சூப்பர்ஸ்டார் ரஜினிகாந்த் தற்போது வேட்டையன் படத்தில் நடித்து வருகிறார். இப்படத்தின் படப்பிடிப்பு தற்போது நடைபெற்று வருகிறது.

இப்படத்தை தொடர்ந்து ரஜினிகாந்த் நடிக்கவிருக்கும் படம் தான் தலைவர் 171. இப்படத்தை லோகேஷ் கனகராஜ் இயக்கவுள்ளார். சன் பிக்சர்ஸ் தயாரிப்பில் உருவாகும் இப்படத்தின் டைட்டில் டீசர் வருகிற 22ஆம் தேதி வெளிவரவிருக்கிறது. இதற்கான படப்பிடிப்பும் சமீபத்தில் தான் நடைபெற்று முடிந்ததாம்.

தலைவர் 171 படத்திற்கு பின் ரஜினிகாந்த் நடிக்கப்போகும் படம் ஜெயிலர் என கூறப்படுகிறது. ஜெயிலர் 2 குறித்து தகவல்கள் உலா வந்துகொண்டிருக்கும் நிலையில், அதற்கு பின் அவர் நடிக்கப்போகும் படம் குறித்து பிரபல பத்திரிக்கையாளர் ஒருவர் பேசியுள்ளார்.

அதன்படி, இப்படத்தை ஐசரி கே கணேஷ் தயாரிக்க அதிக வாய்ப்புகள் இருக்கிறதாம். ஆனால், இப்படத்தை இயக்கப்போவது யார் என்பது குறித்து எந்த ஒரு தகவலும் தற்போது வெளிவரவில்லை. இந்த நிலையில், இயக்குனர் கவுதம் மேனன் கடந்த சில வாரங்களுக்கு முன் அளித்த பேட்டி ஒன்றில் ஐசரி கே கணேஷ் சார் என்னை தயாராக இருக்க சொன்னார்.

ரஜினி அல்லது கமலிடம் நாம் இணைந்து படம் பண்ணுவோம் அதற்காக தயாராக இருங்க என கூறியதாக தெரிவித்தார் என்பதும் குறிப்பிடத்தக்கது.

ஐசரி கே கணேஷை தொடர்ந்து தெலுங்கு தயாரிப்பாளர் தில் ராஜுவும், ரஜினியின் கால்ஷீட்காக காத்திருக்கிறாராம். இந்த தகவலை பிரபல பத்திரிக்கையாளர் ஒருவர் பகிர்ந்துகொண்டார்.

ரஜினிகாந்த் நடிப்பில் கடந்த ஆண்டு வெளிவந்து மாபெரும் வெற்றியடைந்த திரைப்படம் ஜெயிலர். இப்படத்தின் இசை வெளியிட்டு விழாவில் பல சுவாரஸ்யமான விஷயங்களை பேசினார்.

அதில் தயாரிப்பாளர் கலாநிதி மாறனின் மகள் காவ்யா குறித்தும் பேசினார். IPL போட்டியில் சன் ரைசர்ஸ் ஹைதராபாத் அணியின் உரிமையாளர் காவ்யா மாறன் ஆவர். சன் ரைசர்ஸ் ஹைதராபாத் அணி விளையாடும் போதெல்லாம் இவருடைய எக்ஸ்பிரஷன்ஸ் தான் இணையத்தில் வைரலாகும்.

இதுகுறித்து ஜெயிலர் இசை வெளியிட்டு விழாவில் பேசிய ரஜினிகாந்த் ‘சன் ரைசர்ஸ் ஹைதராபாத் அணியில் நல்ல வீரர்களை போடுங்க. போட்டி நடக்கும்போதெல்லாம் காவ்யாவின் எக்ஸ்பிரஷன்ஸ் பார்த்தா நமக்கே டென்ஷன் ஆகுது, பிபி ஏறுது” என நகைச்சுவையாக பேசியிருந்தார்.

ரஜினிகாந்த் பேசியதை தொடர்ந்து 2024ஆம் ஆண்டு சன் ரைசர்ஸ் ஹைதராபாத் அணியின் ஒவ்வொரு போட்டியிலும் புதுப்புது சாதனைகளை படைத்து வெற்றியை ருசித்து வருகிறார்கள். மும்பை இந்தியன்ஸ் அணியை எதிர்கொண்ட போது, அவர்களுக்கு எதிராக 277 ரன்களை இலக்காக வைத்தது சன் ரைசர்ஸ் ஹைதராபாத். இதுவே IPL வரலாற்றில் அதிகமான ஸ்கோர் என சாதனை படைத்தது.

இதை தொடர்ந்து நேற்று சன் ரைசர்ஸ் ஹைதராபாத் vs ராயல் சேலஞ்சஸ் பெங்களூரு அணிகளுக்கு இடையே போட்டி நடைபெற்றது.

இதில் முதல் இன்னிங்ஸில் ஆடிய சன் ரைசர்ஸ் ஹைதராபாத் அணி 287 ரன்கள் குவித்தன. இதன்மூலம் ஏற்கனவே இருந்த தங்களுடைய டோட்டல் ஸ்கோர் சாதனையை முறியடித்து புதிய சாதனையை படைத்துள்ளது சன் ரைசர்ஸ் ஹைதராபாத் அணி. மேலும் IPL பாயிண்ட்ஸ் டேபிளில் டாப் 4ல் இடம்பிடித்துள்ளது.

ரஜினிகாந்தின் பேச்சை தொடர்ந்து சன் ரைசர்ஸ் ஹைதராபாத் அணி இப்படி ஆடி வருகிறதை ரஜினி ரசிகர்கள் சமூக வலைத்தளத்தில் வைரலாக்கி வருகிறார்கள்.