இந்தியாவுக்கு இசைப்பயணமொன்றை மேற்கொண்டிருந்த அவர் இன்று நாடு திரும்பினார். விமான நிலையத்தில் வைத்து அவருக்கு உற்சாக வரவேற்பளிக்கப்பட்டது.

நீங்கள் அரசிலுக்கு வருவீர்களா என ஊடகவியலாளர்கள் எழுப்பிய கேள்விக்கு பதிலளிக்கையிலேயே, இல்லை என அவர் பதிலளித்தார்.

இலங்கையின் இளம் பாடகி, யொஹானி டி சில்வா பாடிய “மெனிக்கே மகே ஹித்தே” என்ற பாடலானது தேசிய ரீதியில் மட்டுமல்ல சர்வதேச மட்டத்திலும் ‘சூப்பர் ஹிட்’டாகியுள்ளது. இளம் தலைமுறையினர் முதல் பெரியவர்கள்வரை அனைவரும் அடிக்கடி செவிமடுக்கும் பாடலாகவும் மாறியுள்ளது.

அதேவேளை குறித்த பாடல்மூலம் இலங்கையின் நாமமும் இன்று சர்வதேச மட்டத்தில் உச்சரிக்கப்படுகின்றது. சிங்கள சினிமாத்துறையில் புதியதொரு புரட்சிக்கான அடித்தளத்தையும் இட்டுள்ளது.

அதன்படி இவருக்கு இலங்கையில் சுற்றுலாத்துறையை மேம்படுத்துவதற்கான தூதுவராக நியமிக்க சுற்றுலாத்துறை அமைச்சு நடவடிக்கை எடுத்துள்ளது எனத் தெரிவிக்கப்படுகிறது.

இவர் தூதுவர் ஒப்பந்தத்தில் கையெழுத்திட ஒப்புக்கொண்டுள்ளார் என அமைச்சின் மூத்த அதிகாரி ஒருவர் தெரிவித்துள்ளார்.

இதற்கான அனுமதியை பெற அமைச்சரவை பத்திரத்தை சுற்றுலாத்துறை அமைச்சர் பிரசன்ன ரணதுங்க அமைச்சரவையில் சமர்ப்பிப்பார் என அவர் மேலும் தெரிவித்துள்ளார்.

இந்த நிலையில் யொஹானி டி சில்வா இந்தியாவில் தமிழ், மலையாளம், ஹிந்தி என மூன்று மொழிகளில் பாடல்களைப் பாடவுள்ளார்.

இவரது ‘மெனிகே மகே ஹிதே’ பாடல் தற்போது 130 மில்லியன் பார்வையாளர்களைக் கடந்து சாதனை செய்துள்ளது.

இலங்கையை சர்வதேசத்துக்கு கொண்டு சென்ற இளம் பாடகி யொஹானி டி சில்வாவுக்கு அரச விருது வழங்கவுள்ளமை குறிப்பிடத்தக்கது.