பிரமாண்ட இயக்குனர் ஷங்கர் தற்போது இந்தியன் 2 படத்தை எடுத்து முடித்துள்ளார். இப்படம் நாளை வெளிவரவுள்ளது. இதனை தொடர்ந்து இந்தியன் 3 படமும் விரைவில் வெளிவரவுள்ளது.

மேலும் ஷங்கர் இயக்கத்தில் அடுத்ததாக ராம் சரணின் கேம் ஜேஞ்சர் திரைப்படம் உருவாகி வருகிறது. இப்படத்தின் படப்பிடிப்பு சமீபத்தில் தான் நிறைவந்தது என சொல்லப்படுகிறது.

சமீபத்தில் இந்தியன் 2 படத்தின் ப்ரோமோஷன் விழாவில் பங்கேற்ற இயக்குனர் ஷங்கரிடம், வேள்பாரி படம் குறித்து கேள்வி எழுப்பப்பட்டது. இதற்கு பதிலளித்த ஷங்கர் ” அந்தக் கதையை நிறைய பேர் என்னை படிக்க சொன்னாங்க. அந்த நேரத்துல எனக்கு நேரம் கிடைக்கவில்லை. கொரோனா வந்ததுக்கு பிறகு வீட்டுல சும்மா இருந்த நேரத்துல படிக்கலாம்னு ஆரம்பிச்சேன்”.

“படிக்க படிக்க என் மனசுல காட்சிகளா விரிந்தது . படிச்சு முடிச்சதுமே இதை எப்படியாவது படமா பண்ணணும்னு தோணுச்சு. உடனே அதை எழுதிய சு.வெங்கடேசன்கிட்ட பேசி, அதுக்கான ரைட்ஸ் வாங்கிவிட்டேன். வேள்பாரி 3 பாடங்களாக திரைக்கதை எழுதி முடிச்சுட்டேன். ரெடியா இருக்கு. யார் நடிக்கிறாங்க என்பதை முடிவு பண்ணல” என கூறியுள்ளார்.

இயக்குனர் ஷங்கர் மூத்த மகள் ஐஸ்வர்யா ஷங்கரின் இரண்டாம் திருமணம் பிரம்மாண்டமாக நடைபெற்று முடிந்தது. இந்த திருமணத்திற்கு இந்திய திரையுலகில் பல நட்சத்திரங்கள் கலந்துகொண்டனர்.

ரஜினிகாந்த், கமல் ஹாசன், அட்லீ, நயன்தாரா, ரன்வீர் சிங், காஜல் அகர்வால், லோகேஷ் கனகராஜ், சிரஞ்சீவி, மோகன்லால் என நட்சத்திர பட்டாளமே ஷங்கர் வீட்டு திருமணத்தில் தான் இருந்தார்கள்.

இதில் ஒருவர் மட்டும் சினிமா நட்சத்திரமாக இல்லாமல், ஷங்கர் வீட்டில் ஒருவராக திருமணம் வேலைகளை இழுத்துப்போட்டு செய்துள்ளார். அவர் வேறு யாருமில்லை, இயக்குனர் அட்லீ தான். தனது குரு ஷங்கரின் மகளின் திருமணம் என்பதால் கல்யாண வேலைகளை முன் வந்து செய்துள்ளார்.

அதிலும் குறிப்பாக திருமணத்திற்கு வந்தவர்களை சாப்பிட வைத்து அனுப்பிவைக்கும் வேலையை தனது கையில் எடுத்துக்கொண்ட அட்லீ, அதை கச்சிதமாக செய்து முடித்துள்ளாராம். எந்த திருமணத்திலும் சாப்பிடாத ரஜினிகாந்தையே சாப்பிடவைத்துள்ளார்.