கடந்த வாரம் நடிகை பிரியங்கா சோப்ரா ஜோனாஸ் தனது சமூகவலைத் தளங்களிலுள்ள கணக்குகளின் பெயரிலிருந்து “ஜோனாஸை” நீக்கியுள்ளார். இது அவரின் திருமண உறவு குறித்த ஊகங்களுக்கு வழி வகுத்துள்ளதோடு ரசிகர்கள் மத்தியில் பரபரப்பை ஏற்படுத்தியுள்ளது.

ஆனால், இத்தகைய வதந்திக்கு மத்தியில் பிரியங்கா தனது கணவருடன் தீபாவளி பண்டிகையை தன் புதிய இல்லத்தில் கொண்டாடியுள்ளார். இவை குறித்த புகைப்படங்கள் சமூக வலைத்தளங்களில் வைரலாகி இருந்தது.

அதுமட்டுமல்லாது, சமீபத்தில் இடம் பெற்ற ஒரு காமடி நிகழ்ச்சி ஒன்றில் இருவரும் கலந்து சிறப்பித்துள்ளனர். அதன்போது நடிகை பிரியங்கா தனது கணவர் குறித்து மிக நகைச்சுவையாக பேசியுள்ளார். இந்த வீடியோ தற்போது வைரலாகி வருகிறது.

குறித்த நிகழ்ச்சி உரையாடலில் நடிகை பிரியங்கா தமது வாழ்கையின் சில சுவாரஸ்யமான அம்சங்களை பகிர்ந்து கொண்டுள்ளார்.

அதாவது. தாம் இருவருக்கும் 10 வயது இடைவெளி இருப்பதாகவும் தனது கணவருக்கு 90 பற்றிய இசை குறிப்புக்கள் எதுவும் தெரியாது எனவும் தானே அதனை சொல்லி கொடுப்பதாகவும் வேடிக்கையாகவும் நகைச்சுவையாகவும் கூறியுள்ளார்.

அதுமட்டுமல்லாது நாங்கள் இருவரும் குழந்தை பெற்றுக்கொள்வதை கூடிய விரைவில் எதிர்பார்கிறோம் எனவும் மிக்க மகிழ்ச்சியோடு பகிர்ந்துகொண்டுள்ளார்.

இந்த செய்தி மூலம் விவாகரத்து தொடர்பில் வைரலாகி வரும் வதந்திக்கு முற்றுப்புள்ளி வைத்துள்ளார்.

இதனிடையில் பிரியங்காவின் தாயார் மது சோப்ராவும் குறித்த வதந்திகளுக்கு தக்க பதிலளித்துள்ளார். அதாவது பிரியங்கா தனது குடும்பபெயரை நீக்கினாலும் தனது கணவருடன் மிக அன்பான வாழ்கையே வாழ்ந்து வருகிறார் ஆகவே இதுபோன்ற தேவையற்ற வதந்திகளை பரப்ப வேண்டாம் என அவரது தாயார் தெரிவித்துள்ளார்.

#CinemaNews