ஸ் பணிகள் காரணமாகப் படம் வெளியாகவில்லை எனக் கூறப்படுகிறது.

இந்நிலையில், அடுத்த ஆண்டு வெளியீடு காணவுள்ள ‘கருப்பு’ படத்தின் புதிய மாஸ் அப்டேட் வெளியாகியுள்ளது. அதன்படி, வரும் அக்டோபர் 20ஆம் தேதி தீபாவளியை முன்னிட்டு, ‘கருப்பு’ திரைப்படத்தின் ஃபர்ஸ்ட் சிங்கிள் (First Single) பாடல் வெளியாகும் என்று அறிவிக்கப்பட்டுள்ளது. ரசிகர்கள் இதற்காகத் தயாராகி வருகின்றனர்.

கடந்த 2020ஆம் ஆண்டு நயன்தாரா நடிப்பில் ஆர்.ஜே. பாலாஜி மற்றும் என்.ஜே. சரவணன் இயக்கத்தில் உருவாகி வெளிவந்த திரைப்படம் மூக்குத்தி அம்மன்.

இப்படம் நேராக OTT தளத்தில் வெளிவந்தது. வேல்ஸ் நிறுவனம் ஐசரி கே. கணேஷ் தயாரித்து இருந்த இப்படம் மக்கள் மத்தியில் நல்ல வரவேற்பை பெற்றது.

இப்படத்தின் வெற்றியால் இதன் 2 – ம் பாகத்தை எடுக்க தயாரிப்பு நிறுவனம் முடிவு செய்து அதற்கான அறிவிப்பை அதிகாரப்பூர்வமாக அறிவித்தனர்.

கடவுள் மேல் இருக்கும் மக்களின் நம்பிக்கையை வைத்து நாட்டில் நடக்கும் முக்கிய விஷயம் குறித்து இப்படம் பேசியிருக்கும். இந்த 2ம் பாகத்திலும் நடிகை நயன்தாரா தான் நடிக்கிறாராம், ஆனால் இந்த முறை சுந்தர்.சி இயக்குகிறார்.

இந்நிலையில், மூக்குத்தி அம்மன் 2 படம் குறித்து ஒரு அதிரடி அப்டேட் வெளியாகி உள்ளது. அதாவது, இப்படத்தின் படப்பிடிப்பு பணிகள் இந்த ஆண்டிலேயே தொடங்க உள்ளனர். இப்படம் சுமார் ரூ.100 கோடி பட்ஜெட்டில் உருவாக இருப்பதாக கூறப்படுகிறது.

தமிழ் சினிமாவில் முன்னணி ஹீரோவாக இருக்கும் சூர்யா, புதிதாக கமிட் செய்திருக்கும் படம் சூர்யா 45. நடிகரும், இயக்குனருமான ஆர்.ஜே. பாலாஜி இயக்கத்தில் உருவாகும் இப்படத்தை ட்ரீம் வாரியர் நிறுவனம் தயாரிக்கிறது.

இப்படத்தின் பூஜை சமீபத்தில் நடந்து, படப்பிடிப்பு துவங்கியது. இப்படத்தில் த்ரிஷா, லப்பர் பந்து கதாநாயகி ஸ்வாசிகா, காளி வெங்கட், காஷ்மீரா ஆகியோர் நடிக்கவிருப்பதாக தகவல் வெளியாகியுள்ளது. மேலும் இப்படத்திற்கு ஏ.ஆர். ரஹ்மான் இசையமைக்கவுள்ளார்.

ரஹ்மான் – ஆர்.ஜே. பாலாஜி – சூர்யா கூட்டணியில் உருவாகும் இப்படத்திற்கு ரசிகர்கள் மத்தியில் பெரும் எதிர்பார்ப்பு இருந்தது. இந்த நிலையில், இப்படத்தின் ஒளிப்பதிவாளராக ஜி.கே. விஷ்ணு கமிட் செய்யப்பட்டுள்ளார். அதற்கான அறிவிப்பை அதிகாரப்பூர்வமாக வெளியிட்டுள்ளனர்.

வெளிவந்த அறிவிப்பு போஸ்டரில் இசையமைப்பாளர் ஏ.ஆர். ரஹ்மானின் பெயர் இடம்பெறவில்லை. அதற்கு முன் வந்த அனைத்து போஸ்டர்களிலும் ரஹ்மானின் பெயர் இடம்பெற்று இருந்த நிலையில், இந்த போஸ்டரில் பெயர் இடம்பெறாமல் இருந்தது. இந்நிலையில், ஏ.ஆர். ரஹ்மான் இப்படத்திலிருந்து விலகிவிட்டார் என கூறப்படுகிறது.

