அதற்குள், தான் செய்வதாக வாக்களித்த பல விடயங்களை வேகவேகமாக நிறைவேற்றி வருகிறார் அவர்.

அவ்வகையில், அவர் கூறிய ஒரு விடயத்தால், பிரித்தானிய இளவரசர் ஹரி, அவரது மனைவி மேகன் ஆகியோர் அச்சத்தில் இருக்கக்கூடும் என்கிறார் ராஜ குடும்ப நிபுணர் ஒருவர்.

விசா விடயத்தில் இளவரசர் ஹரி பொய் சொன்னதாக நிரூபிக்கப்பட்டால், அவரை நாடுகடத்தும் அதிகாரம் ட்ரம்புக்கு உள்ளது.

ஏற்கனவே, முந்தைய ஜோ பைடன் நிர்வாகம் ஹரியை காப்பாற்றுவதற்காக அவரது புலம்பெயர்தல் விண்ணப்பத்தின் ரகசியத்தைக் காத்துவருவதாக குற்றம் சாட்டியிருந்தார் ட்ரம்ப்.

அப்போது, நான் ஹரியைக் காப்பாற்றமாட்டேன், அவர் ராணிக்கு துரோகம் செய்துவிட்டார், அது மன்னிக்கமுடியாத விடயம், ஜோ பைடனுக்கு பதில் நான் அமெரிக்க ஜனாதிபதியாக இருந்தால், ஹரியின் நிலைமை வேறு மாதிரி இருந்திருக்கும் என்று கூறியிருந்தார் ட்ரம்ப்.

ஆக, தான் உறுதியளித்த விடயங்களை ஒவ்வொன்றாக ட்ரம்ப் நிறைவேற்றி வரும் நிலையில், ஹரியை நாடுகடத்துவதாக அவர் கூறியிருப்பதால், ஹரியும் மேகனும் கவலையில் ஆழ்ந்திருக்கலாம் என்கிறார் ராஜ குடும்ப நிபுணரான ஜென்னி பாண்ட் என்பவர்.

தனது சுயசரிதைப் புத்தகமான ஸ்பேர் என்னும் புத்தகத்தில், தான் பலவித போதைப்பொருட்களை சோதித்துப் பார்த்ததாக குறிப்பிட்டுள்ளார் ஹரி.

ஆனால், அவர் போதைப்பொருள் பயன்படுத்தியிருக்கும் பட்சத்தில், அவருக்கு அமெரிக்காவில் வாழ விசா கொடுக்கப்பட்டிருக்கமுடியாது.

ஆக, அவர் விசா விண்ணப்பத்தில் தனது போதைப்பொருள் பயன்பாடு குறித்து பொய் சொன்னாரா என The Heritage Foundation என்னும் அமைப்பு கேள்வி எழுப்பிய விடயம் நீதிமன்றம் வரை சென்றது குறிப்பிடத்தக்கது.

எங்கு சென்றாலும் தன் மனைவியுடனேயே பயணிக்கும் இளவரசர் ஹரி, தனியாக சில நிகழ்ச்சிகளில் கலந்துகொள்ள முடிவு செய்துள்ளார்.

உடனே, ஹரிக்கும் அவரது மனைவியான மேகனுக்கும் ஏதோ பிரச்சினை என்று எண்ணிவிடவேண்டாம்.

அதாவது, ஹரி தனது மனதுக்குப் பிடித்த பணிகளைச் செய்வதற்கு மேகனும் ஆதரவு தெரிவித்துள்ளாராம்.

ஆகவே, டயானா பெயரில் விருது வழங்கப்படும் நிகழ்ச்சி முதலான பல்வேறு நிகழ்ச்சிகளுக்காக ஹரி தனியாக நியூயார்க் செல்கிறார்.

ஹரி தனியாக செல்வதில் இன்னொரு விடயமும் உள்ளதாக கருதப்படுகிறது. அதாவது, மன்னர் சார்லஸ் இன்னமும் தன் மகனுடைய வருகைக்காக காத்திருக்கிறார்.

