எதிர்க்கட்சித் தலைவர் சஜித் பிரேமதாச எழுப்பிய கேள்விகளுக்கு இன்று (வெள்ளிக்கிழமை) பதிலளிக்கும் போதே பிரதமர் பின்வரும் விடயங்களைக் குறிப்பிட்டார்.

நீண்டகாலமாகத் தாமதமடைந்துள்ள மாகாண சபைத் தேர்தலை கூடிய விரைவில் நடத்துவதே அரசாங்கத்தின் இலக்காகும். இதற்கான அவசியமான நடவடிக்கைகள் தற்போது முடுக்கிவிடப்பட்டுள்ளன.

“வளமான நாடு – அழகான வாழ்க்கை” என்ற கொள்கைப் பிரகடனத்தின்படி, புதிய அரசியலமைப்பை உருவாக்குவதற்கான பணிகள் விரைவில் ஆரம்பிக்கப்படவுள்ளன.

புதிய அரசியலமைப்பு மறுசீரமைப்பின் மூலம் நிறைவேற்று அதிகாரங்கொண்ட ஜனாதிபதி முறைமை நீக்கப்படும். அதற்குப் பதிலாகப் பாராளுமன்ற ஆட்சி முறைமையை (Parliamentary System) நிலைநிறுத்த நடவடிக்கை எடுக்கப்படும்.

ஒரு புதிய அரசியலமைப்பைக் கொண்டுவராமல் நிறைவேற்று ஜனாதிபதி முறைமையை முழுமையாக ஒழிக்க முடியாது என்பதால், அது குறித்து அதிக கவனம் செலுத்தப்பட்டு வருவதாக பிரதமர் சுட்டிக்காட்டினார்.

அரசாங்கத்தின் இந்த நகர்வுகள் நாட்டின் அரசியல் ஸ்திரத்தன்மையை உறுதிப்படுத்தும் என எதிர்பார்க்கப்படுகிறது.

நாடாளுமன்ற தகவல் அமைப்புகள் மற்றும் மேலாண்மைத் துறையின் பெண் ஊழியர் ஒருவர் பாலியல் அத்துமீறலுக்கு ஆளானதாக எதிரணி நாடாளுமன்ற உறுப்பினர் முஜிபுர் ரஹ்மான் 2025.01.07 அன்று சபையில் ஆற்றிய உரையில் தெரிவித்திருந்தார்.

இந்த விவகாரம் தொடர்பாக உள்ளக விசாரணை நடத்தப்பட்டது. எனினும், புகார்தாரர் விசாரணையில் திருப்தி அடையாததால், நாடாளுமன்றப் பணியாளர் ஆலோசனைக் குழு 2025.07.25 அன்று இந்த விவகாரம் குறித்து வெளிப்புற விசாரணை நடத்த முடிவு செய்தது.

அதன்படி, ஓய்வுபெற்ற உயர்நீதிமன்ற நீதிபதி சுஜாதா அழகப்பெரும நியமிக்கப்பட்டு, அனைத்துத் தரப்பினரையும் அழைத்து உண்மைகளை ஆராய்ந்து இந்த இறுதி அறிக்கையைத் தயாரித்தார்.

சபாநாயகரிடம் சமர்ப்பிக்கப்பட்ட அறிக்கையின்படி, விசாரணையின்போது வெளிப்படுத்தப்பட்ட உண்மைகள் பின்வரும் முடிவுகளைத் தெரிவிக்கின்றன:

கூறப்பட்ட புகாரை அளித்த அதிகாரிக்கு எதிராக எந்த பாலியல் அத்துமீறலும் செய்யப்படவில்லை என்பதைக் குறிக்கிறது.

மேலும், மேற்படி பிரிவில் வேறு எந்த அதிகாரியும் பாலியல் அத்துமீறலுக்கு ஆளாகவில்லை என்றும் அறிக்கை கூறுகிறது.

