பிராந்தியத்தில் நிலவும் மோதல்கள் குறித்து கவலை வெளியிட்ட அவர், கடல்சார் பாதுகாப்பு, வர்த்தகம், பொருளாதார ஒருங்கிணைப்பு, மீன்பிடி, விவசாயம் மற்றும் காலநிலை மாற்றம் போன்ற விடயங்கள் குறித்து பிராந்தியத் தலைவர்கள் அடிக்கடி சந்தித்துப் பேச வேண்டும் என்று முன்மொழிந்தார். அரசியல் ரீதியான பார்வையை விரிவுபடுத்தி, இந்தியப் பெருங்கடல் பிராந்தியத்திற்கான ஒரு பொதுவான திட்டத்தை வகுப்பதன் மூலம் மட்டுமே, பிற பிராந்தியக் குழுக்களைப் போல எமக்கான ஒற்றுமையை உறுதிப்படுத்த முடியும் என்றும் அவர் சுட்டிக்காட்டினார்.

அமெரிக்கா உள்ளிட்ட வல்லரசுகளின் உலகளாவிய தலையீடுகள் குறைந்து வரும் தற்போதைய சூழல், இந்தியப் பெருங்கடல் பிராந்தியத்தின் வளர்ச்சிக்கு ஒரு முக்கிய வாய்ப்பாக அமைந்துள்ளதாக அவர் மேலும் தெரிவித்தார். இந்தச் சந்தர்ப்பத்தைப் பயன்படுத்தி, கொழும்பு பாதுகாப்பு கலந்துரையாடல் மன்றம் போன்ற அமைப்புகளைப் பலப்படுத்தி, அரசியல் ரீதியாக ஒன்றிணைந்து செயற்பட வேண்டியதன் அவசியத்தை அவர் வலியுறுத்தினார்.

தனிப்பட்ட மட்டத்திலான பேச்சுவார்த்தைகள் மற்றும் பிராந்திய நாடுகளுடனான பரஸ்பர உடன்படிக்கைகள், இலங்கையின் எதிர்காலப் பொருளாதார வளர்ச்சிக்கும் பாதுகாப்புக்கும் அடித்தளமாக அமையும் என்று அவர் நம்பிக்கை வெளியிட்டார். உலக விவகாரங்களில் பிராந்திய நாடுகளின் பங்களிப்பை அதிகரிப்பதன் மூலம், தற்போதைய நெருக்கடிகளிலிருந்து விடுபட்டு, நிலையான அபிவிருத்தியை நோக்கி நகர முடியும் என்பதே முன்னாள் ஜனாதிபதியின் கருத்தாக உள்ளது.

முன்னாள் ஜனாதிபதி ரணில் விக்ரமசிங்க நீண்டகால அரசியல் அனுபவம் மற்றும் சர்வதேச ரீதியிலான அறிவைக் கொண்டவர். அனர்த்தங்களை முகாமைத்துவம் செய்வதில் அவர் கொண்டுள்ள ஆற்றலை நாட்டின் நன்மைக்காகப் பகிர்ந்து கொள்ள முன்வந்துள்ளார்.

ரணில் விக்ரமசிங்கவோ அல்லது ஐக்கிய தேசியக் கட்சியின் ஏனைய முக்கிய உறுப்பினர்களோ தற்போதைய அரசாங்கத்தில் எந்தவிதமான அமைச்சுப் பதவிகளையோ அல்லது பொறுப்புகளையோ ஏற்றுக்கொள்வதற்குத் தயாராக இல்லை என்பதைத் தலதா அத்துகோரள தெளிவுபடுத்தினார்.

“தங்களது தலைவரிடம் இருந்து கற்றுக்கொண்ட பாடங்களைக் கொண்டு, அனர்த்த நிவாரணப் பணிகளில் அரசாங்கத்திற்குத் தேவையான களமட்ட உதவிகளை வழங்க ஐக்கிய தேசியக் கட்சியினராகிய நாங்களும் தயாராக இருக்கிறோம்” என அவர் மேலும் குறிப்பிட்டார்.

அரசியல் ரீதியான வேறுபாடுகளுக்கு அப்பால், தேசிய அனர்த்தத்தின் போது அனுபவமுள்ள தலைவர்களின் ஆலோசனைகளைப் பெற்றுக்கொள்வது நாட்டுக்குச் சாதகமாக அமையும் என அவர் வலியுறுத்தினார்.

இந்த வழக்குத் தொடர்பாக இதுவரை 50 பேரிடம் வாக்குமூலங்கள் பதிவு செய்யப்பட்டுள்ளன.

விசாரணையின் ஒரு பகுதியாகப் பிரித்தானியாவில் தற்போதுள்ள CID குழு, லண்டனில் உள்ள இலங்கை உயர் ஸ்தானிகராலயத்தின் நான்கு ஊழியர்களிடமும் இந்த வாரம் வாக்குமூலங்களைப் பதிவு செய்துள்ளது.

