சூர்யா நடித்த ’கங்குவா’ படத்தின் அப்டேட் சில மாதங்களாக வரவில்லை என்றும் அதற்கு பின் ஆரம்பித்த ’சூர்யா 44’ படத்தின் அப்டேட் கூட அவ்வப்போது வந்து கொண்டிருக்கும் நிலையில் ’கங்குவா’ படத்தின் அப்டேட் வராமல் இருந்தது ரசிகர்களுக்கு அதிருப்தியை ஏற்படுத்தியது என்பதையும் ஏற்கனவே பார்த்தோம். இந்த நிலையில் நேற்று திடீரென ’கங்குவா’ படத்தின் ரிலீஸ் தேதி குறித்த அப்டேட் வந்ததற்கு ஜோதிகா தான் காரணம் என்று கூறப்படுவது ஆச்சரியத்தை ஏற்படுத்தியுள்ளது.

கடந்த சில நாட்களுக்கு முன் ‘அப்டேட் கொடுக்க முடியாவிட்டால், சொன்ன தேதியில் படத்தை வெளியிட முடியாவிட்டால் எதற்காக படம் எடுக்கிறீர்கள்? எங்கள் சூர்யா அண்ணனை விட்டு விடுங்கள்’ என்று சூர்யா ரசிகர்கள் வெளியிட்ட போஸ்டர் தான் சூர்யாவை பெரும் அதிர்ச்சிக்கு உள்ளாகி உள்ளதாக தெரிகிறது.

எதிர்காலத்தில் ரசிகர்களை வைத்து பல்வேறு திட்டங்கள் வைத்துள்ள சூர்யா, ரசிகர்களை பகைத்து கொள்ள கூடாது என்று முடிவு செய்து ஒரு தரமான அப்டேட்டை வெளியிடலாம் என்று திட்டமிட்ட போது தான் ஜோதிகா ’சின்ன சின்ன அப்டேட் எல்லாம் வேண்டாம், ஒரேயடியாக ரிலீஸ் தேதியை அறிவித்து விடுங்கள்’ என்று கூறியதாக தெரிகிறது.

அதன்பின்னர் ரிலீஸ் தேதி அக்டோபர் 10 என முடிவு செய்தபோது ரஜினியின் ‘வேட்டையன்’ படமும் அதே தேதியில் வருகிறது என்று சூர்யா மற்றும் அவரது குடும்பத்தினர் ஆலோசனை செய்ததாகவும் அப்போது நீண்ட விடுமுறை நாள் என்பதால் அதை மிஸ் செய்ய வேண்டாம், நமது படமும் மாஸ் படம் தான், எனவே தைரியமாக ரஜினியுடன் மோதலாம்’ என்று ஜோதிகா ஆலோசனை கூறியதாகவும் அதன் பின்னர் நேற்று அதிகாரப்பூர்வமாக ரிலீஸ் தேதி அறிவிக்கப்பட்டதாகவும் கூறப்படுகிறது.

மேலும் இனிமேல் விஜய்க்கு போட்டி, அஜித்துக்கு போட்டி என்பதெல்லாம் வேண்டாம், நேரடியாக நாம் ரஜினிக்கு போட்டியாளர் என்பதை ரசிகர்களுக்கு உணர்த்துவோம் என்று ஜோதிகா சொன்ன பிளானை சூர்யாவும் ஏற்றுக் கொண்டதால்தான் நேற்று அதிரடியாக ரிலீஸ் தேதி அறிவிக்கப்பட்டதாகவும் கூறப்படுகிறது.

’கங்குவா’ படத்தின் கதையை பிரபல நிறுவனம் தனது சமூக வலைதளத்தில் போட்டு உடைத்த நிலையில் இந்த படம் கடந்த 2022 ஆம் ஆண்டு வெளியான படத்தின் கதை போல இருக்கிறது என்றும் இந்த படமும் காப்பி தானா என்றும் ரசிகர்கள் தங்கள் அதிருப்தியை தெரிவித்து வருகின்றனர்.

பிரபல ஓடிடி நிறுவனமான அமேசான் தான் வாங்கிய படங்கள் குறித்த விவரங்களை அவ்வப்போது தெரிவித்துவரும் நிலையில் ’கங்குவா’ படத்தின் ஓடிடி ரிலீஸ் உரிமையையும் இந்நிறுவனம் தான் வாங்கி உள்ளது என்பது குறிப்பிடத்தக்கது. இது குறித்த விளம்பரம் ஒன்றில் ’கங்குவா’ படத்தின் ஒன்லைன் கதையை அமேசான் நிறுவனம் பதிவு செய்துள்ள நிலையில் அந்த கதையை கேட்டு ரசிகர்கள் அதிர்ச்சி அடைந்துள்ளனர்

அதாவது 1700 ஆம் ஆண்டு தொடங்கி 500 வருஷமாக முடிக்க முடியாத ஒரு விஷயத்தை 2023ஆம் ஆண்டு சூர்யா கேரக்டர் முடிப்பது தான் இந்த படத்தின் கதை என அமேசான் பிரைம் நிறுவனம் தனது எக்ஸ் தளத்தில் தெரிவித்துள்ளது

இதே போன்ற ஒரு கதைதான் கடந்த 2022 ஆம் ஆண்டு நந்தமுரி கல்யாண்ராம் நடிப்பில் வெளியான ’பிம்பிசாரா’ படம் இருந்தது என்பதும் மாயாஜாலம் மற்றும் டைம் டிராவல் நிறைந்த இந்த படத்தின் கதையை தான் பட்டி டிங்கரிங் செய்து ’கங்குவா’ படம் உருவாக்கப்பட்டுள்ளதா? என்ற கேள்வி தற்போது எழுந்துள்ளது

’பிம்பிசாரா’ படத்தில் இருந்த அதே 500 ஆண்டு காலம் மற்றும் டைம் டிராவல் கதையம்சம் ’கங்குவா’ படத்தில் இருப்பதை அடுத்து அந்த படத்தின் காப்பியா என்ற கேள்வியும் தற்போது எழுந்து வருகிறது

அமேசான் ப்ரைமுக்கு விளம்பரத்திற்காக ஒன்லைன் சுருக்கத்தை படக்குழுவினர் கொடுத்த நிலையில் அதை அப்படியே போட்டுடைத்து தங்களை தர்ம சங்கடத்திற்கு உள்ளாக்கி விட்டதாக ’கங்குவா’ படக்குழுவினர் தற்போது புலம்பி வருகின்றனர். ஏற்கனவே கார்த்திக் நடித்த ’காஷ்மோரா’ படத்தின் கதையும் கிட்டத்தட்ட இதுதான் என்றும் சில ரசிகர்கள் பதிவு செய்து வருகின்றனர்.