இந்த விசேட திட்டத்தின் கீழ் இதுவரை தீவு முழுவதும் 11,064 நிறுவனங்கள் விரிவான ஆய்வுக்கு உட்படுத்தப்பட்டுள்ளன. இதில் 967 உணவு தொடர்பான நேரடிச் சோதனைகள் மேற்கொள்ளப்பட்டதுடன், தரமற்ற உணவுப் பொருட்களை விற்பனை செய்த மற்றும் சுகாதார நடைமுறைகளை மீறிய 817 வர்த்தகர்களுக்கு எதிராக வழக்குகள் பதிவு செய்யப்பட்டுள்ளன. 2,300-க்கும் மேற்பட்ட பொது சுகாதார ஆய்வாளர்கள் இந்தப் பணியில் ஈடுபடுத்தப்பட்டுள்ளனர்.

சோதனைகளின் போது மனித நுகர்வுக்குப் பொருத்தமற்ற நிலையில் காணப்பட்ட 3,045 உணவுப் பொருட்களை அதிகாரிகள் கைப்பற்றியுள்ளனர். அவற்றில் 2,299 பொருட்கள் உடனடியாக அழிக்கப்பட்டுள்ளதாக சங்கத்தின் தலைவர் கே.ஏ.பி. பொரலேசா தெரிவித்துள்ளார். பண்டிகைக் காலத்தில் அதிக இலாபம் ஈட்டும் நோக்கில் காலாவதியான அல்லது சுகாதாரமற்ற உணவுகளை விற்பனை செய்வதைத் தடுக்க இந்த நடவடிக்கை இன்னும் தொடரும் என அவர் மேலும் குறிப்பிட்டுள்ளார்.

பொதுமக்கள் உணவுகளைக் கொள்வனவு செய்யும் போது அவற்றின் தரம் மற்றும் காலாவதித் திகதி குறித்து அவதானமாக இருக்குமாறும், ஏதேனும் குறைபாடுகள் காணப்பட்டால் உடனடியாகப் பிராந்திய சுகாதார அதிகாரிகளுக்கு அறிவிக்குமாறும் கேட்டுக்கொள்ளப்பட்டுள்ளனர்.