இமயமலைக்கு புறப்படும் நடிகர் ரஜினிகாந்திடம் கேட்கப்பட்ட மோடி மற்றும் இசை குறித்த கேள்விக்கு அவர் பதிலளிக்காமல் சென்றது பேசுபொருளாகியுள்ளது.

‘வேட்டையன்’ படப்பிடிப்பை முடித்துள்ள நடிகர் ரஜினிகாந்த், கடந்த ஒரு வாரம் அபுதாபியில் ஓய்வெடுக்க சென்று சென்னை திரும்பினார்.

இதனையடுத்து, இன்று அதிகாலை ஒரு வாரகால ஆன்மிக பயணம் செல்ல இமயமலை கிளம்பியுள்ளார். இவர், ஒவ்வொரு வருடமும் இமயமலை பாபாஜி குகை, கேதர்நாத், பத்ரிநாத் உள்ளிட்ட இடங்களுக்கு செல்வதை வழக்கமாக வைத்திருந்தார்.

கொரோனா காலங்களில் ரஜினிகாந்த் பயனம் மேற்கொள்ள முடியாத நிலையில், கடந்த ஆண்டு மீண்டும் இமயமலை பயணத்தைத் தொடங்கினார்.

இன்று அதிகாலை ஆன்மீக பயணமாக இமயமலை கிளம்பிய ரஜினிகாந்த், ஜூன் மாதம் முதல் வாரத்தில் சென்னை திரும்புகிறார்.

இந்நிலையில், இமயமலை புறப்படும் நேரத்தில் செய்தியாளர்களை சந்தித்த ரஜினிகாந்திடம், மீண்டும் மோடி ஆட்சியை கைப்பற்றுவாரா என்று கேள்வி கேட்டனர். அதற்கு அவர் அரசியல் கேள்விகள் வேண்டாம் என்று கூறினார்.

பின்னர், இசையமைப்பாளர் இளையராஜாவின் இசை சர்ச்சையை குறிப்பிட்டு “பாடல் பெரிதா? இசை பெரிதா?” என்று கேள்வி கேட்டனர். அதற்கு அவர் சிரித்துக்கொண்டே “அண்ணா, நோ கமெண்ட்ஸ்!” என்று கூறினார்.

ரஜினிகாந்த் நடிப்பில் கடந்த ஆண்டு வெளிவந்து மாபெரும் வெற்றியடைந்த திரைப்படம் ஜெயிலர். இப்படத்தின் இசை வெளியிட்டு விழாவில் பல சுவாரஸ்யமான விஷயங்களை பேசினார்.

அதில் தயாரிப்பாளர் கலாநிதி மாறனின் மகள் காவ்யா குறித்தும் பேசினார். IPL போட்டியில் சன் ரைசர்ஸ் ஹைதராபாத் அணியின் உரிமையாளர் காவ்யா மாறன் ஆவர். சன் ரைசர்ஸ் ஹைதராபாத் அணி விளையாடும் போதெல்லாம் இவருடைய எக்ஸ்பிரஷன்ஸ் தான் இணையத்தில் வைரலாகும்.

இதுகுறித்து ஜெயிலர் இசை வெளியிட்டு விழாவில் பேசிய ரஜினிகாந்த் ‘சன் ரைசர்ஸ் ஹைதராபாத் அணியில் நல்ல வீரர்களை போடுங்க. போட்டி நடக்கும்போதெல்லாம் காவ்யாவின் எக்ஸ்பிரஷன்ஸ் பார்த்தா நமக்கே டென்ஷன் ஆகுது, பிபி ஏறுது” என நகைச்சுவையாக பேசியிருந்தார்.

ரஜினிகாந்த் பேசியதை தொடர்ந்து 2024ஆம் ஆண்டு சன் ரைசர்ஸ் ஹைதராபாத் அணியின் ஒவ்வொரு போட்டியிலும் புதுப்புது சாதனைகளை படைத்து வெற்றியை ருசித்து வருகிறார்கள். மும்பை இந்தியன்ஸ் அணியை எதிர்கொண்ட போது, அவர்களுக்கு எதிராக 277 ரன்களை இலக்காக வைத்தது சன் ரைசர்ஸ் ஹைதராபாத். இதுவே IPL வரலாற்றில் அதிகமான ஸ்கோர் என சாதனை படைத்தது.

இதை தொடர்ந்து நேற்று சன் ரைசர்ஸ் ஹைதராபாத் vs ராயல் சேலஞ்சஸ் பெங்களூரு அணிகளுக்கு இடையே போட்டி நடைபெற்றது.

இதில் முதல் இன்னிங்ஸில் ஆடிய சன் ரைசர்ஸ் ஹைதராபாத் அணி 287 ரன்கள் குவித்தன. இதன்மூலம் ஏற்கனவே இருந்த தங்களுடைய டோட்டல் ஸ்கோர் சாதனையை முறியடித்து புதிய சாதனையை படைத்துள்ளது சன் ரைசர்ஸ் ஹைதராபாத் அணி. மேலும் IPL பாயிண்ட்ஸ் டேபிளில் டாப் 4ல் இடம்பிடித்துள்ளது.

ரஜினிகாந்தின் பேச்சை தொடர்ந்து சன் ரைசர்ஸ் ஹைதராபாத் அணி இப்படி ஆடி வருகிறதை ரஜினி ரசிகர்கள் சமூக வலைத்தளத்தில் வைரலாக்கி வருகிறார்கள்.

