மனுதாரரான தம்சித் ஜயரத்ன, கொழும்பு ரோயல் கல்லூரியில் மாணவராக இருந்தபோது, அவரது தந்தை க்ரூப் கெப்டன் சரோஜ் ஜயரத்ன ரஷ்யாவுக்கான இலங்கை தூதரகத்தில் பாதுகாப்பு ஆலோசகராக கடந்த 2023 ஆம் ஆண்டு ஜூலையில் நியமிக்கப்பட்டதையடுத்து, குடும்பத்துடன் அவரும் மொஸ்கோ சென்றார்.

மொஸ்கோவில் உள்ள இந்தியப் பாடசாலையில் கல்வி பயின்ற தம்சித் ஜயரத்ன, அங்கு உயர்தரப் பரீட்சைக்கு இணையான தகுதியைப் பூர்த்தி செய்து 4 ‘A’ தரங்களைப் பெற்றார்.

வெளிநாடுகளில் தொடர்ச்சியாக மூன்று ஆண்டுகள் கல்வி பயிலும் மாணவர்கள், வெளிநாட்டு உயர்தரத் தகுதிக்கு இணையான தகுதியுடன் கட்டணம் செலுத்தி இலங்கை பல்கலைக்கழகங்களில் சேர பல்கலைக்கழக மானியங்கள் ஆணைக்குழு அனுமதிக்கிறது.

இந்தநிலையில், தூதரக சேவையில் உள்ளவர்களின் பிள்ளைகள், இரண்டு ஆண்டுகளுக்குள் சேவை அவசியம் காரணமாக இலங்கைக்குத் திரும்ப அழைக்கப்பட்டாலும், இந்த வகையின் கீழ் பல்கலைக்கழகத்தில் நுழைய பல்கலைக்கழக மானியங்கள் ஆணைக்குழு விதிவிலக்கு அளித்துள்ளதாக மனுவில் குறிப்பிடப்பட்டுள்ளது.

எனினும், மனுதாரரின் தந்தையின் ஆரம்ப நியமனம் இரண்டு ஆண்டுகளுக்கானது என்பதாலும், அந்தக் காலப்பகுதியில் அவர் திரும்ப அழைக்கப்படாததாலும், உயர் தரத்துக்கு இணையான பரீட்சையை அவர் அங்கு நிறைவு செய்ததாலும், தூதரக ஊழியர்களின் பிள்ளைகளுக்கு அனுமதிக்கப்பட்ட திட்டத்தின் கீழ் விண்ணப்பம் நிராகரிக்கப்பட்டதாக மனுதாரர் கூறியுள்ளார்.

‘இரண்டு வருட விதிவிலக்கு’ என்பது, தூதரகப் பணியாளர் திடீரென திருப்பி அழைக்கப்பட்டால் மட்டுமே பொருந்தும் என்றும் தம்சித்தின் தந்தை திருப்பி அழைக்கப்படாததால், அவர் சாதாரண ‘மூன்று ஆண்டுகள்’ திட்டத்தின் கீழ் வருவார் எனவும், இவர் மூன்று ஆண்டுகள் வெளிநாட்டில் கற்கவில்லை என்றும் மனுவில் சுட்டிக்காட்டப்பட்டுள்ளது.

இந்தக் காரணத்தைக் காட்டி, தூதரக ஊழியர்களின் பிள்ளைகளுக்குரிய திட்டத்தின் கீழ் தம்சித்தின் விண்ணப்பத்தை ஆணைக்குழு நிராகரித்துவிட்டது.

இந்தநிலையில், கடந்த நவம்பர் 28 ஆம் திகதியன்று விசாரணைக்கு எடுத்துக்கொள்ளப்படவிருந்த வழக்கு, பொது விடுமுறை காரணமாக அன்றைய தினம் எடுத்துக்கொள்ளப்படவில்லை. பின்னர், அது கடந்த டிசம்பர் 10 ஆம் திகதியன்று விசாரிக்கப்பட்டு, அடுத்த ஆண்டு ஜனவரி 12 ஆம் திகதிக்கு முன்னுரிமை அடிப்படையில் விசாரணைக்காக ஒத்திவைக்கப்பட்டது.

இலங்கை ரயில் சேவையின் ரயில் நிலைய அதிபர் (Station Master) பதவிகளுக்குப் பெண்கள் விண்ணப்பிப்பதைத் தடுத்து வெளியிடப்பட்டிருந்த வர்த்தமானி அறிவித்தலைச் சவாலுக்கு உட்படுத்தி, இரண்டு பெண்களால் தாக்கல் செய்யப்பட்ட அடிப்படை உரிமை மனு ஒன்று இன்று உயர் நீதிமன்றத்தில் விசாரணைக்கு எடுத்துக்கொள்ளப்பட்டது.

