இன்று (29) அதிகாலை வர்த்தக நேரத்தின் போது ஒரு அவுன்ஸ் தங்கத்தின் விலை 5,588 அமெரிக்க டொலர்களாகப் பதிவாகியுள்ளது.

திடீர் மாற்றம்: நேற்று (28) 5,164 டொலர்களாக இருந்த விலை, சில மணிநேரங்களிலேயே சுமார் 400 டொலர்களுக்கு மேல் உயர்ந்து முதலீட்டாளர்களை ஆச்சரியத்தில் ஆழ்த்தியுள்ளது.

சர்வதேச சந்தையில் தங்கம் விலை இந்தளவு குறுகிய காலத்தில் உச்சமடைய மூன்று முக்கிய காரணங்கள் சுட்டிக்காட்டப்படுகின்றன. சர்வதேச நாணய சந்தையில் அமெரிக்க டொலரின் மதிப்பு நான்கு வருடங்களில் இல்லாத அளவுக்குக் வீழ்ச்சியடைந்துள்ளமை.

குறிப்பாக அமெரிக்கா மற்றும் ஈரான் நாடுகளுக்கு இடையிலான போர் மேகங்கள் மற்றும் மத்திய கிழக்கு பிராந்தியத்தில் நிலவும் அமைதியற்ற சூழல் காரணமாக முதலீட்டாளர்கள் தங்கத்தின் மீது அதிக முதலீடு செய்தமை.

சீனா உள்ளிட்ட பல நாடுகளின் மத்திய வங்கிகள் தமது கையிருப்பிற்காகத் தொடர்ச்சியாகப் பெருமளவிலான தங்கத்தைக் கொள்வனவு செய்து வருகின்றமை.

தற்போதைய போக்கின்படி, வரும் மாதங்களில் ஒரு அவுன்ஸ் தங்கத்தின் விலை 6,000 டொலர்களை நோக்கி நகர வாய்ப்புள்ளதாகப் பொருளாதார நிபுணர்கள் கணித்துள்ளனர். இதேவேளை, சர்வதேச சந்தையில் வெள்ளி விலையும் இன்று புதிய உச்சத்தைத் தொட்டுள்ளமை குறிப்பிடத்தக்கது.

சர்வதேச சந்தையில் ஏற்பட்டுள்ள இந்தத் திடீர் மாற்றத்தினால் இலங்கை உள்ளிட்ட ஆசிய நாடுகளின் உள்ூர் சந்தைகளிலும் தங்கத்தின் விலை வரும் நாட்களில் மேலும் அதிகரிக்கக் கூடும் என எதிர்பார்க்கப்படுகிறது.

இன்று ஒரு அவுன்ஸ் தங்கத்தின் விலை 4,955.74 அமெரிக்க டொலராகப் பதிவாகியுள்ளது. இது தங்கத்தின் வரலாற்றில் பதிவான அதிகூடிய விலையாகக் கருதப்படுகிறது.

முன்னணி முதலீட்டு வங்கியான கோல்ட்மேன் சாக்ஸ் (Goldman Sachs) வெளியிட்டுள்ள சமீபத்திய அறிக்கையில், இந்த விலை உயர்வு இத்துடன் நிற்காது எனவும், 2026 ஆம் ஆண்டு இறுதிக்குள் ஒரு அவுன்ஸ் தங்கம் 5,400 அமெரிக்க டொலர் வரை உயர வாய்ப்புள்ளதாகவும் கணித்துள்ளது.

சர்வதேச சந்தையில் ஏற்பட்டுள்ள இந்த அதிரடி விலை உயர்வு காரணமாக, இலங்கை உள்நாட்டு சந்தையிலும் தங்கத்தின் விலையில் இன்று மிகப்பெரிய மாற்றங்கள் ஏற்படக்கூடும் என எதிர்பார்க்கப்படுகிறது.

24 கரட் மற்றும் 22 கரட் தங்கத்தின் விலைகள் இன்று பல ஆயிரம் ரூபாய்களால் அதிகரிக்க வாய்ப்புள்ளதாகச் சந்தை வட்டாரங்கள் தெரிவிக்கின்றன.

உலகளாவிய ரீதியில் நிலவும் பொருளாதார நிச்சயமற்ற தன்மை மற்றும் முதலீட்டாளர்கள் பாதுகாப்பான முதலீடாகத் தங்கத்தைத் தேர்ந்தெடுப்பதே இந்த விலை ஏற்றத்திற்கு முக்கியக் காரணமாகப் பார்க்கப்படுகிறது.

சர்வதேச சந்தையில் தங்கம் விலை $5,000-ஐ நெருங்கி வருவதால், நகை வியாபாரிகள் மற்றும் முதலீட்டாளர்கள் மத்தியில் ஒருவித பதற்றமான சூழல் நிலவி வருகின்றது.