லோகேஷ் கனகராஜ் அடுத்ததாக ரஜினிகாந்துடன் இணைந்துள்ள திரைப்படம் தலைவர் 171. இப்படத்திற்கு ரசிகர்கள் மத்தியில் பெரும் எதிர்பார்ப்பு இருக்கிறது. சமீபத்தில் தான் இப்படத்தின் First லுக் போஸ்டர் வெளிவந்தது.

மேலும் வருகிற 22ஆம் தேதி இப்படத்தின் டைட்டில் டீசர் வெளியாகும் என அதிகாரப்பூர்வமாக அறிவித்துள்ளனர். இந்த டைட்டில் டீசருக்கான படப்பிடிப்பு தற்போது நடைபெற்று வருகிறதாம்.

விக்ரம், லியோ படங்களுக்கு எப்படி டைட்டில் டீசர் வெளிவந்ததோ, அதே போல் செம மாஸாக ரஜினிக்கும் என்ட்ரி கொடுக்கவுள்ளார் லோகேஷ். கண்டிப்பாக இந்த டைட்டில் டீசர் ரசிகர்களை திருப்திப்படுத்தும் என எதிர்பார்க்கப்படுகிறது.

இந்த நிலையில் தலைவர் 171 படத்தின் கதை, ஹாலிவுட் திரைப்படமான The Purge படத்திலிருந்து எடுக்கப்பட்டுள்ளது என பிரபல பத்திரிகையாளர் தகவலை பகிர்ந்துள்ளார்.

ஹாலிவுட்டில் James DeMonaco இயக்கத்தில் 2013ஆம் ஆண்டு வெளிவந்த படம் தான் The Purge. இப்படத்திலிருந்து இன்ஸ்பைர் ஆகி தான் தலைவர் 171 படத்தின் கதையை லோகேஷ் எழுதியுள்ளார் நீ சொல்லப்படுகிறது.

ஏற்கனவே லியோ படம் படம் ஹாலிவுட்டில் வெளிவந்த A History of Violence படத்தின் இன்ஸ்பிரேஷன் என்பதை நாம் அறிவோம். அதே போல் தான் தலைவர் 171 படமும் The Purge படத்தின் இன்ஸ்பிரேஷனா என பொறுத்திருந்து பார்ப்போம்.

சூப்பர் ஸ்டார் ரஜினிகாந்த் சமீபத்தில் ராமர் கோவிலுக்கு சென்ற போது அவரை பாஜகவின் ஆதரவாளர் என்று விமர்சனம் செய்தனர். அதன் பிறகு அவர் யோகி ஆதித்யநாத் காலில் விழுந்த போதும் அவர் பாஜகவின் அடிமை என்றும் சங்கி என்றும் விமர்சனம் செய்தனர்.

இந்த நிலையில் திடீரென சசிகலாவின் வீட்டிற்கு அவர் சென்றபோது அவர் அதிமுக ஆதரவாளர் என்று கூறிய நிலையில் நேற்று அவர் கலைஞர் கருணாநிதி நினைவிட திறப்பு விழாவுக்கு சென்று முதல்வர் மு க ஸ்டாலின் மற்றும் கி வீரமணி ஆகியோர்கள் அருகில் உட்கார்ந்து பேசிக் கொண்டிருந்த நிலையில் தற்போது அவரை விமர்சனம் செய்தவர்கள் வாயை மூடி உள்ளனர்.

பாஜக தலைவர்களை சந்தித்த போது மட்டும் சங்கி என்று ரஜினிகாந்த்தை விமர்சனம் செய்த நிலையில் தற்போது முதல்வர் ஸ்டாலின் மற்றும் கி வீரமணியை சந்தித்த போது அமைதியாக இருப்பது ஆச்சரியத்தை ஏற்படுத்தியுள்ளது. ரஜினியை பொறுத்தவரை அவருக்கு அனைத்து கட்சிகளிலும் நண்பர்கள் உண்டு என்றும் அவரை எந்த அரசியல்வாதியும் பகைத்துக் கொள்வதில்லை என்றும் ரஜினியை விரும்பியே பல அரசியல்வாதிகள் அழைத்து பேசி வருகின்றனர் என்றும் அவருடைய ஆதரவாளர்கள் தெரிவித்து வருகின்றனர்.

அதிமுக, திமுக, காங்கிரஸ், பாஜக, கம்யூனிஸ்ட், ஏன் சாமியே இல்லை என்று கூறும் கி வீரமணி உடன் கூட ஆன்மீகவாதியான ரஜினிகாந்த் நட்பாக இருக்கிறார் என்றும் அவருடைய பார்வை எப்போதும் ஒரே மாதிரி தான் இருக்கிறது, ஆனால் அவரை பற்றிய விமர்சனங்கள் தான் மாறி மாறி வருகிறது என்றும் ரஜினி ஆதரவாளர்கள் கருத்து தெரிவித்து வருகின்றனர்.

ஒரு பக்கம் ராமர் கோயில் கும்பாபிஷேகத்திற்கு செல்லும் ரஜினிகாந்த் இன்னொரு பக்கம் ராமர் என்ன இன்ஜினியரா என கேலி செய்த கருணாநிதி நினைவிடத்திற்கும் சென்று உள்ளார் என்பதால் அவர் எல்லோருக்கும் பொதுவானவர் என்பது இதன் மூலம் தெரிய வருகிறது என்றும் ரஜினி ஆதரவாளர்கள் கருத்து தெரிவித்து வருகின்றனர்.