இசையமைப்பாளர் ஏ.ஆர். ரஹ்மான் சமீபத்தில் தன் மனைவியுடன் விவாகரத்து பெற்று பிரியப்போவதாக தகவல் வெளிவந்த நிலையில், சினிமாவிலிருந்து ஓராண்டு ஓய்வு எடுக்கப்போவதாக கூறப்பட்டது.

அதற்காக தான் தற்போது இப்படத்திலிருந்து விலகி இருக்கிறாரா? அல்லது படக்குழுவுடன் வேறு ஏதேனும் பிரச்சனையா என நெட்டிசன்கள் கேள்வி எழுப்பி வருகிறார்கள். இதுகுறித்து ஏ.ஆர். ரஹ்மான் மற்றும் சூர்யா 45 படக்குழுவினர் விரைவில் விளக்கம் கொடுப்பார்கள் என எதிர்பார்க்கப்படுகிறது.

நகைச்சுவையில் தனக்கென்று தனி இடத்தை ரசிகர்கள் மனதில் பிடித்திருப்பவர் ஆர்.ஜே. பாலாஜி. ஆனால், நகைச்சுவையை மொத்தமாக தவிர்த்து, வித்தியாசமான கதாபாத்திரத்தில் இவர் நடித்திருந்த படம் சொர்க்கவாசல்.

இயக்குனர் சித்தார்த் விஸ்வநாத் இயக்கத்தில் உருவான இப்படத்தில் பாலாஜியுடன் இணைந்து கருணாஸ், நட்டி நட்ராஜ், செல்வராகவன், சானியா அய்யப்பன் ஆகியோர் நடித்திருந்தனர்.

உண்மை சம்பவத்தை மையமாக வைத்து எடுக்கப்பட்ட இப்படம் மக்கள் மத்தியில் நல்ல வரவேற்பை பெற்றுள்ளது. புஷ்பா 2 திரைப்படம் வெளிவந்த நிலையிலும், சொர்க்கவாசல் படம் திரையரங்கில் வெற்றிகரமாக ஓடிக்கொண்டு இருக்கிறது என்பது குறிப்பிடத்தக்கது.

இந்த நிலையில், சொர்க்கவாசல் திரைப்படம் உலகளவில் 10 நாட்களில் செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் உலகளவில் இதுவரை ரூ. 6.5 கோடி வசூல் செய்துள்ளது.

ரம்பத்தில் திரைப்படங்களில் சிறு வேடங்களில் நடித்து வந்த ஆர் ஜே பாலாஜி, தற்போது பிரபல நடிகர், இயக்குனராக வலம் வருகிறார். ஆர்.ஜே. பாலாஜி நடிப்பில் அடுத்ததாக திரைக்கு வரவிருக்கும் படம் சொர்க்க வாசல்.

அறிமுக இயக்குனர் சித்தார்த் விஸ்வநாத் இயக்கத்தில் உருவாகியுள்ள இப்படத்தில் ஆர்.ஜே. பாலாஜி, செல்வராகவன், சானியா அய்யப்பன் உள்ளிட்டோர் நடித்துள்ளனர்.

90களில் மெட்ராஸ் சிறைச்சாலையில் நடந்த உண்மை சம்பவத்தை மையமாக வைத்து இப்படத்தை எடுத்துள்ளதாக சொல்லப்படுகிறது. இப்படத்திற்கு கிறிஸ்டோ சேவியர் என்பவர் இசையமைத்துள்ளார்.

இப்படம் வரும் 29 – ம் தேதி வெளியாக உள்ள நிலையில், படத்தின் ப்ரோமோஷன் நிகழ்ச்சியில் கலந்து கொண்ட ஆர் ஜே பாலாஜி சிவகார்த்திகேயன் குறித்து சில விஷயங்களை பேசியுள்ளார்.

அதில், “விஜய் டிவியில் திட்டம் போட்டு ஒரு நிகழ்ச்சியை தொகுத்து வழங்கினால் சிவகார்த்திகேயன் போன்று வந்து விடலாம் என்று நினைக்கிறார்கள். ஆனால், அது போன்று எல்லாம் யாராலும் வரமுடியாது.

