கொரோனா வைரஸ் தொற்று அதிகரித்து வருவதால், பொது இடங்கள், உள்ளக கூட்டங்கள் மற்றும் பொது போக்குவரத்து என்பவற்றின்போது முகக்கவசம் அணிவது கட்டாயமாக்கப்பட்டுள்ளது என சுகாதார சேவைகள் பணிப்பாளர் நாயகம் டாக்டர் அசேல குணவர்தன தெரிவித்துள்ளார்.

இலங்கையில் கொரோனா வைரஸ் கட்டுக்குள் வந்த நிலையில், முகக்கவசம் கட்டாயம் அணிய வேண்டும் என்ற நடைமுறை தளர்த்தப்பட்டது. அந்த நடைமுறை தற்போது மீள அமுல்படுத்தப்பட்டுள்ளது.

#SriLankaNews

இது தொடர்பான விசேட கலந்துரையாடல் இன்று (25) சுகாதார அமைச்சில் நடைபெறவுள்ளது.

சுகாதார அமைச்சர் கெஹலிய ரம்புக்வெல்ல தலைமையில் தொற்றாநோய் நிபுணர்களின் பங்குபற்றலுடன் இந்த கலந்துரையாடல் நடைபெறவுள்ளது.

புதிய கொவிட் தாக்கத்தை தடுக்க, முகக்கவசங்களை மீண்டும் கட்டாயமாக்குமாறு அரசாங்க மருத்துவ அதிகாரிகள் சங்கம் மற்றும் சுகாதார வல்லுநர்கள் சங்கம் ஆகியவை சுகாதார அமைச்சிடம் கேட்டுக்கொண்டுள்ளமை குறிப்பிடத்தக்கது.

#SriLankaNews

சுகாதார அமைச்சு மற்றும் இலங்கையின் மருத்துவக் கல்லூரிகள் இணைந்து எடுத்த தீர்மானத்தின்படி, சுவாசக் கோளாறுகளால் பாதிக்கப்பட்டவர்கள் மாத்திரம் முகக்கவசம் அணிய அறிவுறுத்தப்படுவதாக சுகாதார அமைச்சர் கெஹெலிய ரம்புக்வெல தெரிவித்துள்ளார்.

மேலும், கொரோனா பி.சி.ஆர். பரிசோதனை மற்றும் அன்டியன் பரிசோதனைகளும் முன்னெடுக்கப்படமாட்டாது என அறிவிக்கப்பட்டுள்ளது.

#SriLankaNews

இதன்படி உள்ளக செயற்பாடுகள், பொது போக்குவரத்து தவிர ஏனைய பொது இடங்களில் முகக்கவசம் அணிதல் கட்டாயமில்லை என சுகாதார அமைச்சர் சுட்டிக்காட்டியுள்ளார்.

எனினும், தமது பாதுகாப்பு கருதி மக்கள் முகக்கவசம் அணியும்பட்சத்தில் அதனை தடுக்கபோவதில்லை எனவும் அவர் கூறினார்.

#SriLankaNews

இது தொடர்பில் அகில இலங்கை முகக்கவச உற்பத்தியாளர்கள் சங்கத்தின் தலைவர் விதுர அல்கம தெரிவிக்கையில்,

முகக்கவசங்களை தயாரிப்பதற்கான மூலப்பொருட்களுக்கு பற்றாக்குறை ஏற்பட்டுள்ளது. அவற்றை பெறுவதில் மிகுந்த சிரமத்தை எதிர்நோக்கவேண்டியுள்ளது.

இந்தநிலையில் நாளை முதல் முகக்கவசங்களின் விலையை 30 சதவீதத்தினால் அதிகரிப்பதற்கு தீர்மானிக்கப்பட்டுள்ளது – என்றார்.

#SriLankaNews

கொவிட்- தடுப்பூசித் திட்டம் வெற்றியடைந்துள்ளமையினால், மக்களிடையே கடுமையான நோய் ஏற்படுவதும் அவர்கள் மருத்துவமனைக்கு அனுப்பப்படுவதும் குறைவடைந்துள்ளதாக பிரித்தானியா அரசாங்கம் தெரிவித்துள்ளது.

இந்தநிலையில் இன்று முதல் மக்கள் முகக்கவசம் கட்டாயமாக அணியத் தேவையில்லை எனவும், மக்கள் ஒன்றுகூடலுக்கான பெரிய இடங்களுக்குள் நுழைவதற்கு இனி தடுப்பூசிச் சான்றுகள் தேவையில்லையெனவும் பிரித்தானியா அரசு அறிவித்துள்ளது.