மகன் ஹரியை அவர் மிகவும் அதிகமாக மிஸ் பண்ணுவதாகவும், மகனும் அவரது குடும்பமும் திரும்பி வருவதற்காக அவர் எப்போதும் ஆயத்தமாக காத்திருப்பதாகவும் கூறப்படுகிறது.

ஆக, தன் தந்தைக்கும், தான் நம்பத்தகுந்தவன்தான், தன்னால் தனியாக சொந்தக்காலில் நிற்கமுடியும் என காட்டுவதற்காகவும், ஹரி தனியாக நிகழ்ச்சிகளில் பங்கேற்க இருப்பதாக ஊடகங்கள் செய்தி வெளியிட்டுள்ளன.

தன் தாய் இளவரசி டயானாவின் நகைகளை இளவரசர் ஹரியின் மனைவி மேகன் அணிவதில் இளவரசர் வில்லியமுக்கு விருப்பம் இல்லையாம்.

இளவரசர் ஹரி, விவாகரத்து பெற்றவரும், அமெரிக்க நடிகையுமான மேகனை திருமணம் செய்யப்போவதாக கூறியது, அவரது அண்ணன் வில்லியமுக்கு கொஞ்சமும் பிடிக்கவில்லை.

மேகனை மணந்துகொள்வதில் அவசரப்படாதே என அவர் தனது தம்பிக்கு ஆலோசனை கூறியுள்ளார். ஆனாலும், ஹரி யார் சொன்னதையும் கேட்கவில்லை.

திருமணம் நெருங்க நெருங்க, அண்ணனுக்கும் தம்பிக்கும் இடையே உரசல் முற்றியுள்ளது.

ஆகவே, ஹரியின் மணமகளான மேகனை, தன் தாய் டயானாவின் நகைகள் எதையும் அணியவிடக்கூடாது என தங்கள் பாட்டியாரான மறைந்த மகாராணி எலிசபெத்திடம் வற்புறுத்தினாராம் வில்லியம்.

விடயம் என்னவென்றால், வில்லியமுடைய மனைவி கேட், டயானாவின் மோதிரத்தை அணிந்திருந்திருக்கிறார்.

எப்படியும், திருமணத்தின்போது டயானாவின் நகைகள் எதையும் மேகன் அணியவில்லை. என்றாலும், வரவேற்பு நிகழ்ச்சியின்போது மேகன் டயானாவின் மோதிரம் ஒன்றை அணிந்துகொண்டார்.

இந்த விடயங்கள், ராஜ குடும்ப எழுத்தாளரான ராபர்ட் ஜாப்சன் என்பவர் எழுதியுள்ள Catherine, The Princess Of Wales : The Biography என்னும் புத்தகத்தில் குறிப்பிடப்பட்டுள்ளன.

தன் கணவரான ஹரியுடன் இளவரசி கேட் பழகுவதைக் குறித்து மேகனுக்கு பொறாமை என்று கூறியுள்ளார் ராஜ குடும்ப நிபுனர் ஒருவர்.

ஒரு காலத்தில் எங்கு சென்றாலும், அண்ணன் வில்லியம், அண்ணி கேட் இல்லாமல் செல்லமாட்டார் இளவரசர் ஹரி. ராஜ குடும்ப மும்மூர்த்திகள் (Royal trio) என ஊடகங்கள் குறிப்பிடும் அளவுக்கு மூவரும் சேர்ந்தேதான் எங்கென்றாலும் செல்வார்கள்.

அப்படியிருந்த குடும்பத்தில், மேகன் நுழைந்தார். எல்லாமே தலைகீழாக மாறிப்போனது. ராஜ குடும்ப மரபுகள் தெரியாமல், ஒத்துப்போகவும் முடியாமல், உதவியாளர்களை மோசமாக நடத்தி, அடம்பிடித்து ராஜ குடும்பத்துக்கே பெரும் தலைவலியாகிப்போன மேகனால், மொத்த ராஜ குடும்பமும் மனவேதனை அனுபவித்தது.

கடைசியில், கணவனை குடும்பத்தை விட்டுப் பிரித்ததுமின்றி, பிரித்தானியாவை விட்டே அழைத்துச் சென்றுவிட்டார் மேகன்.

