சாதாரண நாட்களில் சுமார் ரூ.350-க்கு விற்கப்படும் ஒரு சுற்றப்பட்ட (Wrapped) சிவப்பு ரோஜா, தற்போது காதலர் தினத்தை முன்னிட்டு அதிகரித்துள்ளது. ஒரு சாதாரண ரோஜா பூ சுமார் ரூ.200 முதல் ரூ.250 வரை விற்கப்பட்டாலும், ஒரு சிறிய பூச்செண்டு (Bouquet) ரூ.2500 முதல் ரூ.3000 வரை விற்பனை செய்யப்படுகிறது. அதேவேளை, உயர்தரமான பெரிய பூச்செண்டுகள் ரூ.8,000 முதல் ரூ.12,000 வரை விலை போகின்றன.

உள்ளூர் உற்பத்தியில் ஏற்பட்டுள்ள வீழ்ச்சி விலையேற்றத்திற்கு முக்கிய காரணமாகும். நுவரெலியா மற்றும் பதுளை பகுதிகளில் இம்முறை அறுவடை குறைவாக உள்ளதால், உள்நாட்டுத் தேவையைப் பூர்த்தி செய்ய இந்தியாவிலிருந்து ரோஜாக்கள் இறக்குமதி செய்யப்படுகின்றன. “அதிக இறக்குமதி வரி மற்றும் போக்குவரத்து செலவுகள் காரணமாக எங்களால் விலையைக் குறைக்க முடியவில்லை. இதனால் மக்கள் விலையைக் கேட்டுவிட்டுப் பூக்களை வாங்காமல் செல்கின்றனர்” என வர்த்தகர்கள் தெரிவிக்கின்றனர்.

சாதாரண வர்த்தகர்கள் நஷ்டத்தைச் சந்தித்து வரும் நிலையில், ஆன்லைன் பூ விற்பனை நிறுவனங்கள் ரூ.50,000 முதல் ரூ.75,000 வரை விலையுள்ள பிரம்மாண்ட ரோஜா பூச்செண்டுகளை உயர் மட்ட வாடிக்கையாளர்களைக் குறிவைத்து விற்பனை செய்து வருகின்றன. விற்பனையை ஊக்குவிக்கச் சில கடைக்காரர்கள் தள்ளுபடி சலுகைகளை வழங்கினாலும், பொதுமக்களின் அத்தியாவசியமற்ற செலவினக் குறைப்பால் சந்தையில் மந்தநிலை நீடிக்கிறது.