கடந்த ஆண்டு போலவே இந்த ஆண்டும் பத்தாம் வகுப்பு பன்னிரண்டாம் வகுப்பு தேர்வில் வெற்றி பெற்றதோடு முதல் மூன்று இடங்களை படித்த மாணவ மாணவிகளை கௌரவிக்க நிகழ்ச்சி மற்றும் ஊக்கத்தொகை வழங்கும் நிகழ்ச்சி ஜூன் மாதம் நடைபெற இருப்பதாக கூறப்படுகிறது.

ஜூன் மாதம் 4 வரை தேர்தல் நடத்தை விதிகள் அமலில் இருப்பதால் இதுவும் நான்காம் தேதிக்கு பிறகு இந்த நிகழ்ச்சியை நடத்த இருப்பதாகவும், ஜூன் 22ஆம் தேதி விஜய்யின் பிறந்தநாள் வர இருப்பதை எடுத்து அதற்கு முன்பே இந்த நிகழ்ச்சியை நடத்தி முடித்து விட வேண்டும் என்றும் விஜய் திட்டமிட்டுள்ளதாக செய்திகள் வெளியாகியுள்ளன.

அது மட்டும் இன்றி கடந்த ஆண்டு போல இந்த ஆண்டு எந்தவிதமான குழப்பமும் இருக்கக்கூடாது என்றும் முதல் மூன்று இடங்கள் பிடித்த சரியான மாணவ மாணவிகளை தேர்வு செய்ய வேண்டும் என்று விஜய் உத்தரவு பிறப்பித்துள்ளதாக தெரிகிறது.

மேலும் மொத்தம் 1500 மாணவ மாணவிகளுக்கு தலா 5000 ரூபாய் வீதம் ரொக்க பரிசு வழங்க இருப்பதாகவும் இதற்காக 75 லட்ச ரூபாய் ஒதுக்கப்பட்டு இருப்பதாகவும் இந்த நிகழ்ச்சி ஏற்பாட்டிற்கு 25 லட்சம் என மொத்தம் ஒரு கோடி ரூபாய் இந்த விழாவுக்கு பட்ஜெட் என்றும் கூறப்படுகிறது.

இன்றைய பத்தாம் வகுப்பு, பன்னிரண்டாம் வகுப்பு மாணவ மாணவிகள் தான் நாளைய வாக்காளர்கள் என்ற நிலையில் அவர்களுடைய வாக்குகளை கவர்வதற்காகவே விஜய் இந்த விழாவை நடத்தி வருவதாக கூறப்படுகிறது.

தமிழ் சினிமாவின் பிரபல நடிகரான விஜய் ‘கோட்’ பட ஷூட்டிங்கிற்காக கடந்த ஐந்து நாட்களாக கேரளாவில் தங்கி இருந்தார். இதன்போது தனது கேரளா ரசிகர்களின் அன்பு வெள்ளத்தில் மிதந்து வந்தார்.

14 ஆண்டுகளுக்கு பின் கேரளாவுக்கு சென்ற நடிகர் விஜய்யை வரவேற்கும் முகமாக, விமான நிலைய வாசலிலே பல்லாயிரக்கணக்கான ரசிகர்கள் யாரும் எதிர்பார்க்காத வகையில் வரவேற்று, விஜய்யின் கொடிகளை தாங்கி வாகன பவனியும் சென்று இருந்தார்கள்.

இவ்வாறு தனது ரசிகர்களின் கூட்டத்தில் சிக்கிய விஜய்யின் காரும் நொறுங்கிப் போனது. ஆனாலும் அதை பொருட்படுத்தமால் ரசிகர்களின் அன்புக்கு முக்கியத்துவம் கொடுத்தார்.

அது மட்டுமின்றி குழந்தைகளுடன் போட்டோ எடுப்பது, ரசிகர்களின் அன்பு மாலையை ஓடிச் சென்று வாங்கி போடுவது என மிகவும் துருதுருவென தனது ரசிகருடனும் நேரத்தை செலவிட்டு இருந்தார்.