தனக்கு உடன் பிறந்த ஒரு சகோதரி இல்லை என்ற குறையைத் தீர்த்துவைத்தவர் தன் அண்ணி கேட்தான் என்றே ஹரி கூறுவதுண்டு.

ஆனால், திருமணத்துக்குப் பிறகு எல்லாமே தலைகீழாக மாறிவிட்டன. ராஜ குடும்பத்தை விட்டு வெளியேறி அமெரிக்கா சென்றதும், தொலைக்காட்சிகளுக்குப் பேட்டியளித்து தங்கள் குடும்பத்துக்கு பெரும் தலைக்குனிவை ஏற்படுத்தினார்கள் ஹரி மேகன் தம்பதியர்.

இளவரசி கேட்டை மேகன் அவமதிக்க, ஹரியும் கூட தலையாட்டியதுடன், தன் பங்குக்கு, தனது ஸ்பேர் புத்தகத்தில் தன் அண்ணன் அண்ணியை மோசமாக விமர்சித்திருந்தார் ஹரி.

இந்நிலையில், தான் சகோதரியாக நினைத்திருந்த தன் அண்ணிக்கு புற்றுநோய் என தெரிந்ததும், அவரை அவமதித்துவிட்டோமே என மனதுக்குள் வேதனைப் பட்டுக்கொண்டிருக்கிறாராம் ஹரி. வில்லியமும் கேட்டும் ஹரி மேகன் தம்பதியரை பிரித்தானியாவுக்கு அழைக்க, ஹரிக்கு பிரித்தானியா செல்ல ஆசை என்றாலும், அதற்கு முட்டுக்கட்டையாக இருக்கிறார் மேகன்.

இதற்கிடையில், ஹரியின் அண்ணன் வில்லியமும் அண்ணி கேட்டும் இளவரர் இளவரசியாக ராஜ குடும்பத்தில் வலம் வர, தன் வாழ்க்கையை அவர்களுடைய வாழ்க்கையுடன் ஒப்பிட்டுப் பார்த்து பயங்கர பொறாமையிலிருக்கிறார் மேகன், என்கிறார் ராஜ குடும்ப நிபுணரான Ingrid Seward என்பவர்.

மேகன், தானும் ஒரு இளவரசியாக விண்ட்சர் மாளிகையில் வாழ்வேன் என்று எண்ணிக்கொண்டிருந்தார் என்பது குறித்து நான் கேள்விப்பட்டிருக்கிறேன் என்று கூறும் Ingrid Seward, ஆனால், வில்லியமும் கேட்டும் அந்த அழகான மாளிகையில் வாழ்ந்துகொண்டிருக்க, தாங்கள் நாட்டிங்காம் இல்லத்தில் வாழவேண்டிய ஒரு நிலை ஏற்பட்டதே அவருக்கு பொறாமைதான் என்கிறார்.

பிரித்தானியாவும் வேண்டாம், ராஜ குடும்பமும் வேண்டாம் என வீறாப்பாய் வெளியே வந்தும், மீண்டும் தங்கள் ராஜ குடும்ப பட்டங்களை பயன்படுத்தியதால் இளவரசர் ஹரியும் அவரது மனைவியான மேகனும் விமர்சனத்துக்குள்ளாகியுள்ளார்கள்.

ராஜ குடும்பத்தைவிட்டு வெளியேறியதால், வருவாய்க்காக பல்வேறு முயற்சிகள் எடுத்துவருகிறார்கள் இளவரசர் ஹரியும் மேகனும். மலைபோல் நம்பியிருந்த பல நிறுவனங்கள் கைவிட, அடுத்த முயற்சியாக, ராஜ குடும்பப் பெயரையே பயன்படுத்தி இணையதளம் ஒன்றை புதிதாக துவங்கியுள்ளார்கள் ஹரி மேகன் தம்பதியர்.

தங்கள் இணையதளத்துக்கு அவர்கள் Sussexes.com என பெயர் வைக்க, ராஜ குடும்பம் வேண்டாம், ராஜ குடும்ப பொறுப்புகளை செய்யமாட்டோம் என ராஜ குடும்பத்தைவிட்டு வெளியேறிவிட்டு, இப்போது ராஜ குடும்ப பட்டமான Sussex என்பதை மட்டும் எப்படி ஹரியும் மேகனும் தங்கள் இணையதளத்துக்கு பயன்படுத்தலாம் என்னும் ரீதியில் விமர்சனங்கள் எழுந்துள்ளன.

