அமெரிக்காவில் 11 வயது சிறுவன் ஒருவன், தூக்கத்தில் 160 கிலோ மீற்றர் தூரத்தை கடந்த நிகழ்வினை கின்னஸ் அமைப்பு பகிர்ந்துள்ளது.

தூக்கத்தில் நடப்பது என்பது அரிதான நோய் ஆகும். சிலருக்கு இந்த பாதிப்பு இருந்தால் சிறிது தூரம் தன்னை மறந்து நடந்து செல்வர் என்று கூறப்படுகிறது.

36 ஆண்டுகளுக்கு முன் அமெரிக்காவில் நடந்த அரிய நிகழ்வு ஒன்றை கின்னஸ் அமைப்பு தற்போது பகிர்ந்துள்ளது.

1987ஆம் ஆண்டு ஏப்ரல் 6ஆம் திகதி, இண்டியானா மாகாணம் பெருவைச் சேர்ந்த மைக்கேல் டிக்ஸன் என்கிற 11 வயது சிறுவன் தூக்கத்தில் நடந்து சென்றுள்ளார்.

ஆனால் அவர் 160 கிலோமீற்றர் தூரத்தை கடந்துள்ளார். காலில் காலணிகள் இல்லாமல் நடக்க துவங்கிய சிறுவன், வீட்டிற்கு அருகில் சரக்கு ரயிலில் ஏறி வெகு தொலைவிற்கு சென்றுள்ளார்.

ஒரு இடத்தில் இறங்கிய அவர் ரயில் தடத்தில் நடந்து சென்றுள்ளார். இது எதுவும் சிறுவனுக்கு நினைவில் இல்லை.

ரயில்வே ஊழியர்கள் சிறுவன் நடந்து வருவதை கண்ட பின்னர் பொலிஸாருக்கு தகவல் அளித்துள்ளனர்.

பின்னர் சிறுவனின் தாய் அவனை மீட்டுள்ளார். இதுகுறித்து மருத்துவர்கள் கூறுகையில், ‘இளம் வயதில் தூக்கத்தில் நடக்கின்ற வியாதி இருந்தாலும், குழந்தைகள் பெரியவர்கள் ஆனதும் அந்த வியாதி தாமாகவே மறைந்துவிடும்’ என தெரிவிக்கின்றனர்.

ஒரு சகோதரரின் தலையின் மீது மற்றொரு சகோதரர் தலைகீழாக தன்னை சமநிலைப்படுத்திக்கொள்ள இருவரும் சேர்ந்து 100 படிகளை ஏறிக்கடந்து சாதனைபடைத்துள்ளனர்.

53 வினாடிகளில் 100 படிக்கட்டுகளில் ஏறி அனைவரையும் ஆச்சரியத்தில் ஆழ்த்தினார்.

கடந்த 23 ஆம் திகதி ஸ்பெயினில் இவர்கள் தங்கள் கின்னஸ் சாதனையை நிகழ்த்தியுள்ளனர். 15 ஆண்டுகளாக இந்த சாதனைக்காக தாம் ஒத்திகை பார்த்து வந்ததாக சாதனை சகோதரர்கள் தெரிவித்துள்ளனர்.

#WorldNews

ரஷிய இசைக் குழுவின் சாதனையை முறியடிக்க வெனிசூலாவில் இசைக் கலைஞா்கள் நடாத்திய இசைக் கச்சேரி, உலக கின்னஸ் சாதனைப் புத்தகத்தில் இடம் பெற்றுள்ளதாக சர்வதேச செய்திகள் தெரிவிக்கின்றன.

‘எல் சிஸ்டெமா’ என்ற இசைக் குழுவே இச் சாதனையை புரிந்துள்ளது.

12 வயது முதல் 77 வயதுள்ளவர்கள் இதில் பங்குப்பற்றியதாக தெரிவிக்கப்பட்டுள்ளது.

மேலும் அவர்களால் சாய்கோவ்ஸ்கியின் ‘ஸ்லாவோனிக் மாா்ச்’ என்ற பாடலுக்கு இசையமைத்து ஐந்து நிமிடங்களுக்கும் மேலாக பாடியுள்ளார்கள்.

அத்தோடு இச் சாதனையை முன்பு ரஷிய இசைக் குழு ஒன்று பெற்றிருந்தமை குறிப்பிடத்தக்கது.

#World

அமெரிக்காவைச் சேர்ந்த லெக்சி அல்போர்ட் (23) என்பவரே இச் சாதனையைப் படைத்துள்ளார்.

லெக்சி அல்போர்ட் 196 நாடுகளுக்கு பயணம் செய்ததன் மூலம் இளம் வயதில் உலகின் அனைத்து நாடுகளுக்கும் பயணம் செய்தவர் என்ற கின்னஸ் சாதனையைப் படைத்துள்ளார்.

24 வயதில் ஜேம்ஸ் அஸ்க்வித் 2013 ஆம் ஆண்டில் நிகழ்த்திய கின்னஸ் உலக சாதனையை, 2021 ஆம் ஆண்டில் லெக்சி முறியடித்துள்ளார் என்பது குறிப்பிடத்தக்கது.