விஜயகாந்த் நடிப்பில் வெளிவந்து எங்கள் அண்ணா திரைப்படத்தில் மூலம் தமிழில் நடிகையாக அறிமுகமானார் நமிதா. இதற்கு முன் தெலுங்கில் தொடர்ந்து நடித்து வந்த இவருக்கு தமிழில் நல்ல வரவேற்பு கிடைத்தது.

டிகன், இங்கிலீஷ்காரன், சாணக்கியா, பம்பர கண்ணாலே, கோவை பிரதர்ஸ், பச்ச குதிரை, வியாபாரி, நான் அவன் இல்லை, அழகிய தமிழ் மகன், பில்லா, என தொடர்ந்து பல முன்னணி நட்சத்திரங்களுடன் இணைந்து நடித்தார்.

இந்த நிலையில், நடிகை நமிதா சமீபத்தில் அளித்த பேட்டி ரசிகர்கள் மத்தியில் வைரலாகி வருகிறது. இந்த பேட்டியில் தனுஷ் படம் என கால்ஷீட் கேட்டு ஏமாற்றிவிட்டதாக நமிதா கூறியுள்ளார். அதை பற்றி விவரமாக பார்க்கலாம்.

இதில் “கடந்த 2006ஆம் ஆண்டு ஒரு படத்தில் நடிக்க கேட்டார்கள். அந்த படத்தின் பெயரை சொல்ல விரும்பவில்லை. அப்படத்தில் தனுஷ் உங்களுக்கு ஜோடியாக நடிக்கிறார் என படத்தின் தயாரிப்பாளர் சொல்லி என்னுடைய கால்ஷீட்டை வாங்கிவிட்டனர்”.

“ஆனால் கடைசியில் தயாரிப்பாளரின் உறவினர் அப்படத்தில் ஹீரோவாக நடித்தார். அதை அறிந்ததும் நான் மிகவும் கடுப்பாகி அந்த படத்திலிருந்து பாதியிலேயே வெளியேறிவிட்டேன். அதன்பின் எப்படியோ அப்படத்தை எடுத்து முடித்து ரிலீஸ் செய்தனர்”.

“அந்த விவகாரம் தொடர்பாக தயாரிப்பாளர் கவுன்சில் மற்றும் நடிகர்கள் கவுன்சில் உள்ளிட்ட இடங்களில் அந்த சமயத்திலேயே புகார் கொடுத்திருந்தேன்” என நடிகை நமிதா கூறிய விஷயம் தற்போது இணையத்தில் வைரலாகி வருகிறது.

மக்களவை தேர்தலில் போட்டியிடும் வடசென்னை பாஜக வேட்பாளர் பால்கனகராஜை ஆதரித்து நடிகை நமிதா தீவிர வாக்கு சேகரிப்பில் ஈடுபட்டுள்ளார்.

வரும் மக்களவை தேர்தலில் வடசென்னை தொகுதியில் நான்கு முனை போட்டி நிலவி வருகிறது. இங்கு, அதிமுக சார்பில் ராயபுரம் மனோ, திமுக சார்பில் சிட்டிங் எம்பியாக உள்ள கலாநிதி வீராசாமி, பாஜக சார்பில் பால் கனகராஜ் மற்றும் நாம் தமிழர் கட்சி சார்பில் டாக்டர் அமுதினி வேட்பாளர்களாக களமிறங்குகின்றனர்.

பாஜக வேட்பாளரை ஆதரித்து தமிழக பாஜக தலைவர் அண்ணாமலை மற்றும் தமாகா தலைவர் ஜி.கே.வாசன் ஆகியோர் வாக்கு சேகரிப்பில் ஈடுபட்டனர்.

இந்த தொகுதியில் திமுக 11 முறையும், காங்கிரஸ் 3 முறையும், அதிமுக 1 முறையும் வென்றுள்ளன. இதனால், கடும் போட்டி நிலவி வருகிறது.

இந்நிலையில், வடசென்னை பாஜக வேட்பாளர் பால்கனகராஜை ஆதரித்து தீவிர வாக்கு சேகரிப்பில் நடிகை நமிதா ஈடுபட்டுள்ளார்.

