மெக்சிக்கோ அரசாங்கம் அந்நாட்டின் ‘வெளிப்படைத்தன்மைக்கான அமைப்பை’ (Transparency Body) கலைப்பதற்கான புதிய சட்டமூலத்தை முன்மொழிந்தது. இந்த அமைப்பைக் கலைப்பதன் மூலம் அரசாங்கத்தின் செயல்பாடுகளில் வெளிப்படைத்தன்மை குறையும் எனவும், ஊழலுக்கு வழிவகுக்கும் எனவும் எதிர்க்கட்சிகள் கடுமையாகக் குற்றம் சாட்டின.

விவாதத்தின் போது எதிர்க்கட்சி உறுப்பினர்கள் சபையின் நடுப்பகுதிக்கு வந்து கோஷங்களை எழுப்பினர். இதன்போது இருதரப்புக்கும் இடையே ஏற்பட்ட வாக்குவாதம் தள்ளுமுள்ளாக மாறியது.

ஆவேசமடைந்த சில உறுப்பினர்கள் மற்றவர்களின் முடியைப் பிடித்து இழுத்துத் தாக்கியதால் அவையில் பெரும் பரபரப்பு நிலவியது. கட்டுப்பாடற்ற சூழல் நிலவியதால், அவைத் தலைவர் நாடாளுமன்றக் கூட்டத்தொடரைத் தற்காலிகமாக நிறுத்தி வைப்பதாக அறிவித்தார்.

மக்களாட்சியின் உயரிய சபையில் மக்கள் பிரதிநிதிகள் இவ்வாறு நாகரீகமற்ற முறையில் நடந்துகொண்டது சர்வதேச அளவில் கடும் விமர்சனங்களுக்கு உள்ளாகியுள்ளது.