ஆனால், Sussex என்பது ஹரி, மேகனுடைய பெயரில் ஒரு பகுதி, அது அவர்களுடைய குடும்பப் பெயர் என்றும், அதைப் பயன்படுத்துவது அவர்களுடைய உரிமை என்றும், தம்பதியருக்கு நெருக்கமான ஒருவர் தெரிவித்துள்ளார்.

இந்நிலையில், சர்ச்சைகள் ஒரு பக்கம் போய்க்கொண்டிருக்க, ஹரியும் மேகனும் கைகளைப் பிடித்துக்கொண்டு கனடாவில் காணப்படும் காட்சிகள் வெளியாகியுள்ளன.

அதாவது, போரில் கை கால்களை இழந்த ராணுவ வீரர், வீராங்கனைகளுக்காக இளவரசர் ஹரி துவங்கிய இன்விக்டஸ் விளையாட்டுப் போட்டிகள், கனடாவின் வான்கூவரில் அடுத்த ஆண்டு நடைபெற உள்ளன. அது தொடர்பாகத்தான் ஹரியும் மேகனும் கனடா வந்துள்ளார்கள்.

ராஜ குடும்பத்தை விட்டு வெளியேறியதும் ஹரியும் மேகனும் முதலில் கனடாவுக்குதான் வந்தார்கள். ஆனால், கனடாவில் அவர்கள் வாழும்போது, அவர்களுடைய பாதுகாப்புக்கான செலவுகளை யார் பொறுப்பேற்பது என்பது குறித்து சர்ச்சை உருவானது.

அது மட்டுமல்ல, அது எங்கள் வீடு அல்ல, யாரோ ஒருவருடைய வீடு என்றும் அப்போது கூறியிருந்தார் ஹரி. அதைத் தொடர்ந்துதான் ஹரி குடும்பம் அமெரிக்காவில் குடியேற முடிவு செய்தது என்பது குறிப்பிடத்தக்கது.

அமெரிக்காவின் Bevery Hills-யில் 81வது கோல்டன் குளோப் விருது வழங்கும் விழா நடைபெற்றது.

இதில் ஹாலிவுட்டின் முன்னணி நடிகர்கள், தொழில்நுட்ப கலைஞர்கள் என பலர் கலந்து கொண்டனர்.

பேட்ரிக் ஜே.ஆடம்ஸ், ஜினா டோரஸ், சாரா ராபர்ட்டி மற்றும் கேப்ரியல் மாச்ட் ஆகியோர் விழா மேடையில் மீண்டும் இணைந்தனர்.

ஆனால், இளவரசி மேகன் மெர்க்கல் இவ்விழாவில் பங்கேற்கவில்லை. அவர் பிஸியாக இருந்ததாக கூறப்பட்டது.

இந்த நிலையில், கோல்டன் குளோப் தரப்பில், ”நாங்கள் டச்சஸைக் கேட்டோம், ஆனால் துரதிர்ஷ்டவசமாக அவர் முன்னதாகவே ஒப்புக்கொண்ட நிகழ்ச்சிகளால் வரமுடியாது என எங்களுக்கு தெரிவிக்கப்பட்டது” என கூறப்பட்டுள்ளது.

எனினும் விழாவில் மேகன் ஒரு பரபரப்பு உரையாடலாக இருந்தார். அதாவது, தொகுப்பாளர் ஜோ கோயால் அவர்களை கேலி செய்தார்.

அவர் விருதுகளை பெற்ற Succession தொடர் குறித்து கூறும்போது, ‘Succession-க்கு 9 பரிந்துரைகள் உள்ளன. அது பணக்கார, வெள்ளை, செயலிழந்த குடும்பத்தைப் பற்றிய ஒரு சிறந்த தொடர்…ஓ! இருங்கள், அது தான் கிரீடம். மன்னிக்கவும். ஹரியும் மற்றும் மேகன் மெர்க்கல் ஒன்றும் செய்யாமல் மில்லியன் கணக்கில் பணம் பெற்றார்கள்; அதுவும் Netflix மூலம் தான்’ கிண்டலடித்தார்.