அவர் கடின உழைப்பாலும் சினிமா மேல் உள்ள ஆசையாலும் திறமையை வைத்து இன்று முன்னணி நடிகராக உயர்ந்துள்ளார். அவ்வாறு இருக்க விஜய் டிவிக்குள் சென்றாலே அவரை போன்று ஆகி விடலாம் என்று என்ணுவது தவறு” என்று கூறியுள்ளார்.

தமிழ் சினிமாவின் முன்னணி ஹீரோக்களில் ஒருவர் ஜெயம் ரவி. இவர் நடிப்பில் 2019ல் வெளிவந்து மாபெரும் அளவில் வெற்றியடைந்த திரைப்படம் கோமாளி.

இப்படத்தை பிரபல இயக்குனரும் நடிகருமான பிரதீப் ரங்கநாதன் இயக்கியிருந்தார். அறிமுக படத்திலேயே தனது வெற்றியை பதித்து, தனக்கென்று தனி இடத்தை பிடித்துக்கொண்டார். இப்படத்தை வேல்ஸ் நிறுவனம் ஐசரி கே. கணேஷ் தயாரித்திருந்தார்.

மேலும் இப்படத்தில் ஜெயம் ரவியுடன் இணைந்து காஜல் அகர்வால், சம்யுக்தா, யோகி பாபு, ஆர்.ஜே. ஆனந்தி என பலரும் நடித்திருந்தனர்.

மக்கள் மத்தியில் மாபெரும் வெற்றியடைந்த இப்படத்தில் முதன் முதலில் ஹீரோவாக நடிக்கவிருந்தது ஜெயம் ரவி கிடையாதாம். ஆர்.ஜே. பாலாஜி இப்படத்தில் ஹீரோவாக நடிக்க வைக்க தயாரிப்பாளர் ஐசரி கே. கணேஷ் விருப்பப்பட்டு, அவரிடமும் கூறியுள்ளார். ஆனால், ஆர்.ஜே. பாலாஜி இப்படத்தை நிராகரித்துள்ளார்.

இதுகுறித்து காரணத்தை கூறிய ஆர்.ஜே. பாலாஜி, “இவ்வளவு பெரிய படத்தில் நான் ஹீரோவாக நடித்தால், கண்டிப்பாக மக்கள் ஏற்றுக்கொள்வார்களா என்று தெரியவில்லை. அந்த நேரத்தில் நான் ஒரு படத்தில் கூட ஹீரோவாக நடிக்கவில்லை” என்றும், அதனால் தான் கோமாளி பட வாய்ப்பை நிராகரித்ததாகவும் அவர் பேட்டி ஒன்றில் கூறியுள்ளார்.

தமிழ் சினிமாவில் உச்ச நட்சத்திரமாக இருப்பவர் சூர்யா. இவர் நடிப்பில் கடந்த வாரம் வெளிவந்த திரைப்படம் கங்குவா.

இப்படத்தை தொடர்ந்து சூர்யாவின் வெளிவரவிருக்கும் திரைப்படம் சூர்யா 44. கார்த்திக் சுப்புராஜ் இயக்கி வரும் இப்படத்தில், சூர்யாவுடன் இணைந்து பூஜா ஹெக்டே நடித்துள்ளார். இப்படத்தின் படப்பிடிப்பு முடிந்த நிலையில், இறுதிக்கட்ட தயாரிப்பு பணிகள் நடைபெற்று வருகிறது.

ஆர்.ஜே. பாலாஜி இயக்கத்தில் சூர்யா நடிக்கவிருக்கும் திரைப்படம் சூர்யா 45. இப்படத்தை ட்ரீம் வாரியர் பிக்சர்ஸ் தயாரிக்கிறார்கள். இந்த நிலையில், இப்படத்தில் சூர்யாவிற்கு ஜோடியாக நடிக்கப்போவது யார் என்பது குறித்து தகவல் வெளியாகியுள்ளது.

அதன்படி, சூர்யாவின் 45வது படத்தில் அவருக்கு ஜோடியாக த்ரிஷா நடிக்கப்போவதாக கூறப்படுகிறது. த்ரிஷா – சூர்யா இருவரும் இணைந்து மௌனம் பேசியதே மற்றும் ஆறு படங்களில் நடித்துள்ளனர். மேலும் மன்மதன் அம்பு படத்தில் ஒரே ஒரு பாடலுக்கு த்ரிஷாவுடன் சூர்யா நடனமாடி இருந்தார்.

மேலும் ஆர்.ஜே. பாலாஜி இயக்கவுள்ள மாசாணி அம்மன் படத்திலும் த்ரிஷா தான் நடிக்கவிருந்தார் என தகவல் வெளிவந்தது என்பது குறிப்பிடத்தக்கது.

