மீட்பு மற்றும் தேடுதல் முயற்சிகள் தொடர்ந்து நடைபெற்று வருகின்றன.

இந்த அனர்த்தங்களால் முழுமையாக 5,325 வீடுகளும், பகுதியளவில் 81,163 வீடுகளும் சேதமடைந்துள்ளன. பாதிக்கப்பட்டவர்கள் 690 பாதுகாப்பு முகாம்களில் தங்க வைக்கப்பட்டுள்ளனர். அதில், 22,218 குடும்பங்களைச் சேர்ந்த 69,861 பேர் உள்ளனர்.

நிவாரண முகாம்கள், தற்காலிகக் குடியிருப்புகள் மற்றும் மக்கள் நெருக்கமாகக் கூடும் வெள்ளத்தால் பாதிக்கப்பட்ட பிற பகுதிகளில் கண் தொற்றுகள் வேகமாகப் பரவுவதற்கான வாய்ப்புகள் அதிகம் உள்ளன.

பொதுமக்கள் தனிப்பட்ட சுகாதார நடைமுறைகளைப் பின்பற்றுமாறும், கைகளைத் தவறாமல் கழுவுமாறும், மேலும் கண் தொற்றின் அறிகுறிகள் (கண் சிவத்தல், அரிப்பு, நீர் வடிதல்) தென்பட்டால் உடனடியாக மருத்துவ ஆலோசனையைப் பெறுமாறும் பணியகம் அறிவுறுத்தியுள்ளது.

வெள்ளம் காரணமாக நீரின் தரம் மற்றும் சுகாதாரச் சூழல் பாதிக்கப்பட்டிருப்பதால், மக்கள் தொற்றுநோய்கள் குறித்து மிகவும் விழிப்புடன் இருக்க வேண்டும் எனச் சுகாதார மேம்பாட்டுப் பணியகம் கேட்டுக்கொண்டுள்ளது.

கண்டியில் ஊடகங்களுக்குப் பேட்டியளித்தபோது அவர் இத்தகவல்களை வெளியிட்டார். மத்திய மாகாணத்தில் ஏற்பட்ட வெள்ளம் மற்றும் மண்சரிவு காரணமாக 159 பாடசாலைகள் சேதமடைந்துள்ளன.

மேலும், மத்திய மாகாணத்தில் உள்ள 115 பாடசாலைகள் இடம்பெயர்வு முகாம்களாகச் செயல்பட்டு வருகின்றன என்று துணை அமைச்சர் சுட்டிக்காட்டினார்.

சேதமடைந்த பாடசாலைகள் கடுமையான மற்றும் பகுதி சேதங்களாக வகைப்படுத்தப்பட்டுள்ளன. இடம்பெயர்வு முகாம்களாக இயங்கும் பாடசாலைகள் மற்றும் சேதமடைந்த பாடசாலைகள் தவிர மற்ற பாடசாலைகள் டிசம்பர் 16 ஆம் திகதி மீண்டும் திறக்கத் திட்டமிடப்பட்டுள்ளதாகத் துணை அமைச்சர் பிரசன்ன குணசேன தெரிவித்தார்.