தம்புள்ளை நகரில் உள்ள சில்லறை விற்பனை நிலையங்களில் இவ்வாறு பச்சை மிளகாய் ஒன்று என்ற அளவில் விற்பனை செய்யப்பட்டு வருவதாக செய்திகள் வெளியாகியுள்ளன.

இதேவேளை, தம்புள்ளை பொருளாதார மத்திய நிலையத்தின் நேற்றைய(29) நிலவரப்படி, பச்சை மிளகாய் ஒரு கிலோ கிராமின் மொத்த விலை 1,300 ரூபா முதல் 1,500 ரூபா வரை விற்பனை செய்யப்பட்டுள்ளது.

இதேவேளை, சந்தைகளில் பச்சை மிளகாய் ஒரு கிலோ கிராமின் விலை 1,800 ரூபா முதல் அதிகரித்து 2,000 ரூபாவை அண்மித்துள்ளதாக தெரிவிக்கப்படுகின்றது.

குறிப்பாக, இது பண்டிகைக் காலம் என்பதால் சந்தைகளில் பொருட்கள் கொள்வனவில் பொதுமக்கள் தீவிரமாக ஈடுபட்டு வருகின்றனர்.

எனினும், நாட்டில் தற்போதைய பொருளாதார நெருக்கடியின் விளைவாக மரக்கறி முதற்கொண்டு அத்தியாவசிய உணவுப் பொருட்கள் வரை அனைத்தின் விலைகளும் மிக வேகமாக அதிகரித்துள்ள நிலையில் நுகர்வோர் கடும் சிக்கலை எதிர்கொண்டுள்ளமை குறிப்பிடத்தக்கது.

காய்கறி சந்தையில் ஒரு கிலோ பச்சை மிளகாயின் சில்லறை விலை ஆயிரம் ரூபாவாக அதிகரித்துள்ளதாக பொருளாதார மத்திய நிலையத் தகவல்கள் தெரிவிக்கின்றன.

ஒரு கிலோ கிராம் பச்சை மிளகாயின் மொத்த விலையும் 800 முதல் 900 ரூபா வரை அதிகரித்துள்ளதாக தெரிவிக்கப்பட்டுள்ளது.

சந்தைக்கு வரும் பச்சை மிளகாயின் அளவு பெருமளவில் குறைந்துள்ளமையால் விலை உயர்ந்துள்ளதாக வியாபாரிகள் தெரிவிக்கின்றனர்.

கடந்த வாரங்களில் 350 முதல் 500 ரூபா வரையில் விற்பனை செய்யப்பட்ட ஒரு கிலோ பச்சை மிளகாய், தற்போது ஆயிரம் ரூபாவாக அதிகரித்துள்ளது.

இதேவேளை எதிர்வரும் நாட்களில் பச்சை மிளகாயின் விலை மேலும் அதிகரிக்கும் என வியாபாரிகள் தெரிவித்துள்ளனர்.