இறுதியாக நடிகர் விஜய் கேரளாவில் இருந்து விடைபெறும் போது, அனைத்து மலையாளிகளுக்கு நன்றி தெரிவித்து எமோஷனலாக செல்ஃபி ஒன்றையும் எடுத்திருந்தார்.

இந்த நிலையில், கேரளாவில் நடிகர் விஜய்க்கு ரசிகர்கள் எவ்வாறு வரவேற்பு கொடுத்தார்களோ, அதே போல அவருக்கு எப்படி சோறு ஊட்டி விடுவார்கள் என சூர்யாவின் ரசிகர்கள் ட்ரோல் செய்து வீடியோவை வெளியிட்டுள்ளார்கள்.

குறித்த வீடியோவை திடீரென பார்க்கும்போது நடிகர் விஜய்யை போல தெரிகிறது. ஆனாலும் அவர் விஜய் இல்லை. ஆனாலும் விஜய் ரசிகர்களை வெறுப்பேற்ற வேண்டும் என்று அந்த வீடியோவை அதிகமானோர் ஷேர் செய்து வருகிறார்கள்.

மேலும், கன்னட நடிகர் துனியாவின் விஜய்யின் ஹேயர் ஸ்டைல் போல தான் இப்போ விஜயின் ஹேயர் ஸ்டைல் இருக்கு என சூர்யாவின் ரசிகர்கள் குறித்த வீடியோவை வைத்து கலாய்த்து வருகின்றமை குறிப்பிடத்தக்கது.

கேரளாவில் நடந்த த கோட் படத்தின் படப்பிடிப்பை முடித்து இன்று சென்னை திரும்பினார் நடிகர் விஜய். வெங்கட் பிரபு இயக்கத்தில் த கோட் படத்தின் படப்பிடிப்பு கேரளா திருவனந்தபுரத்தில் நடைபெற்றது. இந்த திரைப்படத்தின் முக்கிய காட்ச்சிகளை இந்த இடத்திலே 3 நாட்கள் சூட் செய்யப்பட்டுள்ளது. இந்த படப்பிடிப்பினை முடித்து நடிகர் விஜய் இன்று சென்னை திரும்பியுள்ளார். அவரை வரவேற்பதற்காக ஏராளமான ரசிகர்கள் விமானநிலையத்திற்கு வந்திருந்தனர்.

தமிழக வெற்றி கழகம் என்ற கட்ச்சியை தொடங்கிய நடிகர் விஜய் இன்னும் 2 படங்களில் நடித்த பிறகு முழு நேர அரசியலில் ஈடுபடவுள்ளார். விஜய் இதுவரையில் 150 கோடி ரூபாய் சம்பளம் வாங்கி வந்தநிலையில் தற்போது அவர் நடித்து வரும் த கோட் திரைப்படத்திற்கு 200 கோடி ரூபாய் சம்பளம் வாங்குவதாக கூறப்படுகிறது.

இந்நிலையில் நடிகர் விஜய் இனி நடிக்க இருக்கும் கடைசி திரைப்படத்தில் அவருக்கு 250 கோடி ரூபாய் சம்பளம் வழங்கவுள்ளதாக தகவல் கிடைத்துள்ளது. இந்த தகவல் உண்மையாகும் பட்சத்தில் இந்திய அளவில் அதிக சம்பளம் வாங்கும் நடிகர் என்ற பெருமை இவரையே சாரும் என்பது குறிப்பிடத்தக்கது.

நடிகர் விஜய் தற்போது தமிழக வெற்றி கழகம் என்ற அரசியல் கட்சியை தொடங்கிய நிலையில் இந்த கட்சியை அவர் தேசிய கட்சியாக மாற்ற முடிவு செய்திருப்பதாகவும் குறைந்த பட்சம் ஐந்து மாநிலங்களில் தனது கட்சியை வளர்க்க அவர் திட்டமிட்டுள்ளதாகவும் கூறப்படுகிறது.

