பொருளாதாரச் சீர்குலைவு மற்றும் விலைவாசி உயர்வுக்கு எதிராக கடந்த டிசம்பர் 28 அன்று தொடங்கிய மக்கள் போராட்டங்கள் தற்போது ஈரானின் 1979-ஆம் ஆண்டு புரட்சிக்கு இணையான கொந்தளிப்பான நிலையை எட்டியுள்ளன.

மனித உரிமை அமைப்புகளின் தரவுப்படி, 86 சிறுவர்கள் உட்படக் குறைந்தது 6,126 பேர் கொல்லப்பட்டுள்ளனர். ஆனால், அரசு இந்த எண்ணிக்கையை 3,117 என மறுத்து வருகின்றது.

போராட்டங்களுடன் தொடர்புடைய 41,800-க்கும் அதிகமானோர் கைது செய்யப்பட்டுள்ளனர். போராட்டங்களை ஒடுக்க ஈரானிய வரலாற்றிலேயே நீண்ட காலமான இரண்டு வாரங்களுக்கு மேலாக இணைய சேவை முடக்கப்பட்டுள்ளது.

அமைதிப் போராட்டக்காரர்கள் கொல்லப்படுவதற்கு அமெரிக்க ஜனாதிபதி டொனால்ட் ட்ரம்ப் கடும் கண்டனம் தெரிவித்துள்ளார்.

ஈரானைத் தாக்குவதற்கான தயார் நிலையில், அமெரிக்காவின் யுஎஸ்எஸ் ஆபிரகாம் லிங்கன் (USS Abraham Lincoln) விமானம் தாங்கிக் கப்பல் மற்றும் ஏவுகணை அழிப்புக் கப்பல்கள் மத்திய கிழக்கு கடற்பகுதிக்கு வந்து சேர்ந்துள்ளன.

கடந்த ஜூன் மாதம் இஸ்ரேல் நடத்திய தாக்குதலால் ஈரானின் வான் பாதுகாப்பு மற்றும் அணுசக்தி நிலையங்கள் ஏற்கனவே பலவீனமடைந்துள்ளன.

சிரியாவில் பஷார் அல்-அசாத்தின் வீழ்ச்சி மற்றும் ஹிஸ்புல்லா குழுவின் தடுமாற்றம் காரணமாக ஈரானின் ‘எதிர்ப்பு அச்சு’ (Axis of Resistance) நிலைகுலைந்துள்ளது. எனினும், ஈராக்கின் ‘கதாயிப் ஹிஸ்புல்லா’ மற்றும் யேமனின் ‘ஹூதி’ கிளர்ச்சியாளர்கள், எதிரிகளுக்குப் பாரிய இழப்புகளை ஏற்படுத்துவோம் என எச்சரித்துள்ளனர்.

பொருளாதார நெருக்கடி மற்றும் சர்வதேச இராணுவ அழுத்தங்கள் காரணமாக ஈரான் தற்போது ஒரு பாரிய போரின் விளிம்பிற்குத் தள்ளப்பட்டுள்ளதாக அரசியல் ஆய்வாளர்கள் அச்சம் தெரிவிக்கின்றனர்.

இந்திய ஊடகமொன்றுக்கு வழங்கிய பிரத்தியேக செவ்வியில் அவர் “உயர் தலைவருக்குப் பலத்த பாதுகாப்பு வழங்கப்பட்டுள்ளது உண்மை. ஆனால் அவர் பதுங்கு குழியில் ஒளியவில்லை. அனைத்து முக்கிய அரசுக் கூட்டங்களையும் அவர் வழமை போலக் காணொளி காட்சி வாயிலாகத் தலைமை தாங்கி நடத்தி வருகிறார்” என அவர் குறிப்பிட்டார்.

ஈரானில் நிலவும் வன்முறைகளில் இதுவரை மொத்தம் 3,117 பேர் உயிரிழந்துள்ளதாக அவர் தெரிவித்தார். இதில் 2,427 பேர் பொதுமக்கள் மற்றும் காவல்துறை அதிகாரிகள் எனவும், மீதமுள்ள 690 பேர் பயங்கரவாதிகள் எனவும் அவர் வகைப்படுத்தியுள்ளார்.

வெளிநாட்டுத் தலையீடு: ஈரானில் நடக்கும் போராட்டங்கள் வெளிநாட்டு உளவு அமைப்புகளால் திட்டமிடப்பட்டவை என்றும், வெளிநாடுகளில் பயிற்சி பெற்றவர்களே வன்முறைகளைத் தூண்டி சேதங்களை விளைவிப்பதாகவும் அவர் குற்றம் சாட்டினார்.

இணைய முடக்கம்: வெளிநாட்டுத் தலையீடுகளைக் கட்டுப்படுத்துவதற்காகவே இணையச் சேவைகள் தற்காலிகமாக முடக்கப்பட்டன. இன்னும் சில நாட்களில் இது முழுமையாகச் சீரமைக்கப்படும் என உறுதியளித்தார்.

ஈரானைத் தாக்க முயலும் எந்தவொரு நாட்டையும் எதிர்கொள்ளத் தங்கள் இராணுவம் முழு பலத்துடன் தயாராக இருப்பதாக அவர் இதன்போது எச்சரிக்கை விடுத்தார்.

தற்போது ஈரானின் நிலைமை முழுமையாகக் கட்டுப்பாட்டுக்குள் கொண்டுவரப்பட்டுள்ளதாகத் தூதரக அதிகாரி அந்தச் செவ்வியில் மேலும் சுட்டிக்காட்டினார்.