பொருளியல் வினாத்தாள் (Economics Paper): நுகேகொடையில் உள்ள ஒரு தனியார் கல்விக்கூடத்தில் மாணவர்களுக்கு வழங்கப்பட்ட பொருளியல் மாதிரி வினாத்தாளில், முதலாம் வினாத்தாளில் உள்ள 27 கேள்விகளும், உயர்தரப் பொருளியல் வினாத்தாளில் உள்ள அதே 27 கேள்விகளும் ஒரே மாதிரியாக இருப்பதாக சாமர சம்பத் தசநாயக்க பாராளுமன்றத்தில் தெரிவித்தார்.

“இது குறித்து விசாரணை நடத்துமாறு பிரதமர் ஹரிணி அமரசூரியவிடம் கேட்டுக்கொள்கிறேன்,” என்று அவர் வலியுறுத்தினார்.

இதுபோன்ற வினாத்தாள் கசிவு அல்லது ஒத்த வினாத்தாள் மூலம் பாகுபாடு காட்டப்படுவதாக அவர் குற்றம் சாட்டினார்.

கொழும்பில் உள்ள மாணவர்கள் போல, கிராமங்களில் உள்ள மாணவர்கள் அதிக மதிப்பெண்கள் பெறும் வாய்ப்பைப் பெறாததால், இந்தச் செயல் கிராமப்புற மாணவர்களுக்கு அநீதி இழைப்பதாக அமையும்.

கிராமங்களில் உள்ள மாணவர்களால் நுகேகொடைக்கு வந்து தனியார் கல்விக்கூடத்தில் பயிற்சி பெறுவது சாத்தியப்படாது என்றும் அவர் தெரிவித்தார்.

சுகாதாரம் மற்றும் வெகுசன ஊடக அமைச்சின் செலவினத் தலைப்பு மீதான வரவுசெலவுத் திட்டக் குழுநிலை விவாதத்தின் போது அவர் இந்தக் கருத்துகளைத் தெரிவித்தார்.

வரலாற்றில் முதல் முறையாக இரண்டு முக்கியக் கோரிக்கைகளுக்காகச் சிறப்பு மருத்துவர்கள் வேலைநிறுத்தத்தில் ஈடுபட்டுள்ளதாகக் கவிந்த ஜெயவர்தன தெரிவித்தார்.

மருத்துவமனைகளில் 131 வகையான அத்தியாவசிய மருந்துகள் கையிருப்பில் இல்லாதபோது, நோயாளிகள் அவற்றை வெளி மருந்தகங்களில் இருந்து வாங்க வேண்டிய கட்டாயத்தில் உள்ளனர்.

மருத்துவர்கள் மருந்துச் சீட்டு எழுதாதபோது என்ன நடக்கும் என்பது புரிந்துகொள்ளத்தக்கது என்றும் அவர் கூறினார்.

இலங்கையின் சுகாதார அமைப்பு ஒரு பாரிய நெருக்கடியை எதிர்நோக்குவதாகவும், இதற்கு அரசாங்கம் உடனடியாகத் தீர்வு காண வேண்டும் என்றும் அவர் வலியுறுத்தினார்.

நீதி அமைச்சு மீதான விவாதத்தின்போது அவர் ஆற்றிய உரையின் முக்கிய அம்சங்கள்:

திருமலையில் சட்டவிரோதமாக அமைக்கப்பட்ட புத்தர் சிலையை நவம்பர் 16ஆம் திகதி ஞாயிற்றுக்கிழமை அகற்றும் முயற்சி மேற்கொள்ளப்பட்டபோது:

“சாதாரண சிங்கள மக்கள் அதை எதிர்க்கவில்லை. ஏனெனில், இனவாதத்தையும் மதவாதத்தையும் நீக்குவதாக நீங்கள் சொன்னதை நம்பி அவர்கள் உங்களுக்கே வாக்களித்திருந்தார்கள். இங்கிருக்கும் திருமலைக்கான தமிழ் பாராளுமன்ற உறுப்பினரையும் அவர்கள் தெரிவு செய்திருந்தார்கள்.”

