தகவல் தொழில்நுட்பம் மற்றும் கணினி குற்றப்புலனாய்வுத் திணைக்களத்தின் காலி நிலையப் பொறுப்பதிகாரி கே.கே.ஆர். அல்விஸ் இது குறித்துப் பின்வரும் அதிர்ச்சிகரமான தகவல்களை வெளியிட்டுள்ளார்:

பொதுமக்கள் அறியாத வண்ணம் மிகவும் சிறிய வடிவிலான, உயர் தொழில்நுட்பங்களைக் கொண்ட கெமராக்களை இந்தக் குற்றக் கும்பல்கள் பயன்படுத்துகின்றன.

விடுதிகள், ஆடை மாற்றும் அறைகள் அல்லது பொது இடங்கள் எனப் பல்வேறு இடங்களில் இவ்வாறான கெமராக்கள் மிக இரகசியமாக மறைத்து வைக்கப்படுகின்றன.

இவ்வாறு பதிவு செய்யப்படும் காணொளிகளை வைத்தே, சம்பந்தப்பட்ட நபர்களை மிரட்டிப் பெருந்தொகை பணம் பறிக்கப்படுவதாக முறைப்பாடுகள் அதிகரித்துள்ளன.

இவ்வாறான குற்றச்செயல்களில் அதிகம் பாதிக்கப்படுவது பெண்களாக இருப்பதால், வெளியிடங்களுக்குச் செல்லும்போது அல்லது தங்கியிருக்கும்போது மிகவும் அவதானமாகவும் எச்சரிக்கையுடனும் செயற்படுமாறு காலி காவல்துறை பொறுப்பதிகாரி அறிவுறுத்தியுள்ளார்.

அறிமுகமில்லாத நபர்களுடன் சமூக வலைதளங்களில் அந்தரங்கக் காணொளிகளைப் பகிர்ந்து கொள்வதைத் தவிர்க்கவும்.

சந்தேகத்திற்கிடமான அறைகள் அல்லது இடங்களுக்குச் செல்லும்போது சூழலைச் சோதிப்பது அவசியமாகும்.

இவ்வாறான மிரட்டல்கள் விடுக்கப்பட்டால் அஞ்சாமல் உடனடியாகத் தகவல் தொழில்நுட்பக் குற்றப்புலனாய்வுத் திணைக்களத்திடம் முறைப்பாடுகளைச் சமர்ப்பிக்கவும்.