பெற்றோர்கள் நேற்று (ஜனவரி 01) முதல் இந்த உதவித்தொகையை வங்கிகளில் இருந்து பெற்றுக்கொள்ள முடியும் என நிதி, திட்டமிடல் மற்றும் பொருளாதார மேம்பாட்டு அமைச்சர் அனில் ஜெயந்த தெரிவித்துள்ளார்.

புதிய கல்வியாண்டில் மாணவர்களுக்குத் தேவையான புத்தகங்கள், சீருடைகள் மற்றும் ஏனைய கற்றல் உபகரணங்களை எவ்வித சிரமமுமின்றிப் பெற்றுக்கொள்வதை உறுதிப்படுத்துவதே இந்தத் திட்டத்தின் நோக்கமாகும்.

கற்றல் உபகரணங்களுக்கான நிதி உதவி வழங்கப்பட்டுள்ள அதேவேளை, மாணவர்களுக்கு காலணிகளை (Shoes) வாங்குவதற்கான வவுச்சர்களை விநியோகிக்கும் பணிகள் குறித்துக் கல்வி அமைச்சு முக்கிய அறிவிப்பொன்றை வெளியிட்டுள்ளது:

எதிர்வரும் பெப்ரவரி மாதம் 5-ஆம் திகதிக்குள் அனைத்து மாணவர்களுக்கும் காலணிகளுக்கான வவுச்சர்களை விநியோகித்து முடிக்க அரசாங்கம் திட்டமிட்டுள்ளது.

பொருளாதார நெருக்கடியால் பாதிக்கப்பட்டுள்ள குடும்பங்களின் சுமையைக் குறைக்கும் வகையில், இம்முறை கல்வியாண்டு ஆரம்பத்திலேயே இத்தகைய உதவிகளை வழங்க அரசாங்கம் முன்னுரிமை அளித்துள்ளது.