இதுவரை 240,000 சாரதி அனுமதிப்பத்திரங்கள் அச்சிடப்பட்டு, அவற்றை விநியோகிக்கும் பணிகள் ஏற்கனவே ஆரம்பிக்கப்பட்டுள்ளன.

அட்டை தட்டுப்பாடு காரணமாகச் சுமார் 4.5 இலட்சம் பேருக்கு இதுவரை தற்காலிக அனுமதிப்பத்திரங்களே வழங்கப்பட்டிருந்தன. எஞ்சியுள்ள 210,000 அட்டைகளையும் எதிர்வரும் பெப்ரவரி 28-ஆம் திகதிக்குள் அச்சிட்டு விநியோகிக்கத் திட்டமிடப்பட்டுள்ளது.

மோட்டார் போக்குவரத்துத் திணைக்களம் பொதுவாக மாதத்திற்கு 60,000 முதல் 80,000 வரை புதிய சாரதி அனுமதிப்பத்திரங்களை அச்சிடுகிறது. தற்போது போதியளவு அட்டைகள் முன்பதிவு செய்யப்பட்டு கையிருப்பில் உள்ளதால், இனிவரும் காலங்களில் தட்டுப்பாடு ஏற்படாது என ஆணையாளர் நாயகம் உறுதியளித்துள்ளார்.

இந்த நடவடிக்கையின் மூலம், தற்காலிக அனுமதிப்பத்திரங்களை வைத்துக்கொண்டு சிரமங்களை எதிர்கொண்ட இலட்சக்கணக்கான வாகனச் சாரதிகள் விரைவில் தமது நிரந்தர அட்டைகளைப் பெற்றுக்கொள்ள வழிவகை செய்யப்பட்டுள்ளது.