அப்போது பேசிய அவர், “மீனவர்களுக்காக ரூ.39000 கோடியை பாஜக கொடுத்துள்ளது. எல்லோருக்கும் வீடுகள், பாத்ரூம் வசதி கட்டி கொடுத்திருக்கிறார்கள். நம் வேட்பாளர் பால்கனகராஜ் நன்றாக படித்தவர், சட்டம் தெரிந்தவர், வார்டு கவுன்சிலர் சங்கத்தில் 4 முறை தலைவராக இருந்தவர், ஏழை மக்களுக்காக உதவி செய்தவர்.

நீங்கள் தைரியமாக நம்பி பால் கனகராஜிற்கு தாமரை சின்னத்தில் வாக்களியுங்கள். உங்களுக்கு 24 மணி நேரமும் பாதுகாப்பாக இருப்பார். தாமரை மலரும், தமிழ்நாடும் வளரும், ஜெயஹிந்த்” என்றார்.

இன்றைய நாளுக்கான இரண்டாவது புரோமோ வெளிவந்துள்ள நிலையில் அதில் சென்டிமன்ட் காட்சிகள் தொகுக்கப்பட்டுள்ளன.

கடந்த சீசன்களில் சென்டிமன்ட் காட்சிகள் ரசிகர்களை நிகழ்ச்சியோடு ஒன்றித்து வைக்க உதவியது.
இம்முறை சீசன் ஆரம்பித்து இரண்டாவது நாளிலேயே சென்டிமன்ட்காட்சிகள் ஆரம்பித்து விட்டன.

இன்று வெளியாகியுள்ள இரண்டாவது புரோமோவில், இசைவாணி தனது குடும்பத்தின் கடந்த கால அனுபவங்களையும் கண்ணீர் மல்க பகிர்ந்துள்ளது தெரியவருகின்றது.

இசைவாணி தான் கடந்து வந்த வாழ்க்கை பாதை குறித்து கூறியபோது,

‘தனது தந்தையார் துறைமுகத்தில் வேலை பார்த்து வந்ததாகவும் திடீரென அவருக்கு வேலை போய்விட்டதால் மிகவும் கஷ்டமாக வாழ்க்கை இருந்ததென்றும், வீட்டு வாடகை கூட கொடுக்க முடியாத நிலை இருந்ததாகவும் கூறுகிறார்.

தனக்கு நிறைய துணிகள் போட வேண்டும் என்ற ஆசை. ஆனால் அணிந்துகொள்ள நல்ல துணி கூட இல்லாமல் கஷ்டப்பட்டேன். ஒரு வேளை சாப்பாட்டு தான் வீட்டில் இருக்கும். அந்த சாப்பாட்டை தான் சாப்பிட வேண்டும் என்பதற்காக தன்னுடைய அப்பா அதனை சாப்பிடாமல் வைத்து விடுவார் என்றும் கண்ணீருடன் பகிர்ந்துள்ளார்.

அத்தோடு கஷ்டப்படுவதை கஷ்டப்பட்டு கொண்டே இருப்போம் என்று நினைக்க வேண்டாம். என்றைக்காவது ஒருநாள் வாழ்க்கை மாறும்’ என திரைப்பட பஞ்ச் டயலாக் போல பேசியுள்ளார்.

#Day2 #Promo1 of #BiggBossTamil #பிக்பாஸ் – திங்கள் முதல் வெள்ளி இரவு 10 மணிக்கு, சனி மற்றும் ஞாயிறு இரவு 9:30 மணிக்கு நம்ம விஜய் டிவில.. #BBTamilSeason5 #BiggBossTamil5 #பிக்பாஸ் #nipponpaintindia #PreethiPowerDuo #Vijaytelevision pic.twitter.com/lqUrT1w4RG

— Vijay Television (@vijaytelevision) October 5, 2021

போட்டியாளர்களை பிக் பாஸ் வீட்டுக்கு அனுப்பி வைக்கும் நிகழ்வை இன்று சுவாரசியமாக கமல் நடாத்தியிருந்தார்.

இந்த சீசனில் களமிறக்கப்பட்டுள்ள போட்டியாளர்களில் பெரும்பாலானவர்கள் மக்கள் மத்தியில் பெரிதும் அறியப்படாத முகங்களாகவே உள்ளனர்.

கடந்த நான்கு சீசன்களிலும் இல்லாதவாறு இம்முறை நமீதா எனும் திருநங்கை ஒருவரும் போட்டியாளராக இணைக்கப்பட்டுள்ளார்.