ஒரே ஒரு மாநிலத்தில் மட்டும் கட்சியை நடத்தினால் அது ஒரு மாநில கட்சி என்ற முத்திரை குத்தப்பட்டு விடும் என்பதும் ஒரே சின்னம் பெறுவதில் சிக்கல் இருக்கும் என்பதால் குறைந்த பட்சம் நான்கு அல்லது ஐந்து மாநிலங்களில் அரசியல் செய்தால், தேர்தல் ஆணையம் தாங்கள் கேட்கும் சின்னம் தரும் என்ற முடிவில் விஜய் இருப்பதாக கூறப்படுகிறது.

ஒரே ஒரு மாநிலத்தில் மட்டும் அரசியல் செய்வதால் தான் சீமான் சின்னம் பறிபோனது என்றும் அந்த நிலைமை தனக்கு வந்து விடக்கூடாது என்பதற்காக விஜய் தேசிய கட்சியாக தனது கட்சியை மாற்ற திட்டமிட்டு வருவதாக கூறப்படுகிறது. ஏற்கனவே அவருக்கு தமிழ்நாடு, புதுச்சேரி, கேரளா ஆகிய மூன்று மாநிலங்களில் ஏராளமான ரசிகர்கள் இருக்கும் நிலையில் தெலுங்கானா மற்றும் ஆந்திராவிலும் விஜய்க்கு ஒரு குறிப்பிட்ட அளவு ரசிகர்கள் இருக்கிறார்கள் என்பதும் அதேபோல் கர்நாடக மாநிலத்திலும் அவருக்கு ரசிகர்கள் உண்டு என்பதும் குறிப்பிடத்தக்கது.

இதனை மனதில் வைத்து தான் விஜய் தனது அரசியல் கட்சியை தமிழ்நாடு மட்டும் இன்றி கேரளா, ஆந்திரா, கர்நாடகா, தெலுங்கானா ஆகிய மாநிலங்களிலும் புதுவை யூனியன் பிரதேசத்திலும் பரப்ப அவர் முயற்சி செய்வதாகவும் இதனை அடுத்து அவர் தேர்தல் ஆணையத்திடம் தேசிய கட்சியாக மாற்ற திட்டமிட்டுள்ளதாக கூறப்படுகிறது.

தமிழ் நாட்டின் தவிர்க்க முடியாத பிரபலங்களில் ஒருவராக மாறிய தளபதி விஜய் சமீபத்தில் அரசியலில் குதித்தது அனைவருக்கும் தெரிந்ததே.

தளபதி விஜய் தற்போது ’கோட்’ படத்தில் நடித்து வருகின்றார். அவர் இன்னும் இரண்டு படங்களோடு நான் சினிமாவில் இருந்து விலக போகிறேன் என்றும் .அதன் பின் முழுநேர அரசியலில் ஈடுபடப்போகிறேன் என்றும் அறிவித்திருந்தார். அது மட்டுமின்றி அவர் ஆரம்பித்த கட்சியின் பெயரையும் அறிவித்திருந்தார்.

சமீபத்தில் அவர் ஆரம்பித்த “தமிழக வெற்றி கழகம் ” என்ற கட்சியில் உறுப்பினராக சேருவதற்கான செயலியை விஜய் அறிமுகபடுத்திய உடன் ஒரே நேரத்தில் அதிகமானோர் அந்த செயலியை பயன்படுத்தியமையால் செயலி முற்றிலுமாக முடங்கியது. பின்பு இறுதியாக 50 லட்சத்துக்கும் அதிகமானோர் இணைந்துள்ளனர் என்பதும் தெரிவிக்கப்பட்டிருந்தது

இந்த நிலையில் யூடியூப் தளம் ஒன்றில் பேட்டி கொடுத்த மீசை ராஜேந்திரன் விஜய் அரசியலில் வெல்வது கடினம் என்றும் ,அவருக்கு இன்னும் வயசும் , அனுபவமும் தேவை என்றும் ,அவர் இளசுகளையும் , முதன்முறையாக வாக்களிக்க போகும் மாணவர்களையும் குறிவைத்துள்ளதாகவும் தெரிவித்திருந்தார்.