இந்தக் குழு நாளை (நவம்பர் 24) இலங்கைக்குத் திரும்பவுள்ளதுடன், நாடு திரும்பியவுடன் தமது விசாரணையின் அறிக்கையைச் சமர்ப்பிக்கும் என எதிர்பார்க்கப்படுகிறது.

இதற்கிடையில், முன்னாள் ஜனாதிபதி சார்பில் ஜனாதிபதி சட்டத்தரணிகள் அடங்கிய குழுவொன்று சட்டமா அதிபர் பாரிந்த ரணசிங்கவைச் சந்தித்து, தமது சேவைப்பெறுநர் மீதான விசாரணையின் முன்னேற்றம் குறித்து விசாரித்தது.

குற்றப் புலனாய்வுத் திணைக்களத்தின் குழு பிரித்தானியாவிலிருந்து திரும்பிய பின்னரே விசாரணையின் முன்னேற்றம் குறித்து மேலும் தெளிவுபடுத்த முடியும் என்று சட்டமா அதிபர் அவர்களிடம் தெரிவித்துள்ளார் என ஆங்கில ஊடகமொன்று செய்தி வெளியிட்டுள்ளது.

இந்தியாவின் திருப்பத்தூர் நகரில் இந்தத் திருமண வைபவம் நடைபெறவுள்ளது. ஜீவன் தொண்டமான், சீதைஸ்ரீ நாச்சியார் என்பவரைக் கரம்பிடிக்க உள்ளார்.

இந்தத் திருமண நிகழ்வுக்கு, இலங்கை அரசியல் தலைவர்கள் உட்படப் பல முக்கியப் பிரமுகர்களுக்கு அழைப்பு விடுக்கப்பட்டுள்ளது.

முன்னாள் ஜனாதிபதிகளான ரணில் விக்கிரமசிங்க மற்றும் மஹிந்த ராஜபக்ச உள்ளிட்டோரும் திருமண வைபவத்தில் கலந்துகொள்வார்கள் என எதிர்பார்க்கப்படுகிறது.

இந்தத் திருமணம், இலங்கை மற்றும் தமிழக அரசியல் தலைவர்களை இணைக்கும் ஒரு முக்கிய நிகழ்வாகப் பார்க்கப்படுகிறது.

நாடாளுமன்ற உறுப்பினர் ஜீவன் தொண்டமானின் திருமண வைபவத்தில் கலந்துகொள்வதற்காகவே ரணில் விக்கிரமசிங்கவும், மைத்திரி விக்கிரமசிங்கவும் இந்தியாவுக்குப் பயணம் மேற்கொண்டுள்ளனர்.

இந்தத் தம்பதியினர் திருமண விழாவில் கலந்துகொள்வதற்கு முன்னர் இன்று மதுரை மீனாட்சியம்மன் கோயிலுக்குச் சென்று வழிபாடுகளில் ஈடுபட்டதாகத் தகவல்கள் தெரிவிக்கின்றன.

பேராசிரியர் சுனந்த மத்தும பண்டார எழுதிய ‘போராட்டத்தின் போலி வலிமை’ (The False Strength of the Struggle) என்ற நூல் வெளியீட்டு விழாவில் நேற்று (நவம்பர் 20) கலந்துகொண்டு உரையாற்றும்போதே முன்னாள் ஜனாதிபதி இதனைக் குறிப்பிட்டார்.

நெருக்கடி காலத்தின்போது பாராளுமன்றத்தைப் பாதுகாத்ததற்காக முன்னாள் சபாநாயகருக்கு அவர் நன்றி கூறினார். நிதியதிகாரம் பாராளுமன்றத்திடமே இருப்பதால், பாராளுமன்றம் இல்லாமல் பொருளாதார மீட்சியைச் சாத்தியப்படுத்தியிருக்க முடியாது என்று அவர் குறிப்பிட்டார்.

“உணவு, எரிபொருள் மற்றும் உரம் ஆகியவற்றிற்குக் கடும் தட்டுப்பாடு ஏற்பட்டு பொருளாதாரம் வீழ்ச்சியடைந்த அக்காலப்பகுதியில் அரசியல் கட்சி அமைப்பும் சிதைவடைந்திருந்தது,” என்று அவர் அக்கால நிலையை விளக்கினார்.