“நீங்கள் 16ஆம் திகதி ஞாயிற்றுக்கிழமை எடுத்த நடவடிக்கையை எதிர்த்ததெல்லாம், சிங்கள காடையர்கள் மட்டுமே!”

சட்டவிரோதச் செயலை எதிர்த்தவர்களுக்கு அஞ்சி அரசாங்கம் பின்வாங்கியதைக் கஜேந்திரகுமார் கடுமையாக விமர்சித்தார்.

“அதைக்கண்டு நீங்கள் உண்மையில் பின்வாங்கியிருக்கக்கூடாது. அந்த இனவாத மதவாத காடைத்தனத்தை கண்டு பின்வாங்கியிருந்திருக்ககூடாது.”

“உண்மையில் நீங்கள் என்ன செய்திருக்கவேண்டுமெனில், மக்களிடம் சென்று எது சரி எது பிழை என்பதை, எப்படியான் அநீதி இழைக்கப்பட்டிருக்கிறது என்பதை நேர்மையுடன் சொல்லியிருந்திருக்கவேண்டும்.”

நாடாளுமன்ற நிலையியற் கட்டளைகளின் விதிமுறைகளுக்கு மாறாக அர்ச்சுனா இராமநாதனின் முயற்சி அமைந்ததாகக் கூறியே, அவரது உரையைச் சபாநாயகரும், சபை முதல்வரும் நிறுத்தினர்.

சபை முதல்வர் பிமல் ரத்நாயக்க, நாடாளுமன்ற நிலையியற் கட்டளைகளின் விதிகள் குறித்துச் சபையில் தெளிவுபடுத்தல்களை வழங்கினார்.

நிலையியற் கட்டளைகளைப் பின்பற்றுவது தொடர்பில் ஆளும் கட்சி மற்றும் நாடாளுமன்ற உறுப்பினர் அர்ச்சுனா இராமநாதனுக்கு இடையில் கருத்து வேறுபாடு ஏற்பட்டதன் காரணமாகவே இந்தச் சம்பவம் இடம்பெற்றது.

2026ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான இரண்டாம் விவாதத்துக்கான நாடாளுமன்ற அமர்வில் வாய்மூல விடைக்கான கேள்வி நேரத்தின் போதே அவர் இந்தத் தகவல்களை வெளியிட்டார்.

யாழ்ப்பாணத்தில் 56, முல்லைத்தீவில் 1,394 வவுனியாவில் 997, கிளிநொச்சியில் 1858 அநுராபுரத்தில் 7100, பொலன்னறுவையில் 2,772, மொனராகலையில் 2,812 சிவில் பாதுகாப்பு அதிகாரிகளும் சேவையில் ஈடுபட்டுள்ளனர்.

பதுளையில் 350 அம்பாந்தோட்டையில் 473 காலியில் 87 மாத்தறையில் 116 அம்பாறையில் 5077 மட்டக்களப்பில் 269 திருகோணமலையில் 4193 கொழும்பில் 825 கம்பஹாவில் 518 களுத்துறையில் 423 சிவில் பாதுகாப்பு அதிகாரிகளும் சேவையில் ஈடுபட்டுள்ளனர்.

அதேபோன்று, கண்டியில் 703 மாத்தளையில் 114, குருநாகலில் 245 புத்தளத்தில் 638 இரத்தினபுரியில் 293 கேகாலையில் 109 அதிகாரிகளுமாக மொத்தமாக 31,422 சிவில் பாதுகாப்பு அதிகாரிகளும் சேவையில் ஈடுபட்டுள்ளதாக அமைச்சர் ஆனந்த விஜேபால தெரிவித்தார்.

எனினும், நுவரெலியா மாவட்டத்தில் எந்தவொரு சிவில் பாதுகாப்பு சேவை அதிகாரியும் இல்லை என்று அமைச்சர் ஆனந்த விஜேபால இதன்போது சுட்டிக்காட்டினார்.

