இது தொடர்பாக ஊடகவியலாளர்கள் மத்தியில் உரையாற்றிய வெனிசுலா பாராளுமன்ற சிறப்புக் குழுத் தலைவர் ஜோர்ஜ் அர்ரியாசா (Jorge Arreaza), பொது மன்னிப்புக் கோரி இதுவரை 4,203 விண்ணப்பங்கள் கிடைக்கப்பெற்றுள்ளன என்று தெரிவித்தார்.

சட்டம் நடைமுறைக்கு வந்த நான்கு நாட்களில் 3,052 பேருக்கு முழு விடுதலை அளிக்கப்பட்டுள்ளது. சிறையில் இருந்த 179 பேரும் விடுவிக்கப்பட்டுள்ளனர்.

முன்னாள் ஜனாதிபதி நிக்கோலஸ் மடூரோ அமெரிக்கப் படைகளால் கடந்த ஜனவரியில் கைது செய்யப்பட்டதைத் தொடர்ந்து, இடைக்கால ஜனாதிபதி டெல்சி ரோட்ரிகஸ் (Delcy Rodríguez) தலைமையிலான புதிய அரசு, சிறையிலுள்ள அரசியல் கைதிகளை விடுவிக்கப் போவதாக அறிவித்தது. அதன் அடிப்படையில் இந்த விடுதலைகள் இடம்பெறுகின்றன.

நிபந்தனைகள்:
கொலை, போதைப்பொருள் கடத்தல், இராணுவக் கிளர்ச்சி மற்றும் மனித உரிமை மீறல்களில் ஈடுபட்டவர்களுக்கு இந்த பொது மன்னிப்புச் சட்டத்தில் இடமில்லை என்று அரசாங்கம் தெளிவுபடுத்தியுள்ளது.

ஜனவரி மாதம் வெனிசுலாவில் நடத்தப்பட்ட இந்த அதிரடித் தாக்குதலில், ஜனாதிபதி நிக்கோலஸ் மதுரோ மற்றும் அவரது மனைவி சிலியா ஃப்ளோரஸ் ஆகியோர் அமெரிக்கப் படைகளால் கைது செய்யப்பட்டனர். அவர்கள் இருவரும் தற்போது அமெரிக்காவிற்கு கொண்டு செல்லப்பட்டு, போதைப்பொருள் கடத்தல் தொடர்பான குற்றச்சாட்டுகள் சுமத்தப்பட்டுள்ளனர்.

இந்தத் தாக்குதல் குறித்து டொனால்ட் ட்ரம்ப் அளித்துள்ள விளக்கத்தில் இந்த நவீன சாதனம் வெனிசுலாவின் முழுப் பாதுகாப்பு கட்டமைப்பையும் நிலைகுலையச் செய்தது.

வெனிசுலாவிடம் இருந்த ரஷ்யா மற்றும் சீனத் தயாரிப்பு ரொக்கெட்டுகள் எதுவும் இந்த ஆயுதத்தின் தாக்கத்தால் வேலை செய்யவில்லை என அவர் குறிப்பிட்டுள்ளார்.

ட்ரம்ப் இந்த ஆயுதம் குறித்துப் பேசினாலும், அமெரிக்க பாதுகாப்பு அமைப்பான பென்டகன் (Pentagon) அத்தகைய பெயரில் எந்த ஆயுதமும் உத்தியோகபூர்வமாக இல்லை எனத் தெரிவித்துள்ளது. இது ஒரு Directed-Energy Weapon (DEW) அல்லது மேம்பட்ட Electronic Warfare (EW) வகையைச் சேர்ந்த ஆயுதமாக இருக்கலாம் எனப் பாதுகாப்பு ஆய்வாளர்கள் கருதுகின்றனர்.

இந்தத் தாக்குதலானது லத்தீன் அமெரிக்கப் பிராந்தியத்தில் மிகப்பெரிய அரசியல் அதிர்வுகளை ஏற்படுத்தியுள்ள நிலையில், அமெரிக்காவின் புதிய ரகசிய ஆயுதம் குறித்த விவாதங்கள் உலக அரங்கில் சூடுபிடித்துள்ளன.

ஜனவரி 3, அதிகாலை 2:00 மணியளவில் அமெரிக்காவின் சிறப்புப் படைகள் கராகஸில் உள்ள அதிபர் மாளிகை மற்றும் முக்கிய இராணுவ நிலைகள் மீது வான்வழித் தாக்குதலை நடத்தின. இதில் மதுரோவின் பாதுகாப்புப் பணியில் இருந்த கியூபா மற்றும் வெனிசுலா படையினர் 80-க்கும் மேற்பட்டோர் கொல்லப்பட்டதாகத் தகவல்கள் தெரிவிக்கின்றன.

அதிபர் மாளிகையில் இருந்து மதுரோவும் அவரது மனைவியும் அமெரிக்கப் படைகளால் சிறைபிடிக்கப்பட்டு, ‘யுஎஸ்எஸ் ஐவோ ஜிமா’ (USS Iwo Jima) போர்க்கப்பல் மூலம் நியூயார்க்கிற்கு கொண்டு செல்லப்பட்டனர்.

போதைப்பொருள் பயங்கரவாதம் (Narco-terrorism) மற்றும் அமெரிக்காவிற்குள் கொக்கைன் கடத்த ஏற்பாடு செய்ததாக மதுரோ மீது அமெரிக்க அட்டர்னி ஜெனரல் குற்றம் சுமத்தியுள்ளார்.

இந்த இராணுவ நடவடிக்கையைத் தொடர்ந்து, கொலம்பியா, ரஷ்யா மற்றும் சீனாவின் கோரிக்கையின் பேரில் ஜனவரி 5 அன்று ஐ.நா. பாதுகாப்பு சபை அவசரமாகக் கூடியது.

ஒரு நாட்டின் இறையாண்மை கொண்ட தலைவரை மற்றொரு நாட்டின் இராணுவம் அத்துமீறி நுழைந்து கைது செய்தது, ஐ.நா. சாசனத்தின் (UN Charter) 2-வது பிரிவை மீறும் செயல் எனப் பல நாடுகள் கடும் கண்டனம் தெரிவித்தன.

அமெரிக்காவின் இந்த நடவடிக்கை “சர்வதேச கடத்தலுக்கு நிகரானது” என ரஷ்யா சாடியது. ஐரோப்பிய ஒன்றியமும் இத்தாக்குதல் குறித்துத் தனது கவலையை வெளியிட்டுள்ளது.

சர்வதேச அமைதியைப் பேண சட்டத்தின் அதிகாரமே மேலோங்க வேண்டும் என அந்தோணியோ குட்டெரெஸ் வலியுறுத்தினார். நியூயார்க் நீதிமன்றத்தில் ஆஜர்படுத்தப்பட்ட மதுரோ, தன் மீதான குற்றச்சாட்டுகளை மறுத்துள்ளார்.

மதுரோவின் கைதைத் தொடர்ந்து, துணை ஜனாதிபதி டெல்சி ரோட்ரிக்ஸ் (Delcy Rodríguez) இடைக்கால ஜனாதிபதியாகப் பொறுப்பேற்றுள்ளார். அவர் அமெரிக்காவுடன் மரியாதைக்குரிய உறவைப் பேண விரும்புவதாகத் தெரிவித்துள்ளார்.