அண்ணாத்த படப்பிடிப்பு முடிவடைந்த நிலையில் தொழில்நுட்ப பணிகள் மும்முரமாக  நடக்கின்றன. நேற்றைய தினம் படத்தின் டீஸர் வெளியானது.
இரசிகர்களை டீசர் வெகுவாக கவர்ந்தது.

படையப்பா படத்தில் தோன்றிய ஸ்ரைலிஸ்ட் ரஜனியை மீண்டும் பார்க்க கிடைத்ததாக சமூக வலைத்தளங்களில் ரஜனி ரசிகர்கள் பதிவிட்டனர்.

இவ்வாறான நிலையில், கொவிட் பரவலைக் காரணம் காட்டி, தமிழகத்தில் திரையரங்குகளில் 50 வீத இருக்கைகளையே பயன்படுத்த முடியும் என்ற விதிமுறையுள்ளது.

இதனை நவம்பர் 1 ஆம் திகதி முதல் 100 வீதமாக அனுமதிக்க வேண்டும் என திரைப்பட சங்கங்கள் கோரிக்கை விடுத்துள்ளன.

தீபாவளிக்கு முன்னணி நடிகர்களின் படங்கள் திரைக்கு வருவதால் 100 வீத இருக்கைக்கு அனுமதி கிடைத்தால் இரட்டிப்பு இலாபத்தை திரையரங்குகளும் சம்பாதிக்கும்.

படத்தின் பணிகள் முடிவடைந்து வெளியீட்டுக்காக காத்திருக்கிறது.

நாளுக்கு நாள் புதுபுது அப்டேட்களால் படத்தின் மீதான எதிர்பார்ப்பு அதிகரித்து வருகிறது.

இந்த நிலையில், ஈழத்தமிழர்களை மகிழ்ச்சிப்படுத்தும் அப்டேட் ஒன்றை வெளியிட்டுள்ளார் இசையமைப்பாளர் டி.இமான்.

யாழ்ப்பாணத்தின் புகழ்பூத்த நாதஸ்வர கலைஞர் கே.பி.குமரன் ‘அண்ணாத்த’படத்தின் பின்னணி இசையில் பங்குபற்றியுள்ளாராம்.

புகைப்படத்துடன் இது தொடர்பான தகவலை வெளியிட்டுள்ளார் டி.இமான்.

இந்த தகவலை ஈழத்தமிழர்கள் சமூகவலைத்தளங்களில் ரெண்டாக்கி வருகின்றனர்.

படத்தின் அப்டேட்டுகள் நாளுக்கு நாள் வெளியாகி ரசிகர்களின் எதிர்பார்ப்பை அதிகரிக்கச் செய்துள்ளன.

சிங்கிள் ரக், பாடல்கள் என வெளியாகி பட்டையைக் கிளப்பிவரும் நிலையில், படத்தின் டீஸர் தொடர்பான தகவல் தற்போது கசிந்துள்ளது.

படத்தின் டீசர் இம் மாதம் 14ஆம் திகதி வெளிவரவுள்ளது என படக்குழுவினர் அறிவித்துள்ளனர்.

பிறகென்ன ரஜனி ரசிகர்களுக்கு செம அப்டேட்தான்.