நடிகை பிரியாமணி பருத்திவீரன் படத்தில் முத்தழகு ரோலில் நடித்ததற்காக தேசிய விருது வென்றவர். அவர் அதன் பிறகு என்னதான் படங்கள் நடித்தாலும் பெரிய ஹீரோ படங்களில் அவருக்கு ஹீரோயின் சான்ஸ் கிடைக்கவில்லை.

தற்போது பெரிய இடைவெளிக்கு பிறகு பிரியாமணி மீண்டும் பிஸியான நடிகையாக மாறி இருக்கிறார். ஷாருக் கானின் ஜவான், அஜய் தேவ்கன் நடித்த மைதான் போன்ற படங்களில் அவர் நடித்து இருக்கிறார்.

இந்நிலையில் சமீபத்திய ஒரு பேட்டியில் பிரியாமணியிடம் உங்களுக்கு ஏன் தமிழ் மற்றும் தெலுங்கில் டாப் ஹீரோக்கள் வாய்ப்பு தரவில்லை என கேட்டிருக்கின்றனர்.

“நான் யாரையும் குறை கூற விரும்பவில்லை. என்னை நடிக்க வைத்தால் அவர்களை நடிப்பில் மிஞ்சிவிடுவேன் என பயப்படுகிறார்கள் என சிலர் என்னிடம் சொல்வார்கள். ஆனால் அது உண்மை இல்லை என எனக்கு தெரியும்.”

“எனக்கு டாப் ஹீரோ படங்களில் வாய்ப்பு கிடைக்காததற்கு என்ன காரணம் என எனக்கும் தெரியவில்லை. அதை அந்த ஹீரோக்கள் மற்றும் தயாரிப்பாளர்களிடம் தான் கேட்க வேண்டும்” என பிரியாமணி கூறி இருக்கிறார்.

நடிகை பிரியாமணி தற்போது மைதான் என்ற படத்தில் நடித்து இருக்கிறார். அதில் அஜய் தேவ்கன் உள்ளிட்ட பலர் நடித்து இருக்கின்றனர்.

நேற்று இந்த படத்தின் ஸ்பெஷல் ஸ்கிரீனிங் நிகழ்ச்சி நடைபெற்றது. அதில் பாலிவுட்டின் பல முக்கிய பிரபலங்கள் கலந்துகொண்டிருந்தனர்.

மைதான் படத்தை போனி கபூர் தான் தயாரித்து இருக்கிறார். அதனால் நிகழ்ச்சிக்கு வந்தார்கள் எல்லோருடனும் அவர் போட்டோவுக்கு போஸ் கொடுத்தார்.

அப்படி அவர் பிரியாமணி உடன் நிற்கும்போது தனக்கு அருகில் அணைத்து பிடித்துக்கொண்டார். இதனால் பிரியாமணி சங்கடத்துடன் தான் நின்று இருந்தார்.

அந்த வீடியோ வைரல் ஆன நிலையில் தற்போது நெட்டிசன்கள் போனி கபூரை விமர்சித்து வருகின்றனர்.