மேலும், மேகன் ஏதேனும் Suits Projects-யில் தோன்றுவாரா என்று கேட்டதற்கு, ”நிச்சயமாக. மைக் மற்றும் ரேச்சல் சியாட்டலில் இருக்கிறார்கள். அவர்கள் லாஸ் ஏஞ்சல்ஸிற்கு வர வேண்டும். அவர்கள் சில விடயங்களை சரி செய்ய வேண்டும்” என தெரிவித்தார்.

முன்னதாக, ஜினா டோரஸ் தங்களிடம் மேகனின் எண் எங்களிடம் இல்லை. ஆதலால் அவர் இதனை பார்ப்பார், விழாவை காண்பார், நாங்கள் இங்கே இருப்பதில் அவர் மகிழ்ச்சி அடைவார் என தெரிவித்தார்.

லண்டனில் நடைபெற்ற விருது வழங்கும் நிகழ்ச்சி ஒன்றில் கலந்துகொண்ட பிரித்தானிய இளவரசர் ஹரி, தன் மனைவி மேகன் தன்னுடன் வர இயலாததால் அவர் கொஞ்சம் அப்செட்டாக இருப்பதாக தெரிவித்திருந்தார்.

ஆனால், இன்று, தன் கணவரைக் காண ஜேர்மனி செல்கிறார் மேகன். போரில் காயம்பட்ட, உடல் உறுப்புகளை இழந்த, போர் வீரர்களுக்காக, இளவரசர் ஹரி துவக்கிய, இன்விக்டஸ் விளையாட்டுப் போட்டிகள் ஜேர்மனியில் நடைபெற்றுவருகின்றன.

அவற்றை ஹரி முறைப்படி துவக்கிவைத்த நிலையில், முதல் நாளில் மேகனால் ஜேர்மனிக்கு வரமுடியவில்லை. ஆகவே, அவர் இன்று தன் கணவருடன் இணைந்து விளையாட்டுப் போட்டிகளைக் கண்டு களிப்பதற்காக ஜேர்மனியின் Dusseldorfக்கு வருகிறார்.

இந்நிலையில் ஹரியின் மனைவி மேகன் குறித்த ஒரு புதிய தகவல் வெளியாகியுள்ளது. அது என்னவென்றால், மேகன் 43 சதவிகிதம் நைஜீரிய பின்னணி கொண்டவராம்.

சமீபத்தில் நிகழ்ச்சி ஒன்றில் பங்கேற்ற மேகன், நைஜீரிய அமெரிக்க நகைச்சுவையாளர், எழுத்தாளர் மற்றும் நடிகரான Ziwerekoru (Ziwe) Fumudoh என்பவரை சந்தித்தார். அப்போது மேகன், தானும் 43 சதவிகித நைஜீரியர்தான் என கூறினார். என்றாலும், எந்த வழியில் தான் நைஜீரியர் என அவர் விளக்கமளிக்கவில்லை.

இதே விடயத்தைக் குறித்து இன்விக்டஸ் விளையாட்டுப்போட்டிகளின்போது பேசிய இளவரசர் ஹரியும், தன் மனைவி நைஜீரிய வம்சாவளியினர் என்பதை சமீபத்தில் கண்டறிந்ததாக தெரிவித்துள்ளது குறிப்பிடத்தக்கது.

பிரித்தானிய இளவரசர் ஹரியும் அவரது மனைவி மேகனும் விவாகரத்து செய்ய இருப்பதாக செய்திகள் ஒருபக்கமும், அது உண்மையில்லை, வதந்தி என செய்திகள் மறுபக்கமும் தொடர்ந்து வெளியானவண்ணம் உள்ளன.

இந்நிலையில், தன்னை விவாகரத்து செய்ய, பல நிபந்தனைகளை மேகன் விதித்துள்ளதாக, சில ராஜ குடும்ப நிபுணர்களை மேற்கோள் காட்டி, தற்போது ஒரு செய்தி வெளியாகியுள்ளது.

