இதன் ஒரு பகுதியாக, ஆந்திர மாநில துணை முதல்-மந்திரியும் நடிகருமான பவன் கல்யாண், நடிகர் விஜய்யுடன் அரசியல் ஆலோசனைகளை மேற்கொண்டதாகப் பரபரப்பான தகவல்கள் வெளியாகியுள்ளன. ஆந்திராவில் பாஜக மற்றும் தெலுங்கு தேசம் கட்சியுடன் கூட்டணி அமைத்து வெற்றி பெற்ற தனது அனுபவங்களை விஜய்யிடம் பவன் கல்யாண் பகிர்ந்துகொண்டதாகக் கூறப்படுகிறது. சாணக்கியத்தனமான அரசியல் முடிவுகளை எடுக்காவிட்டால் வெற்றி பெறுவது கடினம் என்றும், தேசிய ஜனநாயகக் கூட்டணியில் இணைந்து செயல்படுவது விஜய்யின் அரசியல் எதிர்காலத்திற்கு வலு சேர்க்கும் என்றும் அவர் அறிவுறுத்தியதாகத் தெரிவிக்கப்படுகிறது.

இந்த ஆலோசனையைத் தொடர்ந்து, அதிமுக கூட்டணியில் தமிழக வெற்றிக் கழகம் இணைந்தால், கணிசமான எண்ணிக்கையிலான தொகுதிகள் ஒதுக்கப்படுவதோடு, வெற்றி பெற்றால் துணை முதல்-அமைச்சர் பதவி வழங்கப்படும் என்ற ‘மெகா ஆஃபர்’ பரிசீலிக்கப்படுவதாகக் கூறப்படுகிறது. இருப்பினும், இந்த விவகாரம் குறித்து அதிமுக பொதுச் செயலாளர் எடப்பாடி பழனிசாமி மற்றும் நடிகர் விஜய் தரப்பிலிருந்து இன்னும் அதிகாரப்பூர்வமான அறிவிப்புகள் வெளியாகவில்லை. கூட்டணி பேச்சுவார்த்தைகள் தொடங்குவதை அதிமுக தலைமை எதிர்பார்த்துக் காத்திருப்பதாகக் கருதப்படுகிறது.

பாஜக மற்றும் அதிமுக தரப்பில் நடிகர் விஜய்யை தங்களது கூட்டணியில் இணைக்க மேற்கொள்ளப்படும் முயற்சிகள் வெற்றி பெற்றால், அது வருகின்ற தேர்தலில் திமுக கூட்டணிக்குக் கடும் சவாலாக அமையும் என்று அரசியல் நோக்கர்கள் கணிக்கின்றனர். தேர்தல் நெருங்கி வரும் சூழலில், நடிகர் விஜய்யின் இறுதி முடிவு என்னவாக இருக்கும் என்பதும், எந்த கூட்டணியுடன் கைகோர்க்கப் போகிறார் என்பதும் தமிழக அரசியலில் பெரும் எதிர்பார்ப்பை ஏற்படுத்தியுள்ளது.