இலங்கைக்கு வருகை தரும் அமெரிக்கர்களை அதிகம் ஈர்க்கும் வகையில் பாரிய வேலைத்திட்டமொன்றை ஆரம்பிக்கப்பட்டுள்ளன.

அமெரிக்காவுக்கான இலங்கைத் தூதுவர் மஹிந்த சமரசிங்க மற்றும் ஏனைய தூதரக அதிகாரிகள் இணைந்து இந்த நடவடிக்கையை மேற்கொண்டுள்ளனர்.

இதற்காக அமெரிக்காவின் முன்னணி ஒன்லைன் பயண நிறுவனமான Expedia மற்றும் Qatar Airways ஆகியவற்றின் ஆதரவைப் பெற தூதரகம் நடவடிக்கை எடுத்துள்ளது.

மேலும் இந்த திட்டம் ஜனவரி மாதம் 29ஆம் திகதி ஆரம்பிக்கப்பட்டுள்ள நிலையில் ஏப்ரல் நடுப்பகுதி வரை நடைபெற உள்ளது.

இந்த திட்டத்திற்கு 30,000 முதல் 50,000 டொலர் வரை செலவாகும் என மதிப்பிடப்பட்டுள்ளதுடன் அதற்கு Qatar Airways நிதியுதவி செய்கிறது.

இந்த வேலைத்திட்டத்தின் ஊடாக, இலங்கையில் சுற்றுலா விடுதிகள் மற்றும் அது தொடர்பான நடவடிக்கைகள் மேம்படுத்தப்படும் என எதிர்பார்க்கப்படுகிறது.

தூதரகத்தின் ஊடாக மேற்கொள்ளப்பட்ட ஊக்குவிப்பு நடவடிக்கைகள் மூலம் 2023 ஆம் ஆண்டில் இலங்கைக்கு விஜயம் செய்த அமெரிக்கர்களின் எண்ணிக்கை 46,344 ஆக அதிகரித்துள்ளது.

இந்த வேலைத்திட்டத்தின் ஊடாக எண்ணிக்கையை அதிகரிக்கவும் எதிர்பார்க்கப்படுவதுடன் மேலும் பல அமெரிக்க சுற்றுலாப் பயணிகளை இலங்கைக்கு வரவழைக்கும் வகையில் இந்த வருடம் பல வேலைத்திட்டங்கள் திட்டமிடப்பட்டுள்ளதாக வொஷிங்டன் தூதரக வட்டாரங்கள் தெரிவிக்கின்றன.

தூதுவராக இருந்த ரவிநாதா ஆரியசிங்க ஓய்வு பெற்றதையடுத்து ஏற்பட்ட வெற்றிடத்திற்கு கோத்தாபய ராஜபக்சவினால் மகிந்த சமரசிங்க நியமிக்கப்பட்டிருந்தார்.

தூதுவர் பதவிக்கான கடமைகளை பொறுப்பேற்பதற்காக மகிந்த  சமரசிங்க கடந்த வாரம் பாராளுமன்ற உறுப்புரிமையை இராஜினாமா செய்தமை குறிப்பிடத்தக்கது.

#SriLankaNews

புதிய பாராளுமன்ற உறுப்பினர் சபாநாயகர் முன்னிலையில் அவர் பதவிப்பிரமாணம் செய்து கொண்டுள்ளதாக தெரிவிக்கப்படுகின்றது.

மகிந்த சமரசிங்கவின் இராஜினாமாவை அடுத்து வெற்றிடமாக உள்ள பாராளுமன்ற உறுப்பினர் பதவிக்கு மஞ்சு லலித் வர்ண குமாரவை நியமிக்க தேர்தல்கள் ஆணைக்குழு தீர்மானித்திருந்தது.

தேர்தல்கள் ஆணைக்குழு செவ்வாய்க்கிழமை (30) தீர்மானத்தை எட்டியதுடன், அது தொடர்பான வர்த்தமானியும் வெளியிடப்படும் என அறிக்கையில் குறிப்பிட்டிருந்தமை குறிப்பிடத்தக்கது.

#SriLankaNews

தனது இராஜினாமா ​கடிதத்தை, அவர் நாடாளுமன்ற செயலாளர் நாயகத்திடம் கையளித்துள்ளார்.

இவ்வாறு எம்.பி.பதவியை துறந்த அவர் அமெரிக்கா மற்றும் மெக்ஸிக்கோவுக்கான இலங்கைத் தூதுவராக நியமிக்கப்படவுள்ளார்.

இராஜதந்திர துறையில் அனுபவம் வாய்ந்தவராகக் கருதப்படும் மஹிந்த சமரசிங்க, இலங்கையின் சார்பில் ஜெனிவாக் கூட்டத்தொடர்களிலும் பங்கேற்றுள்ளார்.

#SriLankaNews

அமெரிக்கா மற்றும் மெக்ஸிக்கோவுக்கான புதிய இலங்கைத் தூதுவராக ஸ்ரீலங்கா பொதுஜன பெரமுனவின் நாடாளுமன்ற உறுப்பினர் மஹிந்த சமரசிங்க பொறுப்பேற்கவுள்ளார் என தெரிவிக்கப்படுகிறது.

இந்நிலையில், நாடாளுமன்ற உறுப்பினர் பதவியை இராஜினாமா செய்வதற்கு உத்தேசித்துள்ளேன் என அவர் தெரிவத்துள்ளார்.

இதுவரை அமெரிக்காவின் இலங்கைத் தூதுவராக இருந்த ரவிநாத் ஆரியசிங்க தனது ஓய்வை அறிவித்த நிலையில், அந்த பதவிக்கு பொருத்தமானவர் மஹிந்த சமரசிங்க என ஜனாதிபதி பரிந்துரைத்துள்ளார் என தெரிவிக்கப்படுகிறது.

நாட்டின் புதிய வரவு – செலவுத் திட்டத்தின் பின்னரே இவர் பதவியை இராஜினாமா செய்வார் என தெரிவிக்கப்படுகிறது.

இவர் நல்லாட்சி அரசின்போதும் மஹிந்த ராஜபக்ச ஆட்சியின்போதும் ஜெனிவா விவகாரத்தை கையாண்டவர் என்பது குறிப்பிடத்தக்கது.