தனக்கு பெருந்தொகை ஒன்று ஜீவனாம்சமாக வழங்கப்படவேண்டும், குறைந்தபட்சம் 80 மில்லியன் பவுண்டுகள் வழங்கப்படவேண்டும் என்றும், தங்கள் பிள்ளைகள் ஆர்ச்சி மற்றும் லிலிபெட்டை வளர்க்கும் உரிமை தனக்கு மட்டுமே கொடுக்கப்படவேண்டும் என்றும் மேகன் நிபந்தனை விதித்துள்ளாராம்.

விவாகரத்து செய்யும் ஹரியின் கோரிக்கைக்கு இணங்கவேண்டுமானால், தனக்கு கொடுக்கப்பட்ட சசெக்ஸ் கோமகள் என்னும் பட்டத்தை தான் தொடர்ந்து பயன்படுத்த அனுமதிக்கவேண்டும் என்றும் மேகன் நிபந்தனை விதித்துள்ளாராம்.

இதற்கிடையில், மன்னர் சார்லசும் ஹரியும், தங்களுக்கிடையிலான வேறுபாடுகளை மறந்து ஒன்றுசேர்ந்துவிட்டதாக ஒரு தகவல் வெளியாகியுள்ளது.

மன்னர், தன் மூத்த மகன் வில்லியமுடன் இணைந்து, எப்படியாவது தன் இளைய மகன் ஹரியின் விவாகரத்தை இறுதிசெய்ய உதவ, தன்னாலான உதவிகளைச் செய்ய ஆயத்தமாக இருப்பதாகவும் கூறப்படுகிறது.

இளவரசர் ஹரியும் அவரது மனைவியான மேகனும் பிரிய இருப்பதாக தொடர்ந்து செய்திகள் வெளியாகிவரும் நிலையில், அது குறித்து தம்பதியருக்கு நெருக்கமான ஒருவர் விளக்கமளித்துள்ளார்.

எங்கு சென்றாலும், மனைவியுடனேயே செல்லும் இளவரசர் ஹரி தனியாக ஆப்பிரிக்கா செல்கிறார். கணவனின் கையைப் பிடித்துக்கொண்டு அவரது முகத்தைப் பார்த்தபடியே நடக்கும் மேகன், தனியாக புராஜக்ட்கள் செய்ய முடிவு செய்துள்ளார்.

ஹரியுடைய ஸ்பேர் புத்தகத்தின் புரமோஷன் நிகழ்ச்சிகளிலும் மேகன் கலந்துகொள்ளவில்லை. ஆக, கணவனுக்கும் மனைவிக்கும் இடையில் பிரச்சினை. அவர்கள் இருவரும் பிரியப்போகிறார்கள் என செய்திகள் வெளியாகிவருகின்றன.

ஆனால், தம்பதியருக்கு நெருக்கமான ஒருவர், ஹரியும் மேகனும், தங்களைக் குறித்து வெளியாகிவரும் வதந்திகளால் சலிப்படைந்துள்ளதாக தெரிவித்துள்ளார்.

மேலும், ராஜ குடும்ப விமர்சகரான Lara Asprey என்பவர் கூறும்போது, ஹரி, மேகன், இருவருமே உடைந்த குடும்பங்களிலிருந்து வந்தவர்கள். அவர்களுக்கு அந்த கஷ்டம் தெரியும். ஆகவே, அதே கஷ்டத்தை அவர்கள் தங்கள் பிள்ளைகளுக்கு கொடுக்க விரும்பமாட்டார்கள் என்கிறார்.

அதே நேரத்தில், இருவரும் ஆளுக்கொரு வேலையில் கவனம் செலுத்துவதிலிருந்து இருவரும் பிரிவதற்கான அடையாளங்கள் தெரிவதை மறுப்பதற்கில்லை என்று கூறும் Lara, வேலைகள் தம்பதியரை ஆளுக்கொரு பக்கம் இழுக்கின்றன. அதனால் என்ன ஆகும் என்பதற்கு காலம்தான் பதில் சொல்லவேண்டும் என்கிறார்.