அப்போது சட்டமா அதிபர் சார்பில் ஆஜரான அரச சட்டத்தரணி இந்தக் கொள்கை மாற்றத்தை உயர் நீதிமன்றத்திற்குத் தெரியப்படுத்தினார்.

அமைச்சரவையின் இந்த அனுமதி மூலம், இலங்கை ரயில்வேயில் பெண்களுக்கான பணி வாய்ப்புகள் அனைத்துத் துறைகளிலும் விரிவுபடுத்தப்படுகின்றன.

இதன் அடிப்படையில், மனுவில் பிரதிவாதிகளாகக் குறிப்பிடப்பட்டிருந்த முன்னாள் ஜனாதிபதி கோட்டாபய ராஜபக்ச உட்பட ஆறு முக்கிய அதிகாரிகள் உடனடியாகத் தங்கள் நிரந்தர வதிவிட முகவரிகளைச் சரியான முறையில் சமர்ப்பிக்க வேண்டும் என உயர்நீதிமன்றம் உத்தரவு பிறப்பித்துள்ளது.

உயர்நீதிமன்ற நீதியரசர்களான ஜனக் டி சில்வா, சோஹித ராஜகருணா மற்றும் மேந்தா விஜேசுந்தர ஆகியோர் அடங்கிய அமர்வு முன்னிலையில் இந்த உத்தரவு பிறப்பிக்கப்பட்டுள்ளது.

முகவரிகளைச் சமர்ப்பிக்க உத்தரவு பிறப்பிக்கப்பட்ட முன்னாள் அதிகாரிகள் பின்வருமாறு:
கோட்டாபய ராஜபக்ச – முன்னாள் ஜனாதிபதி
ஜெனரல் கமல் குணரத்ன – முன்னாள் பாதுகாப்பு செயலாளர்
சி.டி. விக்ரமரத்ன – முன்னாள் காவல்துறை மா அதிபர்
நிஷாந்த உலுகேதென்ன – முன்னாள் கடற்படை தளபதி
பிரசன்ன ரணதுங்க – முன்னாள் பொது பாதுகாப்பு அமைச்சர்
டிரான் அலஸ் – முன்னாள் பாதுகாப்பு அமைச்சர்

2022ஆம் ஆண்டு மே மாதம் 9ஆம் திகதி நாடளாவிய ரீதியில் இடம்பெற்ற வன்முறைச் சம்பவங்களின் போது, தமது வீடுகள் தீக்கிரையானதால் ஏற்பட்ட சேதங்களுக்காகச் முன்னாள் அமைச்சர்கள் மற்றும் நாடாளுமன்ற உறுப்பினர்கள் சட்டத்திற்குப் புறம்பாக நஷ்டஈடு பெற்றுக்கொண்டுள்ளதாகக் குற்றஞ்சாட்டப்பட்டுள்ளது.

சுற்றுச்சூழல் சட்டத்தரணியான கலாநிதி ரவீந்திரநாத் தாபரேவினால் இந்த அடிப்படை உரிமை மனு தாக்கல் செய்யப்பட்டுள்ளது.

குறித்த மனுவை எதிர்வரும் ஜனவரி மாதம் 28ஆம் திகதி விசாரணைக்கு எடுத்துக்கொள்ளுமாறு உயர் நீதிமன்றம் இன்று (நவ 13) உத்தரவிட்டுள்ளது.

குற்றவியல் நடைமுறைச் சட்டத்தின் கீழ் சந்தேக நபர்களுக்கு எதிராக விரைவில் குற்றப்பத்திரிகை தாக்கல் செய்யப்படும் என்று எதிர்பார்க்கப்படுவதாகச் சட்டமா அதிபர் சார்பில் ஆஜரான மூத்த அரச சட்டத்தரணி சஜித் பண்டார நேற்று (நவ 4) நீதிமன்றத்தில் தெரிவித்தார்.

சம்பவம் நடந்த இடத்தில் மிக உயர்ந்த பதவியில் இருந்த அப்போதைய பிரதிப் பொலிஸ் மா அதிபர் (DIG) தேசபந்து தென்னகோன் மீது குற்றச்சாட்டுகளைப் பதிவு செய்ய நடவடிக்கை எடுக்கப்பட்டு வருவதாகவும் அரச சட்டத்தரணி பண்டார மேலும் தெரிவித்தார்.

மே 9, 2022 அன்று நடந்த தாக்குதலைத் தடுக்கச் சட்டத்தை அமலாக்கத் தவறியது தமது அடிப்படை மனித உரிமைகளை மீறுவதாகக் குற்றம் சாட்டி, போராட்டக்காரர்கள் குழு தாக்கல் செய்த ஐந்து அடிப்படை உரிமைகள் மனுக்களின் விசாரணையின் போது இந்தத் தகவல் பகிரப்பட்டது.

