முதல் முறையாக ஹெச். வினோத் – விஜய் கூட்டணி இப்படத்தில் இணைந்துள்ளது. மேலும் இதுவே விஜய்யின் கடைசி படமாகும்.

விஜய்யின் ஜனநாயகன் படத்தை முடித்த கையோடு, இயக்குநர் ஹெச் வினோத் ரஜினியுடன் இணைந்து பணிபுரியப்போவதாக தகவல் வெளியாகியுள்ளது. அதாவது, சமீபத்தில் ரஜினியை சந்தித்து கதை கூறியுள்ளாராம் ஹெச். வினோத்.

அந்த கதை ரஜினிக்கும், அவரது மகள் சௌந்தர்யாவிற்கு பிடித்துவிட்டதாம். ஆகையால் ஜெயிலர் 2 படத்திற்கு பின், கண்டிப்பாக ரஜினியின் படத்தை ஹெச் வினோத் இயக்க அதிக வாய்ப்புகள் உள்ளது என்கின்றனர்.

அதே போல் வீர தீர சூரன் பட இயக்குநர் அருண் குமாரும் சமீபத்தில் ரஜினிக்கு கதை கூறியுள்ளார் என தகவல் வெளியாகியுள்ளது. பொறுத்திருந்து பார்ப்போம் ரஜினியின் அடுத்த படத்தை இயக்கப்போவது யார் என்று.