இந்த மாநாட்டில் பங்கேற்பதற்காக இலங்கை ஜனாதிபதி அநுர குமார திஸாநாயக்கவும் இந்தியாவிற்குப் பயணம் மேற்கொள்ளவுள்ளமை விசேட அம்சமாகும். இந்த உயர்மட்டப் பயணங்களின் போது, இந்தோ-பசுபிக் பிராந்திய பாதுகாப்பு, சிறிய ரக அணு உலைகள் (SMR) தொடர்பான ஒத்துழைப்பு மற்றும் நவீன தொழில்நுட்பப் பரிமாற்றங்கள் குறித்துத் தலைவர்கள் விரிவான பேச்சுவார்த்தைகளை நடத்தவுள்ளனர். குறிப்பாக, கடந்த ஆண்டு மோடி பிரான்ஸ் சென்றபோது கையெழுத்தான பாதுகாப்பு மற்றும் அணுசக்தி ஒப்பந்தங்களின் அடுத்தகட்ட நகர்வுகள் குறித்து மேக்ரான்-மோடி சந்திப்பில் முக்கியத்துவம் அளிக்கப்படும் என எதிர்பார்க்கப்படுகிறது.