தேசிய வீடமைப்பு அபிவிருத்தி அதிகாரசபையின் அதிகாரிகளுடன் இன்று (02) முற்பகல் ஜனாதிபதி அலுவலகத்தில் நடைபெற்ற மீளாய்வுக் கூட்டத்தின் போது அவர் இதனைத் தெரிவித்தார்.

இந்த ஆண்டு வரவு செலவுத் திட்டத்தில் வீடமைப்புத் துறைக்காகப் பாரிய நிதி ஒதுக்கீடுகள் செய்யப்பட்டுள்ளன. குறைந்த வருமானம் பெறுவோருக்காக 10,200 மில்லியன் ரூபா செலவில் புதிய வீடுகள் அமைத்தல்.

யுத்தத்தினால் இடம்பெயர்ந்தோருக்காக 5,000 மில்லியன் ரூபா செலவில் விசேட வீட்டுத் திட்டங்கள். “தமக்கென ஒரு இடம் – அழகான வாழ்க்கை” எனும் தேசிய வீட்டுத் திட்டத்தின் கீழ் பணிகளை ஒருங்கிணைத்தல்.

அனைத்து வீட்டுத் திட்டங்களின் செயல்பாடுகளையும் ஒரே நிறுவனத்தின் கீழ் கொண்டு வந்து கண்காணிக்க வேண்டியதன் அவசியத்தை ஜனாதிபதி வலியுறுத்தினார்.

கடந்த காலங்களில் ஆரம்பிக்கப்பட்டு, நிதி அல்லது நிர்வாகக் காரணங்களால் பாதியில் நிறுத்தப்பட்டுள்ள வீட்டுத் திட்டங்களை உடனடியாக நிறைவு செய்யுமாறு அவர் அதிகாரிகளைக் கேட்டுக்கொண்டார்.

வீடற்ற மக்களின் தேவைகளை விரைவாகப் பூர்த்தி செய்வதன் மூலம் அவர்களின் வாழ்க்கைத் தரத்தை உயர்த்துவதே அரசின் முதன்மை நோக்கம் என இந்தச் சந்திப்பின் போது சுட்டிக்காட்டப்பட்டது.

வேறு மாவட்டங்களில் குடியேற விரும்புபவர்களுக்கு வீடமைப்பு மற்றும் காணி கொள்வனவுக்காக ஒரு கோடி ரூபாய் (ரூ. 10,000,000) நிதி அரசாங்கத்தால் வழங்கப்படும்.

பயனாளர்கள் உரிய நடைமுறைகளைப் பின்பற்றித் தாமே காணியைத் தெரிவு செய்து கட்டுமானப் பணிகளை முன்னெடுக்க வேண்டும். கட்டுமானப் பணிகளின் முன்னேற்றத் தரவுகளை அதிகாரிகளிடம் சமர்ப்பிப்பதன் மூலம் கட்டம் கட்டமாக நிதியைப் பெற்றுக்கொள்ளலாம்.

2026 ஆம் ஆண்டுக்கான பாதீட்டு ஒதுக்கீட்டின் கீழ் தேசிய வீடமைப்பு அதிகார சபையினால் 16,000 வீடுகள் நிர்மாணிக்கப்படவுள்ளன. இதில் வடக்கு மற்றும் கிழக்கு மாகாணங்களுக்கான மீள்குடியேற்ற வீட்டுத் திட்டங்களும் உள்வாங்கப்பட்டுள்ளன.

பேரிடருக்குப் பின்னரான வீடமைப்புப் பணிகளுக்காக மட்டும் குறைநிரப்புப் பிரேரணை மூலம் 100 பில்லியன் ரூபாய் ஒதுக்கீடு செய்யப்பட்டுள்ளது. இந்த அனைத்து வீடமைப்புத் திட்டங்களும் எதிர்வரும் 2026 ஜனவரி மாதம் முதல் ஆரம்பிக்கப்படவுள்ளன.

பாதிக்கப்பட்ட மக்களின் அபிலாஷைகளை மதித்து, அவர்களின் விருப்பத்திற்கு ஏற்பவே இறுதித் தீர்மானங்கள் எட்டப்படும் என அமைச்சர் மேலும் உறுதியளித்துள்ளார்.