கடந்த சில தினங்களாகவே தமிழ் சினிமாவில் பரபரப்பாக பேசப்பட்டு வரும் விஷயம் நயன்தாரா-தனுஷ் பிரச்சனை தான்.

நயன்தாரா பிறந்தநாளை முன்னிட்டு, நயன்தாரா பியாண்ட் தி பேரி டேல் என்ற தலைப்பில் ஆவணப்படம் ஒன்று உருவானது. இது நேற்று நயன்தாராவின் பிறந்தநாளை முன்னிட்டு நெட்பிளிக்ஸ் ஓடிடி தளத்தில் வெளியாகி உள்ளது.

இந்த ஆவணப்படத்தின் டிரைலரில், தனுஷ் தயாரிப்பில் நயன்தாரா நடிப்பில் வெளியான நானும் ரவுடித்தான் திரைப்படத்தின் சிறுகாட்சி இடம்பெற்றிருந்தது.

அந்த சின்ன வீடியோவிற்காக தனுஷ் ரூ. 10 கோடி நஷ்டஈடு கேட்டு தன்மீதுள்ள தனிப்பட்ட வெறுப்பால் தனுஷ் பழிவாங்குகிறார் என நயன்தாரா பரபரப்பு குற்றச்சாட்டு முன்வைத்தார்.

தனுஷ்-நயன்தாரா பிரச்சனை குறித்து பலரும் பேசிவர அண்மையில் ஆர்.ஜே.பாலாஜிடம் இதுகுறித்து கேட்கப்பட்டது.

அதற்கு அவர், நானும் அதை இணையத்தில் பார்த்துதான் தெரிந்துகொண்டேன்.

ஊரு ரெண்டு பட்டால் கூத்தாடிக்கு கொண்டாட்டம், கூத்தாடி ரெண்டு பட்டால் ஊருக்கு கொண்டாட்டம் என்பதுபோல ஏதோ ஒன்று நடக்கிறது.

அனைவரும் பார்க்கிறோம், அதைப்பற்றி பேசுகிறோம். இதில் கருத்து தெரிவிப்பதற்கு எதுவும் இல்லை, தனுஷே அதற்கு பதில் சொல்லவில்லை, நாம் என்ன சொல்ல, அவர்கள் இருவருமே அதை பேசிக்கொள்வார்கள் என கூறியுள்ளார்.

RJ பாலாஜி இயக்கி நடித்த படம் மூக்குத்தி அம்மன். அதில் நயன்தாரா தான் மூக்குத்தி அம்மன் ரோலில் நடித்து இருந்தார்.

அந்த படத்திற்கு நல்ல வரவேற்பு கிடைத்து ஹிட் ஆன நிலையில், சமீபத்தில் அதன் இரண்டாம் பாகம் தொடங்கப்படுவதாக அறிவிப்பு வந்திருந்தது. ஆனால் அதை இயக்கப்போவது சுந்தர் சி என தெரிவிக்கப்பட்டது.

இந்நிலையில் RJ பாலாஜி சமீபத்திய பேட்டியில் தான் மூக்குத்தி அம்மன் 2 படம் இயக்காதது ஏன் என்கிற காரணத்தை கூறி இருக்கிறார்.

“நான் மூக்குத்தி அம்மன் 2 இயக்க interested ஆக இல்லை. அவங்க அதை பண்ற ஐடியால இருந்தாங்க, எனக்கு அந்த ஐடியா இல்லை. அதனால் வேறு இயக்குனரை வெச்சி பண்றாங்க.”

“மூக்குத்தி அம்மன் இல்லை என்றால் நான் வேறு எதாவது படம் பண்ணிக்குறேன். அது ஒன்னும் டைட்டானிக் இல்லை. மூக்குத்தி அம்மன் இல்லைனா மாசாணி அம்மன். அதுவும் இல்லனா இன்னும் 108 அம்மன் பெயர்கள் இருக்கு. அதில் ஒன்றை இயக்குவேன்” என RJ பாலாஜி கூறி இருக்கிறார்.

“நான் சில படங்களில் நடித்து கொண்டிருக்கிறேன். அதே நேரத்தில் நான் எழுதிய கதை மூலமாக சூர்யா சாரை இயக்கும் வாய்ப்பும் கிடைத்து இருக்கிறது” எனவும் அவர் கூறி இருக்கிறார்.