தற்போது நடைபெற்று வரும் 2026ஆம் ஆண்டுக்கான வரவு செலவுத் திட்ட உரையில் கருத்துத் தெரிவித்தபோதே ஜனாதிபதி இந்தக் கருத்துக்களை வெளியிட்டார்.

என்னை ஹிட்லர் என்கிறார்கள். பாவம். ஹிட்லரைத் தோற்கடிக்க அமெரிக்காவும், ரஷ்யாவும் ஒன்றிணைந்தது போல ஹிட்லரைத் தோற்கடிக்க ரஷ்யாவும், அமெரிக்காவும் இணைந்தது ஒரு வரலாற்றுப் பதிவு, அதனுடன் ஒப்பிடாதீர்கள்.

மக்களுக்கு எதிராக யாரேனும் தவறு இழைத்திருந்தால், அவர்கள் யாராக இருந்தாலும் சட்டத்தின் கீழ் தண்டனை வழங்கப்படும். யாருக்கும் பாரபட்சம் பார்க்கப்படாது.

குற்றமிழைத்தவர்களுக்கு நிச்சயம் தண்டனை வழங்கப்படும். அதற்கு நீங்கள் என்ன பெயர் வைத்தாலும், என்ன விளக்கம் வழங்கினாலும் சட்டத்தை செயற்படுத்துவோம்.

எந்தப் பதவியில் இருந்தாலும் தவறிழைத்தவர்களுக்கு தண்டனை வழங்கப்படும்.

இதேவேளை,உயிரிழந்த வெலிகம பிரதேச சபையின் தவிசாளர், முன்னதாக, பாதுகாப்புக்கோரி, காவல்துறைமா அதிபர் மற்றும் பிரதி காவல்துறை மா அதிபருக்கு கடிதம் அனுப்பியிருந்ததாக அமைச்சர் தெரிவித்தார்.

அதன்பின்னர் அவருக்கு எவ்வாறு பாதுகாப்பு வழங்குவது என்பது குறித்து கலந்துரையாடப்பட்டதாகவும் அமைச்சர் ஆனந்த விஜேபால தெரிவித்தார்.

இதனிடையே, மக்கள் பிரதிநிதிகளை தெரிவு செய்யும் போது சிறந்த ஒருவரை தெரிவு செய்தால் அவர்களுக்கு எவ்வித அச்சமும் இன்றி காவல்துறை பாதுகாப்பை வழங்க முடியும் என்றும் பொதுமக்கள் பாதுகாப்பு அமைச்சர் ஆனந்த விஜேபால தெரிவித்துள்ளார்.

பாராளுமன்ற உறுப்பினர் பத்மநாதன் சத்தியலிங்கம் எழுப்பிய வாய்மொழி கேள்விக்குப் பதிலளித்த துணை அமைச்சர், நிலம் விடுவிப்பு தொடர்பான விவரங்களைத் தெளிவுபடுத்தினார்.

வட மாகாண நில விடுவிப்பு (ஜனவரி 1, 2025 நிலவரப்படி) வடக்கில் மொத்தம் 672.24 ஏக்கர் நிலம் பொதுமக்களிடம் திருப்பித் தரப்பட்டுள்ளது.

இதில், 86.24 ஏக்கர் தனியார் நிலங்களும், 586 ஏக்கர் இராணுவத்தால் பயன்படுத்தப்பட்ட நிலங்களும் அடங்கும்.

கிழக்கு மாகாணத்தில் 34.58 ஏக்கர் அரசாங்க நிலங்கள் விடுவிக்கப்பட்டுள்ளதாகப் பிரதி அமைச்சர் ஜெயசேகர தெரிவித்தார்.

வவுனியா இராணுவ விமான நிலையத்தைச் சுற்றியுள்ள காணிகள் தொடர்பான பிரச்சினைகள் குறித்துக் குறிப்பிட்ட அவர், அது விரைவில் தீர்க்கப்படும் என்று உறுதியளித்தார்.