உயிரிழந்த சட்டத்தரணி மல்வாரச்சி, பிரபல பாதாள உலகக் குற்றவாளியான ‘கரன்தெனிய சுத்த’ என்பவரது நீதிமன்ற வழக்குகளில் முன்னிலையாகி வந்தவர் என பொலிஸார் தெரிவித்துள்ளனர். தனது கட்சிக்காரரான கரன்தெனிய சுத்தவின் இரகசியத் தகவல்களை, அவரது எதிரிக் குழுவான ‘லொகு பெட்டி’ தலைமையிலான கும்பலுக்குக் கசியவிட்டதாக எழுந்த சந்தேகமே இந்த இரட்டைக் கொலைக்குக் காரணம் எனப் பாதுகாப்புப் பிரிவினர் ஆரம்பகட்ட விசாரணைகளில் சந்தேகம் வெளியிட்டுள்ளனர்.

இந்தச் சம்பவம் குறித்துத் தலங்கம பொலிஸார் தலைமையிலான 3 விசேட பொலிஸ் குழுக்கள் உள்ளிட்ட பல குழுக்கள் விசாரணைகளை முடுக்கிவிட்டுள்ளன. தப்பியோடிய காரைக் கண்டறிய சிசிடிவி (CCTV) காட்சிகள் ஆய்வு செய்யப்பட்டு வருகின்றன. சட்டத்தரணி ஒருவர் இலக்கு வைக்கப்பட்ட இந்தச் சம்பவம், நாட்டின் சட்டத்துறையினர் மற்றும் பொதுமக்களிடையே பெரும் அச்சத்தை ஏற்படுத்தியுள்ளது.

இந்தத் துப்பாக்கிச் சூட்டுடன் சேர்த்து, 2026 ஆம் ஆண்டின் இதுவரையான சிறு காலப்பகுதிக்குள் இலங்கையில் 7 துப்பாக்கிச் சூட்டுச் சம்பவங்கள் பதிவாகியுள்ளன. இவற்றில் 7 பேர் உயிரிழந்துள்ளதுடன், நால்வர் காயமடைந்துள்ளதாகப் பொலிஸ் ஊடகப் பிரிவு சுட்டிக்காட்டியுள்ளது. பாதாள உலகக் குழுக்களைக் கட்டுப்படுத்த அரசாங்கம் முன்னெடுத்து வரும் விசேட நடவடிக்கைகளுக்கு மத்தியிலும் இத்தகைய சம்பவங்கள் தொடர்வது பாதுகாப்பு குறித்த கேள்விகளை எழுப்பியுள்ளது.