சமீபத்தில் தமது உள்ளகப் பயிற்சியை (Internship) நிறைவு செய்த இரண்டு மருத்துவ அதிகாரிகளினால் இந்த மனுக்கள் தாக்கல் செய்யப்பட்டுள்ளன. குறித்த மனுக்கள் இன்று பரிசீலனைக்கு எடுத்துக்கொள்ளப்பட்ட போதே, நீதிமன்றம் இந்தத் திகதியை அறிவித்துள்ளது. தற்போதைய நியமன நடைமுறையில் உள்ள குறைபாடுகளைச் சுட்டிக்காட்டியே இந்த மனுக்கள் தாக்கல் செய்யப்பட்டுள்ளன.

சுகாதார அமைச்சினால் தற்போது வெளியிடப்பட்டுள்ள நியமனப் பட்டியல் மற்றும் அதற்காகப் பின்பற்றப்பட்ட நடைமுறைகள் சட்டவிரோதமானவை என மனுதாரர்கள் தரப்பில் வாதிடப்பட்டுள்ளது. இதற்கிடையில், இந்த நியமன நடைமுறைக்கு எதிர்ப்புத் தெரிவித்து அரச வைத்திய அதிகாரிகள் சங்கம் (GMOA) முன்னெடுத்துள்ள பணிப்புறக்கணிப்புப் போராட்டமும் வைத்தியசாலை சேவைகளைப் பாதித்துள்ளமை குறிப்பிடத்தக்கது.

மே 8 ஆம் திகதி வழங்கப்படவுள்ள நீதிமன்றத்தின் இந்த உத்தரவானது, பயிற்சி முடித்த நூற்றுக்கணக்கான புதிய வைத்தியர்களின் எதிர்கால நியமனங்களில் முக்கிய தாக்கத்தை ஏற்படுத்தும் என எதிர்பார்க்கப்படுகிறது. அதுவரை இந்த நியமன நடைமுறைகளில் எவ்வாறான மாற்றங்கள் ஏற்படும் என்பது குறித்து மருத்துவத் துறையினர் மத்தியில் பெரும் எதிர்பார்ப்பு நிலவுகிறது.