கடந்த டிசம்பர் 28-ஆம் திகதி தொடங்கிய இந்தப் போராட்டம், தற்போது ஈரானின் 31 மாகாணங்களில் உள்ள 100-க்கும் மேற்பட்ட நகரங்களுக்குப் பரவியுள்ளது.

அமெரிக்காவைச் சேர்ந்த மனித உரிமைகள் அமைப்பின் தகவல்படி, இதுவரை 544 பேர் கொல்லப்பட்டிருக்கலாம் என அஞ்சப்படுகிறது. மேலும், 10,681 பேர் பாதுகாப்புப் படையினரால் கைது செய்யப்பட்டுள்ளனர்.

வன்முறையைக் கட்டுப்படுத்துவதாகக் கூறி, நாடு முழுவதும் இணையச் சேவையை ஈரான் அரசு முடக்கியுள்ளது. அரசு ஊடகங்கள் மட்டுமே இயங்க அனுமதிக்கப்பட்டுள்ளன.

வெள்ளை மாளிகையின் ஊடகச் செயலாளர் கரோலின் லீவிட் (Karoline Leavitt) இது குறித்துத் தெரிவிக்கையில் ஈரான் விவகாரம் தொடர்பான அனைத்து ஆவணங்களும் அதிபர் ட்ரம்பின் மேசையில் உள்ளன. இதில் ஈரான் மீது வான்வழித் தாக்குதல் (Airstrikes) நடத்துவதும் ஒரு தெரிவாகச் சேர்க்கப்பட்டுள்ளது.

ஈரான் அரசின் செயல்பாடுகள் குறித்து உலகுக்குத் தெரிந்தவற்றை விட, அமெரிக்க அரசுக்குக் கிடைத்துள்ள தனிப்பட்ட உளவுத் தகவல்கள் முற்றிலும் வேறானவை. அவற்றை வெளிப்படுத்த அதிபர் ஆர்வமாக உள்ளார்.

பேச்சுவார்த்தை மூலம் தீர்வு காண்பதே ட்ரம்ப்பின் முதல் விருப்பம் என்றாலும், தேவைப்பட்டால் இராணுவ நடவடிக்கையை எடுக்க அவர் ஒருபோதும் தயங்கமாட்டார்.

அத்தியாவசியப் பொருட்களின் கடும் விலைவாசி உயர்வு மற்றும் வேலைவாய்ப்பின்மையால் விரக்தியடைந்துள்ள ஈரான் மக்கள், தற்போதைய ஆட்சி மாற்றத்தைக் கோரி வீதிகளில் இறங்கியுள்ளனர். சர்வதேசத் தடைகள் மற்றும் உள்நாட்டு நிர்வாகச் சீர்கேடுகளே இந்தப் பொருளாதாரத் தேக்கநிலைக்குக் காரணம் எனப் பொருளாதார வல்லுநர்கள் சுட்டிக்காட்டுகின்றனர்.

பாக்ஸ் நியூஸ் தொலைக்காட்சிக்கு அளித்த பேட்டியில் கிரஹாம் தெரிவித்த முக்கிய விடயங்கள். ஈரானிய மக்கள் சிறந்த வாழ்வாதாரத்திற்காகப் போராடும் போது, அவர்களை அரசு தொடர்ந்து கொன்று குவித்தால், டொனால்ட் டிரம்பின் பதில் மிகக் கொடூரமானதாக இருக்கும்.

உலக அமைதிக்கு அச்சுறுத்தலாக விளங்கும் அயதுல்லா அலி கமேனியைத் தீர்த்துக்கட்டவும் அதிபர் டிரம்ப் தயங்கப்போவதில்லை.

வெனிசுலா அதிபர் மதுரோவைக் கைது செய்ய அமெரிக்கா நடவடிக்கை எடுத்தது போல, டிரம்பின் எச்சரிக்கைகள் வெறும் வார்த்தைகளாக மட்டும் இருக்காது என்பதை ஈரான் புரிந்துகொள்ள வேண்டும்.

ஈரான் ரியால் (Rial) நாணயத்தின் மதிப்பு டொலருக்கு எதிராகக் கடுமையாகச் சரிவடைந்ததால் ஏற்பட்ட பொருளாதார நெருக்கடியே இந்தப் போராட்டங்களுக்குக் காரணமாகும்.

கடந்த சில வாரங்களாக நடைபெறும் போராட்டங்களில் இதுவரை 36-க்கும் அதிகமானோர் உயிரிழந்துள்ளனர். சுமார் 2,000-க்கும் மேற்பட்ட போராட்டக்காரர்கள் பாதுகாப்புப் படையினரால் கைது செய்யப்பட்டுள்ளனர்.

அமெரிக்காவின் இந்த அச்சுறுத்தல்களுக்கு ஈரான் ராணுவம் மிகக் கடுமையான பதிலடியைத் தந்துள்ளது:

“அமெரிக்கா ஏதேனும் தவறான இராணுவ நடவடிக்கையை எடுத்தால், எங்களின் பதில் மிகத் தீவிரமாக இருக்கும். ஆக்கிரமிப்பாளர்களின் கரங்களை நாங்கள் துண்டிப்போம்.”

அமைதியான போராட்டக்காரர்களுக்கு எதிராக வன்முறை பயன்படுத்தப்பட்டால், அவர்களைப் பாதுகாக்க அமெரிக்கா தலையிடும் என அதிபர் டிரம்ப் ஏற்கனவே தனது சமூக வலைதளப் பதிவில் குறிப்பிட்டிருந்தமை இங்கு குறிப்பிடத்தக்கது.