பொறியியலாளரான இவர் 2011 ஆம் ஆண்டிலேயே சத்திர சிகிச்சை மூலம் திருநங்கையாக மாறியிருந்தார்.
இதன் பின்னர் உலகளாவிய ரீதியில் பல்வேறு அழகிப் போட்டிகளிலும் பங்குபற்றி பாராட்டுக்களையும் பட்டங்களையும் தனதாக்கியுள்ளார்.

2018ஆம் ஆண்டு மிஸ் இந்தியா பட்டத்தையும் தன்வசப்படுத்தியுள்ளார்.

இதேவேளை, பிரபல தமிழ் சினிமா இயக்குநர் சமுத்திரக்கனியின் நாடோடிகள் படத்திலும் இவர் நடித்துள்ளமை பலரும் அறியாத விடயமாகும்.

தமிழ் ரசிகர்களிடையே மிகப்பெரும் வெற்றி பெற்ற நிகழ்ச்சிகளில் பிக்பொஸ் நிகழ்ச்சியும் ஒன்று. இது வரை நான்கு சீன்களை வெற்றிகரமாக முடித்துள்ளது பிக்பொஸ் நிகழ்ச்சி.

இந்த நிலையில், சமீப காலங்களாக பிக்பொஸ் சீஸன் 5 தொடர்பில் பல்வேறு தகவல்கள் வந்தவண்ணமுள்ளன. இவை ரசிகர்கள் மத்தியில் மிகப் பெரும் எதிர்பார்ப்பை ஏற்படுத்தியுள்ளன.

தற்போது பிக்பாஸ் நிகழ்ச்சியின் செட் போடும் வேலைகள் முடிந்து விட்டன எனவும், போட்டியாளர்கள் தேர்வு நடைபெற்று வருகின்றது எனவும் தகவல்கள் வெளியாகி வருகின்றன. இதேவேளை கமல்ஹாசனின் ப்ரோமோஷன் ஷூட் தொடர்பான படங்களும் அண்மையில் வெளியாகி இருந்தமை குறிப்பிடத்தக்கது.

ஒவ்வொரு சீஸனிலும் ஒரு புதிய விடயங்களை புகுத்துவது வழமை. இந்த நிலையில் இந்த சீஸனிலும் பல புதிய அம்சங்கள் நிறைந்துள்ளன என கூறப்படுகிறது. போட்டியாளர்களுக்கு புதிய விதிமுறைகள் விதிக்கப்படலாம் என தெரிவிக்கப்படுகிறது.

இந்த சீஸனில் விஜய் டிவி சம்பந்தப்படாத புதிய பிரபலங்கள் கலந்துகொள்ள வாய்ப்புக்கள் உள்ளன என தெரிவிக்கப்படுகிறது. முக்கியமாக திருநங்கைகள் கலந்துகொள்ளவுள்ளனர் என தகவல்கள் வெளியாகியுள்ளன.

முக்கியமாக ஷகிலாவின் மகள் மிளா மற்றும் பிரபல மாடல் நமீதா ஆகியோரிடம் பேச்சுவார்த்தை நடத்தி வருவதாக கூறப்படுகிறது. அத்துடன், தொலைக்காட்சி மற்றும் திரைப்பட நட்சத்திரங்களுடனும் பேச்சுவார்த்தை நடைபெற்று வருவதாக கூறப்படுகிறது.

எதிர்பார்ப்பை கூட்டியிருக்கும் இந்த சீஸனில் பங்குகொள்ள கிட்டத்தட்ட 30 பிரபலங்களிடம் பிக்பாஸ் குழுவினர் பேச்சுவார்த்தை நடத்தி வருகின்றனர். விரைவில் போட்டியாளர்கள் தொடர்பான விபரங்கள் உத்தியோகபூர்வமாக வெளியாகும் என தெரிவிக்கப்படுகிறது.

தற்போது வெளிவந்துள்ள தகவலின்படி குக் வித் கோமாளி நிகழ்ச்சியில் கலந்துகொண்ட சுனிதா, கனி, தர்ஷா, மற்றும் மைனா ஆகியோர்கள் மட்டுமே விஜய் டிவியில் உள்ளவர்களாக இருப்பார்கள் என்றும் கூறப்படுகிறது.

இதேவேளை, நிகழ்ச்சியின் ப்ரோமா செப்டம்பர் 2ஆம் வாரமளவில் வெளியாவதற்கான வாய்ப்புக்கள் உள்ளன எனவும் தெரிவிக்கப்பட்டுள்ளது.