இந்த மனுக்கள் செவ்வாய்க்கிழமை பிரதம நீதவான் பிரீத்தி பத்மன் சூரசேன, நீதிபதிகள் ஷிரான் குணரத்ன மற்றும் அச்சல வெங்கப்புலி ஆகியோர் அடங்கிய மூன்று நீதிபதிகள் கொண்ட அமர்வு முன் விசாரிக்கப்பட்டன.

சம்பவம் நடந்த நேரத்தில் பொலிஸாரின் செயலற்ற தன்மை வன்முறையை அதிகரிக்கப் பங்களித்ததாக மனுதாரர்களின் சட்டத்தரணி வாதிட்டார்.

சம்பவ இடத்தில் கணிசமான எண்ணிக்கையிலான பொலிஸ் அதிகாரிகளும் நீர் பீரங்கி வாகனங்களும் இருந்ததாகவும், ஆனால் அவை திறம்பட நிறுத்தப்படவில்லை என்றும் சட்டத்தரணி பண்டார பதிலளித்தார்.

முன்னாள் DIG தேசபந்து தென்னகோன் சார்பில் ஆஜரான சட்டத்தரணி சஞ்சீவ வீரவிக்ரம, குற்றவியல் நடவடிக்கைகள் தயாரிக்கப்படும்போது மனுக்கள் விசாரிக்கப்படுவதை ஆட்சேபித்தார்.

முன்னாள் பிரதமர் மஹிந்த ராஜபக்ஷ மற்றும் நாமல் ராஜபக்ஷ ஆகியோருக்கு எதிராகக் குற்றவியல் குற்றச்சாட்டுகள் பதிவு செய்யப்படாததால், அவர்களுக்கு எதிரான மனுக்களைத் தொடர வேண்டாம் என்றும் மனுதாரர் தரப்பினர் ஒப்புக்கொண்டனர்.

சமர்ப்பிப்புகளைத் தொடர்ந்து, உயர் நீதிமன்றம் மனுக்கள் மீதான தனது தீர்ப்பை ஒத்திவைத்தது.

இந்த விசாரணையை முன்னிட்டு, பிள்ளையானின் சட்டத்தரணியும் முன்னாள் அமைச்சருமான உதய கம்மன்பில இன்று குற்றப் புலனாய்வுத் திணைக்களத்திற்குச் (CID) சென்று பிள்ளையானைச் சந்தித்துக் கலந்துரையாடினார்.

அரசாங்கம், பிள்ளையான் உயிர்த்த ஞாயிறு தாக்குதல் தொடர்பில் தடுத்து வைக்கப்பட்டுள்ளதாகத் தெரிவித்து வரும் நிலையில், பிள்ளையானுக்கு எதிராக வழக்கு தாக்கல் செய்யப்பட்டுள்ளதற்கான காரணம் கிழக்கின் பேராசிரியர் ஒருவர் காணாமல் ஆக்கப்பட்டமை தொடர்பில்தான் என்று உதய கம்மன்பில தெரிவித்துள்ளார்.

தடுப்புக் காவல் உத்தரவின் அடிப்படையில் பிள்ளையான் இதுவரை சுமார் ஏழரை மாதங்கள் தடுத்து வைக்கப்பட்டுள்ளார் என்றும் அவர் குறிப்பிட்டுள்ளார்.

தாம் கைது செய்யப்பட்டுத் தடுத்து வைக்கப்பட்டுள்ளமையில் எவ்வித அடிப்படையும் இல்லை எனவும், இதன் மூலம் தனது உரிமை மீறப்பட்டுள்ளது எனவும் அறிவித்து உத்தரவிடுமாறு கோரி பிள்ளையான் தாக்கல் செய்த எழுத்தாணை மனுவே நாளை உயர் நீதிமன்றில் எடுத்துக் கொள்ளப்படவுள்ளது.

மத்திய வங்கி ஆளுநர் அஜித் நிவாட் கப்ராலுக்கு எதிராக அடிப்படை உரிமை மனு தாக்கல் செய்யப்பட்டுள்ளது.

புதிதாக தெரிவுசெய்யப்பட்ட மத்திய வங்கி ஆளுநரான அஜித் நிவாட் கப்ராலுக்கு எதிராக ஐக்கிய மக்கள் சக்தியின் நாடாளுமன்ற உறுப்பினர் மனுஷ நாணயக்காரவால் இம் மனு தாக்கல் செய்யப்பட்டுள்ளது

மத்திய வங்கி ஆளுநர் பதவிக்கு அவரை நியமித்ததை சவாலுக்கு உட்படுத்தியும், அவரை அப் பதவியிலிருந்து உடனடியாக நீக்கக்கோரியும் இம் மனு தாக்கல் செய்யப்பட்டுள்ளது.