அப்போதைய ஜனாதிபதி கோட்டாபய ராஜபக்ஷ வெளியேறிய போது ஏற்பட்ட அதிகார வெற்றிடத்தின் போது நடந்த நிகழ்வுகளை அவர் நினைவு கூர்ந்தார்:

“அப்போதைய ஜனாதிபதி கோட்டாபய ராஜபக்ஷ வெளியேறிய போது ஏற்பட்ட அதிகார வெற்றிடத்தின் போது, எதிர்க்கட்சி மற்றும் ஜே.வி.பி. ஆகியன அரசாங்கத்தை அமைக்க மறுத்த நிலையில், ஆரம்பத்தில் தனியொருவராக எந்தவொரு கட்சியின் ஆதரவும் இன்றி நான் சவாலை ஏற்றுக்கொண்டேன்.”

பொருளாதாரத்தைச் ஸ்திரப்படுத்த எடுக்க வேண்டிய கடினமான முடிவுகள் குறித்தும் அவர் பேசினார்:

“பொருளாதாரத்தை ஸ்திரப்படுத்த வரிகளை அதிகரிப்பது போன்ற வேதனையான முடிவுகளை எடுக்க வேண்டியிருந்தது.”

“இது மக்களைப் பாதித்தாலும், அத்தியாவசிய பொருட்களைப் பெற்றுக்கொள்வதற்கும் வருவாயை உறுதி செய்வதற்கும் அவசியமாக இருந்தது,” என்றும் அவர் குறிப்பிட்டார்.

அத்தகைய போராட்டங்களுக்கு சர்வதேச சக்திகளின் ஆதரவு இருந்தாலும் இல்லாவிட்டாலும், அதற்குப் பணியாமல் செயற்பட வேண்டும் என்றும் அவர் சுட்டிக்காட்டினார்.

கொழும்பில் இடம்பெற்ற நிகழ்வொன்றில் கலந்துகொண்டு உரையாற்றும்போதே ரணில் விக்கிரமசிங்க இதனைக் குறிப்பிட்டார்.

“நாங்கள் எல்லாவற்றையும் நடைமுறைப்படுத்தியதால், எங்களால் இந்த நாட்டில் ஜனநாயகத்தைப் பாதுகாக்க முடிந்தது.

பங்களாதேஷிலும் ஒரு பிரச்சினை ஏற்பட்டது. அங்கு வீதிக்கு இறங்கியவர்கள் மீது கடைசியில் அரசாங்கம் சுட வேண்டியதாயிற்று.

எங்களுக்கு ஏற்பட்ட அளவு கடுமையான பிரச்சினை அவர்களுக்கு இல்லை. நேபாளத்தில் சமூக ஊடகங்களைக் கட்டுப்படுத்துவது பற்றிப் பாருங்கள்.

அங்குதான் பிரச்சினை தொடங்கியது. எங்களுக்கு இருந்தவை இவற்றைவிடக் கடுமையான பிரச்சினைகள். எவ்வாறாயினும், ஜனநாயகத்தின் ஊடாக அதைப் பாதுகாக்க நாங்கள் செயற்பட்டோம். எங்களால் அதைக் செய்ய முடிந்தது.

போராட்டம் ஒடுக்கப்பட்டது என்று பிபிசி, அல்-ஜசீரா என எல்லா இடங்களிலும் கூறினார்கள்.

எவ்வளவு ஒடுக்கினார்கள் என்றால், அடுத்த ஜனாதிபதித் தேர்தலில் நான் தோற்றேன்.

உலகிலேயே இப்படிப்பட்ட வெற்றிகரமான ஒடுக்குமுறை எங்கேயும் நடந்திருக்கும் என்று நான் நினைக்கவில்லை.

நாம் செல்ல வேண்டிய பாதையை நாமே உருவாக்கிக் கொள்ள வேண்டும். வெளியிலிருந்து சொல்வது போல் இவற்றைச் செய்ய முடியாது.

இப்போது மேலும் ஒரு கேள்வி எழுந்துள்ளது – எமது பிராந்தியமான ஆசியாவில் இந்தப் போராட்டங்களுக்குப் பின்னால் சக்திகள் இருக்கின்றனவா என்று. நாம் எதற்கும் அடிபணியாமல், இந்தப் பிரச்சினையை நாமே தீர்த்துக்கொள்ள முடிந்தது.” என்றார்.

அங்கு மேலும் கருத்துத் தெரிவித்த ரணில் விக்கிரமசிங்க,

“பொருளாதாரத்தையும் சீர் செய்தோம். நாட்டில் கோரிக்கைகள் இருந்தன – கோல்ஃபேஸ் மைதானத்தில், போராட்டத்தில், நாடு முழுவதும் உரத்தைக் கொடுங்கள், உணவு கொடுங்கள், எரிபொருள் கொடுங்கள் என்று கேட்டார்கள்.

அந்த மூன்று தேவைகளையும் பூர்த்தி செய்தோம். ஜனநாயகத்தைப் பாதுகாக்கச் சொன்னார்கள், அதையும் செய்தோம். ஊழலை ஒழிக்கச் சொன்னார்கள். ஊழல் எதிர்ப்புச் சட்டத்தை நிறைவேற்றினோம்.