மேலும் மக்கள் வீட்டிலிருந்து வேலை செய்வதை ஊக்குவிப்பதையும் அரசாங்கம் நிறுத்தியுள்ள அதேவேளை மாணவர்கள் வகுப்பறைகளில் முகக்கவசம் அணியுமாறு ஆலோசிக்கப்படுவதும் நிறுத்தப்பட்டுள்ளது.

இதேவேளை பிரித்தானியாவில் 12 வயதைத் தாண்டியவர்களில் 84 சதவீதமானவர்களுக்கு, இரண்டாவது தடுப்பூசி செலுத்தப்பட்டுள்ளதுடன், 81 சதவீதமானவர்களுக்கு பூஸ்டர் தடுப்பூசி செலுத்தப்பட்டுள்ளமையும் குறிப்பிடத்தக்கது.

#WorldNews

கொவிட்-19 தொற்று எதிரொலியால், முகக்கவசங்கள் அணிதல் மற்றும் தடுப்பூசிகளை பொதுமக்கள் செலுத்த வேண்டுமென அரசாங்கம் வலியுறுத்திவரும் நிலையில், முகக்கவசங்களை அணியும் நடைமுறை தற்போது நீங்கும் சாத்தியமில்லையென ஒன்றாரியோ மாகாண முதல்வர் டக் போர்ட் தெரிவித்துள்ளார்.

மேலும், நாட்டினை தொடர்ச்சியாக முடக்க முடியாது எனவும், இயல்பு நிலையை கிரமமான அடிப்படையில் முன்னெடுப்பதற்குத் தேவையான நடவடிக்கையினை மேற்கொண்டு வருவதாகவும் அவர் மேலும் தெரிவித்துள்ளார்.

இதேவேளை, கொவிட் தொற்றிலிருந்து முகக்கவசங்கள் மக்களைப் பாதுகாத்து வருவதாகவும், தொடர்ச்சியாக அதனை பயன்படுத்த வேண்டிய அவசியமிருக்காது எனினும், விரைவில் முகக்கவசம் அணியும் நடைமுறை தளர்த்தப்படுவதற்கான எவ்வித சாத்தியங்கள் இல்லையெனவும் ஒன்றாரியோ மாகாண முதல்வர் டக் போர்ட் தெரிவித்துள்ளார்.

#World

அமெரிக்காவின் மியாமி நகரில் இருந்து லண்டன் நோக்கி நேற்று அமெரிக்கன் ஏர்லைன்ஸ் விமானம் புறப்பட்டுச் சென்றது.

அதில் பயணித்த ஒரு பயணி முகக்கவசம் அணிய மறுத்துள்ளார். பயணி தனது நிலைப்பாட்டில் பிடிவாதமாக இருந்துள்ளார்.

இதனால் விமானி உடனடியாக விமானத்தை ஆரம்ப விமான நிலையமான மியாமி விமான நிலையத்திற்கு திருப்பினார்.

விமானம் தரையிறங்கியதும் முகக்கவசம் அணிய மறுத்த பயணியை பொலிஸார் கைதுசெய்ததுடன் பயணத்தையும் இரத்து செய்தனர்.

#world

இச்சம்பவம் அமெரிக்காவின் அட்லாண்டா பகுதியில் நடைபெற்றுள்ளது. டெல்டா ஏர்லைன் விமானத்தில் பயணித்த குறித்த பெண், தனக்கு பக்கத்தில் அமர்ந்திருந்த முதியவரைத் தாக்கியுள்ளார்.

இதேவேளை பயணத்தின் போது முகக்கவசம் அணிந்திருந்த குறித்த முதியவர், உணவருந்துவதற்காக முகக்கவசத்தைக் கழட்டியபோதே குறித்த பெண் அவரைத் தாக்கியுள்ளார்.

இதனையடுத்து, விமானம் தரையிறங்கியதும் குறித்த பெண்ணை பொலிசார் கைது செய்துள்ளனர்.

பயணிகளின் இது மாதிரியான செயல்களை ஒருபோதும் பொறுத்துக் கொள்ள முடியாது என டெல்டா ஏர் லைன் நிறுவனம் தெரிவித்துள்ளது.

#WorldNews