Pongal Release 2026 – tamilnaadi.com

ஜன நாயகன் முன்னோட்டத்திற்குத் திரையரங்குகளில் முன்பதிவு: விஜய் ரசிகர்கள் உற்சாகம்!

varman Tamilnaadi — Fri, 02 Jan 2026 17:33:01 +0000

ஹெச். வினோத் இயக்கத்தில் தளபதி விஜய் நடித்துள்ள ‘ஜன நாயகன்’ திரைப்படத்தின் முன்னோட்டம் (Trailer) நாளை வெளியாகவுள்ள நிலையில், அதனைத் திரையரங்குகளில் கொண்டாடுவதற்கு ரசிகர்கள் தயாராகி வருகின்றனர்.

‘ஜன நாயகன்’ படத்தின் விறுவிறுப்பான முன்னோட்டம் நாளை (சனிக்கிழமை) மாலை 6.45 மணிக்கு வெளியாகும் எனப் படக்குழு அதிகாரப்பூர்வமாக அறிவித்துள்ளது.

இந்த முன்னோட்டத்தை யூடியூப் தளத்தில் மட்டுமன்றி, திரையரங்குகளிலும் ரசிகர்கள் கண்டு களிக்க விசேட ஏற்பாடுகள் செய்யப்பட்டுள்ளன.

திருநெல்வேலியில் உள்ள பிரபல ARK ராம் முத்துராம் சினிமாஸ் (RGB) திரையரங்கில், படத்தின் முன்னோட்டத்தைக் காண்பதற்கான முன்பதிவுகள் ஏற்கனவே ஆரம்பிக்கப்பட்டுவிட்டன. முன்னோட்டத்திற்கே திரையரங்குகளில் முன்பதிவு நடப்பது ரசிகர்களிடையே நிலவும் பெரும் எதிர்பார்ப்பைக் காட்டுகிறது.

விஜய் அரசியலுக்கு வருவதற்கு முன்னதாக நடிக்கும் கடைசித் திரைப்படம் இது என்று கூறப்படுவதால், ‘ஜன நாயகன்’ படத்தின் மீது உலகெங்கும் உள்ள ரசிகர்களுக்குத் தனிப்பட்ட ஆர்வம் ஏற்பட்டுள்ளது.

பொங்கல் பண்டிகையை முன்னிட்டு எதிர்வரும் ஜனவரி 9-ஆம் திகதி இப்படம் உலகம் முழுவதும் பிரம்மாண்டமாகத் திரைக்கு வரவுள்ளது. இதற்கிடையில், நாளை வெளியாகவுள்ள முன்னோட்டம் சமூக வலைதளங்களில் புதிய சாதனைகளைப் படைக்கும் என எதிர்பார்க்கப்படுகிறது.

விஜய் ரசிகர்களுக்கு இரட்டிப்பு விருந்து: ‘ஜனநாயகன்’ படத்தின் 2ஆவது பாடல் 18ஆம் திகதி வெளியீடு; இசை வெளியீட்டு விழா மலேசியாவில்!

varman Tamilnaadi — Tue, 16 Dec 2025 17:10:10 +0000

தமிழ் சினிமாவின் முன்னணி நடிகரான விஜய் நடித்த ‘ஜனநாயகன்’ திரைப்படத்தின், 2ஆவது பாடல் வரும் 18ம் திகதி வெளியாக உள்ளதாக படக்குழு அறிவித்துள்ளது.

எச்.வினோத் இயக்கத்தில் ‘ஜனநாயகன்’ படத்தில் நடித்து முடித்துள்ளார். இந்த படம், அடுத்த ஆண்டு (2026) பொங்கல் பண்டிகையில் திரைக்கு வருகின்றது. இதில் பூஜா ஹெக்டே, மமிதா பைஜு, பிரியாமணி, பாபி தியோல், கவுதம் மேனன், நரேன் ஆகியோர் நடித்துள்ளனர். இந்த படத்திற்கு அனிருத் இசையமைத்துள்ளார்.

சமீபத்தில் இப்படத்தின் முதல்பாடலான “தளபதி கச்சேரி” பாடல் வெளியாகி மிகுந்த வரவேற்பை பெற்றது. இந்த படம் வெளியாவதற்கு முன்பே சுமார் ரூ.300 கோடிக்கும் அதிகமாக வசூல் செய்துள்ளதாக கூறப்படுகிறது.

இந்த படத்தின் இசை வெளியீட்டு விழா மலேசியாவின் கோலாலம்பூரில் எதிர்வரும் 27ஆம் திகதி நடைபெறவுள்ளதாக படக்குழு தெரிவித்துள்ளது. இப்படத்தில் டிரெய்லர் எதிர்வரும் ஜனவரி மாதம் முதலாம் திகதி டிரெய்லர் வெளியாகும் என்று தகவல் கிடைத்துள்ளது.

விஜய் நடிக்கும் கடைசித் திரைப்படம் ‘ஜனநாயகன்’: வெளியீட்டுத் திகதி அறிவிப்பு; ‘தளபதி கச்சேரி’ முதல் பாடல் வெளியானது!

varman Tamilnaadi — Sat, 08 Nov 2025 15:02:03 +0000

நடிகர் விஜய்யின் கடைசித் திரைப்படம் என்ற எதிர்பார்ப்பை ஏற்படுத்தியுள்ள ‘ஜனநாயகன்’ திரைப்படத்தின் வெளியீட்டுத் திகதி அதிகாரப்பூர்வமாக அறிவிக்கப்பட்டுள்ளதுடன், படத்தின் முதல் பாடலான ‘தளபதி கச்சேரி’ தற்போது வெளியாகியுள்ளது.

‘ஜனநாயகன்’ திரைப்படம் பொங்கலை முன்னிட்டு அடுத்த ஆண்டு ஜனவரி மாதம் 9ஆம் திகதி வெளியாகும் எனப் படக்குழு அதிகாரப்பூர்வமாக அறிவித்துள்ளது.

இத்திரைப்படமே நடிகர் விஜய் நடிக்கும் கடைசி திரைப்படம் என்பதால், மக்கள் மத்தியில் இந்தப் படத்துக்கான எதிர்பார்ப்பு மிகவும் அதிகமாக உள்ளது.

பூஜா ஹெக்டே, பாபி தியோல், மமிதா பைஜூ, பிரியாமணி உள்ளிட்ட பலர் முக்கிய வேடங்களில் நடித்துள்ளனர்.

இத்திரைப்படத்திற்கு இசையமைப்பாளர் அனிருத் இசையமைத்துள்ளார்.