காஸா மற்றும் லெபனான் தொடர்பாக இஸ்ரேல் ஏற்கனவே போர் நிறுத்த ஒப்பந்தங்களை மேற்கொண்டிருக்கும் நிலையிலும், தாக்குதல்கள் நீடிப்பது குறித்து எழுந்த குற்றச்சாட்டுகளுக்குப் பதிலளிக்கும் விதமாகவே நெதன்யாகு இந்தக் கருத்தை வெளியிட்டுள்ளார்.

“இஸ்ரேல் ஒரு சுதந்திர நாடு,” என்று குறிப்பிட்ட பிரதமர் நெதன்யாகு, “நாங்கள் எங்கள் சொந்த முடிவுகளால் எங்களைப் பாதுகாத்துக் கொள்வோம். எங்கள் தலைவிதியை நாங்களே தொடர்ந்து தீர்மானிப்போம்” என்று திட்டவட்டமாகக் கூறியுள்ளார்.

பிராந்தியத்தில் இஸ்ரேலின் இராணுவ நடவடிக்கைகள் குறித்து சர்வதேச அளவில் விமர்சனங்கள் எழுந்துள்ள நிலையில், இந்த சுதந்திரமான முடிவெடுக்கும் உரிமையை நெதன்யாகு அழுத்தமாக வலியுறுத்தியுள்ளார்.