ஒன்றை நினைவில் கொள்ளுங்கள், ஆசியாவிலேயே பழமையான ஜனநாயக நாடுகளில் ஒன்றுதான் இலங்கை.

நாம் இதைப் போற்ற வேண்டும். இதைப் பாதுகாக்க வேண்டும். இதை முன்னோக்கிக் கொண்டு செல்ல வேண்டும்.

இது எந்தவொரு அரசாங்கத்தினதும் கடமையாகும். அதைச் செய்ய முடியாவிட்டால், எங்களால் ஆட்சி செய்ய முடியும் என்று எந்தவொரு அரசாங்கமும் சொல்ல முடியாது.” என்றார்.

இன்று காலை 8.40 மணியளவில் ஸ்ரீலங்கன் ஏர்லைன்ஸ் விமானமான UL-121 மூலம் அவர் சென்னை நகரை நோக்கிப் புறப்பட்டுச் சென்றார்.

ரணில் விக்கிரமசிங்கவின் மனைவி மைத்திரி விக்கிரமசிங்கவும் இந்தப் பயணத்தில் அவருடன் இணைந்துகொண்டுள்ளார்.

அவர்களது தனிப்பட்ட விஜயமா அல்லது உத்தியோகபூர்வ விஜயமா என்பது குறித்த மேலதிகத் தகவல்கள் எதுவும் வெளியாகவில்லை.

சட்ட மாஅதிபர் அறிக்கை: சட்ட மாஅதிபர் சார்பாக நீதிமன்றத்தில் முன்னிலையான மேலதிக மன்றாடியார் நாயகம் திலீப பீரிஸ், முன்னாள் ஜனாதிபதிக்கு எதிராக நடத்தப்படும் விசாரணை இறுதிக் கட்டத்தில் இருப்பதாகவும், விரைவில் மேல் நீதிமன்றத்தில் வழக்குத் தாக்கல் செய்ய நடவடிக்கை எடுக்கப்படும் என்றும் கூறினார்.

ரணில் விக்ரமசிங்கவின் செயலாளரின் சார்பாகப் பயணத் தடையைத் தளர்த்துவதற்கான கோரிக்கையை மீளப் பெறுவதாக ஜனாதிபதி சட்டத்தரணி நீதிமன்றத்திற்குத் தெரிவித்தார். அதன்படி, பயணத் தடையைத் தளர்த்துவதற்கான கோரிக்கையை நீதிவான் நிராகரித்தார்.

இச்சம்பவம் தொடர்பாக மேலும் தகவல்களை வழங்கிய ஜனாதிபதி சட்டத்தரணி, தனது மகளின் பிரசவத்தில் கலந்துகொள்வதற்காகவே வெளிநாட்டுப் பயணத் தடையைத் தளர்த்துமாறு செயலாளர் கோரியுள்ளார் எனக் குறிப்பிட்டார்.

வரவு செலவுத் திட்டத்தின் மூன்றாவது வாசிப்பு மீதான விவாதத்தில் உரையாற்றும் போதே அவர் இந்தக் கருத்தைத் தெரிவித்தார்.

அமைச்சர் ஆனந்த விஜேபால மேலும் உரையாற்றுகையில் “ரணில் விக்ரமசிங்கவுக்கு இருந்த 29 ஒருங்கிணைப்புச் செயலாளர்களுக்கும் மில்லியன் கணக்கான ரூபாய் செலவிடப்பட்டது. தற்போதைய ஜனாதிபதி: “எங்கள் ஜனாதிபதி அநுர குமார திசாநாயக்க ஐந்து ஆலோசகர்களை மட்டுமே நியமித்துள்ளார்.”

“அவர்கள் அனைவரும் தன்னார்வத்துடன் பணியாற்றுகிறார்கள். அப்படித்தான் அவர் சமூகத்திற்கு ஒரு முன்மாதிரியாக இருக்கிறார்.”

ஜனாதிபதியின் செலவுகளிலிருந்து அனைத்து தேவையற்ற செலவுகளும் குறைக்கப்பட்டுள்ளன. அதன்படி, ஜனாதிபதி அநுர குமார திசாநாயக்க ஜனாதிபதி செலவீனத்திலிருந்து 30 கோடி ரூபாய் (300 மில்லியன்) சேமித்துள்ளார்.

“39 பேருக்குப் பதிலாக, 5 பேர் நியமிக்கப்பட்டுள்ளனர். அவர்கள் அனைவரும் தன்னார்வத்துடன் பணியாற்றுகிறார்கள். அவர்களுக்கு மரியாதை செலுத்தும் அடையாளமாக இதைச் சொல்ல விரும்புகிறேன்,” என்று ஆனந்த விஜேபால தெரிவித்தார்.