ஈச்சங்குளம் மாவீரர் துயிலும் இல்லம் தற்போது இராணுவம் தனது கட்டுப்பாட்டில் வைத்துள்ள நிலையில் உள்ளது. எனவே, இராணுவக் கட்டுப்பாட்டில் உள்ள துயிலும் இல்லத்திற்கு அருகாமையில் உள்ள மைதானத்தில் குறித்த மாவீரர் தின நிகழ்வு அனுசரிக்கப்பட்டது.

கடுமையான மழை பெய்து கொண்டிருந்த போதிலும், ஆயிரக்கணக்கான பொதுமக்கள் இந்நிகழ்வில் கலந்துகொண்டு, தமது உறவுகளுக்கு அஞ்சலியைச் செலுத்தியிருந்தனர்.

மழையையும் பொருட்படுத்தாமல் திரண்ட மக்கள், உணர்வுபூர்வமான முறையில் மாவீரர்களை நினைவு கூர்ந்தனர்.

திரு. கோடீஸ்வரன் தனது உரையில் மேலும் தெரிவித்தது “கார்த்திகை மாதத்தில் வடகிழக்கிலே மாவீரர் நாள் அனுஷ்டிக்கப்படுகின்றது. வடக்கு, கிழக்கில் 32க்கும் மேற்பட்ட துயிலும் இல்லங்கள் உள்ளன. எங்களது இனத்தின் விடுதலைக்காகப் போராடிய மாவீரர்கள், பொதுமக்கள் இறந்த அந்தத் தூய்மையான இடங்களைப் பாதுகாக்க வேண்டிய தேவை இருக்கின்றது.”அந்தத் துயிலுமில்லங்களில் இருந்து இராணுவப் பிரசன்னத்தை நகர்த்தித் தமிழ் மக்களுக்குக் கொடுக்க வேண்டும்.

“இதற்கு அரசாங்கம் நிதி ஒதுக்கத் தேவையில்லை. நாங்கள் தமிழர்கள் அந்த இடங்களுக்கான நிதியை ஒதுக்கிப் புனிதமாகப் பாதுகாப்போம்,” என அவர் உறுதியளித்தார். மக்கள் சுயாதீனமாக நினைவுகூர அரசாங்கம் வழிவகுக்க வேண்டும் எனவும் அவர் கோரிக்கை விடுத்தார்.