இது விஜய் ரசிகர்களை கொந்தளிப்பில் ஆழ்த்தி உள்ளது “இவர் லியோ திரைப்படம் வெற்றி அடைந்தால் நான் என் மீசையை எடுப்பேன் என்று பேட்டி ஒன்றில் சவால் விட்டிருந்ததும் குறிப்பிடத்தக்கது

தளபதி விஜய்க்கு கடந்த பல ஆண்டுகளாக ஜெகதீஷ் என்பவர் மேனேஜராக உள்ளார் என்பதும் சினிமாவில் விஜய் சம்பந்தப்பட்ட பணிகள் அனைத்துமே அவர்தான் கவனித்துக் கொள்கிறார் என்பதும் தெரிந்தது.

விஜய்யின் சம்பளம் முதல் கால்ஷீட் கொடுப்பது முதல் அனைத்து பணிகளையும் அவர் சரியாக செய்து கொண்டிருக்கும் நிலையில் திடீரென அவர் வேலையில் இருந்து நீக்கப்பட உள்ளதாக தகவல் கசிந்துள்ளது.

விஜய் இன்னும் ஒரே ஒரு படத்தில் மட்டும் நடித்து முடித்துவிட்டு திரையுலகில் இருந்து  விலகி அரசியலுக்கு செல்ல உள்ளதை எடுத்து ஜெகதீஷ்அரசியல் சம்பந்தப்பட்ட பணிகளை பார்ப்பார் என்று எதிர்பார்க்கப்பட்டது.

ஆனால் விஜய் மிகவும் தெளிவாக சினிமா என்பது வேறு அரசியல் என்பது வேறு, நீங்கள் என்னுடைய சினிமா பணிகளை இதுவரை பார்த்தது வரை ஓகே, அரசியல் சம்பந்தப்பட்ட பணிகளில் நீங்கள் எதையும் செய்ய வேண்டாம், எனவே ’தளபதி 69’ படம் முடிந்ததும் நீங்கள் வேலையில் இருந்து நின்று கொள்ளலாம் என ஜெகதீஷிடம் விஜய் சொல்லி விட்டதாக கூறப்படுகிறது.

கடந்த பல ஆண்டுகளாக விஜய்க்கு நெருக்கமாக இருந்த ஜெகதீஷை திடீரென விஜய் நீக்க போகிறார் என்ற தகவல் திரையுலகினர் மத்தியில் பரபரப்பை ஏற்படுத்தி உள்ளது. ஒருவேளை விஜய் மீண்டும் திரை உலகிற்கு வந்தால் அப்போது ஜெகதீஷை திரும்பவும் விஜய் அழைத்துக் கொள்வார் என்றும் அரசியலைப் பொருத்தவரை தனியாக ஒரு டீம் அமைக்க அவர் திட்டமிட்டதாகவும் சினிமாவையும் அரசியலையும் குழப்ப அவர் விரும்பவில்லை என்றும் கூறப்படுகிறது.

விஜய் எடுத்தது மிகவும் தெளிவான முடிவு என்றும் அவர் தொலைநோக்கு பார்வையுடன் சில முடிவுகளை எடுப்பதை பார்த்தால் கண்டிப்பாக அவர் அரசியலிலும் வெற்றி பெற வாய்ப்பு இருப்பதாகவும் அவரது வட்டாரங்கள் கூறி வருகின்றன.