ஹனுக்கா பண்டிகையின் முதல் இரவைக் கொண்டாடிக்கொண்டிருந்த யூத சமூகத்தைக் குறிவைத்து இந்தத் தாக்குதல் நடத்தப்பட்டது.

இந்தத் தாக்குதலில் 15 பேர் கொல்லப்பட்டதுடன், பலர் படுகாயமடைந்தனர். இது 1996 ஆம் ஆண்டிற்குப் பிறகு அவுஸ்திரேலியாவில் இடம்பெற்ற மிக மோசமான துப்பாக்கிச் சூட்டுச் சம்பவமாகப் பதிவாகியுள்ளது.

தாக்குதலை நடத்தியவர்களில் ஒருவரான 50 வயதுடைய சாஜித் அக்ரம், காவல்துறையினருடனான துப்பாக்கிச் சமரின் போது சம்பவ இடத்திலேயே கொல்லப்பட்டார். அவரது மகனான நவீட் அக்ரம் காவல்துறையினரால் கைது செய்யப்பட்டார்.

நியூ சவுத் வேல்ஸ் (NSW) காவல்துறையினர் நவீட் அக்ரம் மீது பின்வரும் குற்றச்சாட்டுகளைப் பதிவு செய்துள்ளனர். 15 கொலைக் குற்றச்சாட்டுகள் ஒரு பயங்கரவாதச் செயல் புரிந்தமைக்கான குற்றச்சாட்டு ஏனைய வன்முறைச் சம்பவங்கள் உள்ளிட்ட மொத்தம் 59 குற்றச்சாட்டுகள்.

இந்தச் சம்பவம் சர்வதேச ரீதியாகப் பெரும் அதிர்வலைகளை ஏற்படுத்தியுள்ள நிலையில், இது தொடர்பான மேலதிக விசாரணைகள் தீவிரமாக நடைபெற்று வருகின்றன.

இத்தாக்குதலில் சதிக்கான (Conspiracy) எந்த ஆதாரமும் இல்லை என்றும், இந்த நபர்கள் ஒரு பெரிய குழுவின் பகுதியாக இருந்ததற்கான எந்த சான்றுகளும் கிடைக்கவில்லை என்றும் அவர் குறிப்பிட்டுள்ளார். இருவரும் ‘தீவிரவாதச் சித்தாந்தத்தால் தெளிவாக உந்தப்பட்டவர்கள்’ என்றும் அவர் கூறியுள்ளார்.

துப்பாக்கிச் சூட்டில் ஈடுபட்ட மூன்றாவது நபரை பொலிஸார் விசாரிக்கவில்லை என்பதையும், தாக்குதலாளிகள் பயன்படுத்திய காரில் ஒரு வகையான மேம்படுத்தப்பட்ட வெடிக்கும் பொருட்கள் கண்டுபிடிக்கப்பட்டதையும் அவர் உறுதிப்படுத்தினார்.

தாக்குதலாளியான நவீட் அக்ரம் (Naveed Akram) என்பவர் குறித்துக் கேட்கப்பட்டதற்குப் பிரதமர் அல்பானீஸ் அளித்த விளக்கங்கள்.

பயங்கரவாத எதிர்ப்பு கண்காணிப்புப் பட்டியலில் நவீட் அக்ரமின் பெயர் இல்லை என்பதை அல்பானீஸ் உறுதிப்படுத்தியுள்ளார். தாக்குதல் நடத்தியதாகக் கூறப்படும் நபர், இரண்டு நபர்களுடன் மேற்கொண்ட தொடர்புகள் குறித்து 2019ஆம் ஆண்டு விசாரிக்கப்பட்டார். பின்னர் அவர் சிறையில் அடைக்கப்பட்டார்.

ஆறு மாதங்கள் நடைபெற்ற அந்த விசாரணையில், தாக்குதல் நடத்தியவர் எந்தவொரு வன்முறை அல்லது யூத எதிர்ப்புச் செயலையும் திட்டமிட்டதற்கான அல்லது பரிசீலித்ததற்கான எந்த ஆதாரமும் கிடைக்கவில்லை என்றும் பிரதமர் சுட்டிக்காட்டியுள்ளார்.

அதற்கமைய, ஒருவருக்கு வழங்கக்கூடிய துப்பாக்கி அனுமதிப்பத்திரங்களின் எண்ணிக்கையை மட்டுப்படுத்தல், அனுமதிப்பத்திர மீளாய்வு காலப்பகுதியொன்றை அறிமுகப்படுத்தல் போன்றவை தொடர்பில் இன்று நடைபெறும் அமைச்சரவைக் கூட்டத்தில் கலந்துரையாட எதிர்பார்த்துள்ளதாகவும் அவுஸ்திரேலிய பிரதமர் குறிப்பிட்டுள்ளார்.

சிட்னி பொண்டி கடற்கரையில் நேற்று (14) இரண்டு துப்பாக்கிதாரிகள் மேற்கொண்ட துப்பாக்கிச் சூட்டுத் தொடரில் 10 வயதுச் சிறுமி உட்பட 15 பேர் இதுவரை உயிரிழந்துள்ளதுடன், மேலும் 40 பேர் காயமடைந்து வைத்தியசாலையில் அனுமதிக்கப்பட்டுள்ளனர்.

துப்பாக்கிதாரிகள் இருவரும் 50 வயதுடைய சஜிட் அக்ரம் மற்றும் அவரது 24 வயது மகனான நவீட் அக்ரம் என தற்போது அடையாளம் காணப்பட்டுள்ளதுடன், பொலிஸ் நடவடிக்கையின் போது சஜிட் அக்ரம் என்பவர் உயிரிழந்துள்ளதாக வெளிநாட்டு செய்திகள் தெரிவிக்கின்றன.

சஜிட் அக்ரம் என்பவர் 1998 ஆம் ஆண்டு மாணவர் வீசாவில் அவுஸ்திரேலியாவுக்கு சென்றுள்ளதுடன், அவரது மகனான நவீட் அக்ரம் அவுஸ்திரேலியாவில் பிறந்தவர் எனவும், அவர் இஸ்லாமிய பயங்கரவாத அமைப்பொன்றுடன் தொடர்புடையவர் என்ற சந்தேகத்தின் பேரில் 2019 ஆம் ஆண்டில் அவுஸ்திரேலிய பாதுகாப்புத் தரப்பினரின் கண்காணிப்புக்கு உள்ளாகியிருந்தவர் எனவும் தெரிவிக்கப்படுகிறது.

அத்துடன் சஜிட் அக்ரம் என்பவர் விலங்குகளை வேட்டையாடுவதற்காக 2015 ஆம் ஆண்டிலிருந்து துப்பாக்கி அனுமதிப்பத்திரத்தை வைத்திருந்தவர் என்பதும் தற்போது தெரியவந்துள்ளது.