உயிரிழந்தவர்களில் துப்பாக்கிச் சூட்டை நடத்திய சந்தேகநபரும் அடங்குவதாக முதற்கட்ட தகவல்கள் தெரிவிக்கின்றன. தாக்குதலை நடத்திய நபர் மற்றவர்களைச் சுட்ட பிறகு தன்னைத்தானே சுட்டுக்கொண்டாரா அல்லது பாதுகாப்புப் படையினரின் பதிலடித் தாக்குதலில் கொல்லப்பட்டாரா என்பது குறித்த மேலதிக விசாரணைகளை பொலிஸார் முன்னெடுத்து வருகின்றனர். உயிரிழந்தவர்களின் அடையாளங்களை உறுதிப்படுத்தும் பணிகள் தற்போது நடைபெற்று வருகின்றன.

இந்தக் கொடூரத் தாக்குதலுக்குக் குடும்பத் தகராறே முக்கியக் காரணம் என வெளிநாட்டு ஊடகங்கள் செய்தி வெளியிட்டுள்ளன. தனிப்பட்ட பகை அல்லது குடும்பத்திற்குள் நிலவிய மோதல் காரணமாகவே சந்தேகநபர் இந்தத் துப்பாக்கிச் சூட்டை நடத்தியுள்ளதாகத் தெரியவந்துள்ளது. பொது இடமான விளையாட்டு மைதானத்தில் இத்தகைய வன்முறை நிகழ்ந்துள்ளமை அமெரிக்காவில் துப்பாக்கிக் கலாசாரம் குறித்த விவாதங்களை மீண்டும் ஒருமுறை கிளப்பியுள்ளது.