ஆரம்பத்தில், மனிதக் கருவின் பாகங்கள் எனச் சந்தேகிக்கப்பட்ட பகுதிகளாக அவற்றைக் கண்ட விடுதியின் துணை விடுதி கண்காணிப்பாளர், அவற்றைப் புதைக்க நடவடிக்கை எடுத்திருந்தார்.

பின்னர், அவர் இது குறித்துத் துணை வேந்தர் பேராசிரியர் டெரன்ஸ் மதுஜித்க்குத் தெரிவித்தார். மனிதக் கருவின் பாகங்களைப் பொலிஸாருக்குத் தெரிவிக்காமல் புதைக்க முடியாது என்று கூறிய துணை வேந்தர், உடனடியாகக் காவல்துறையில் முறைப்பாடு செய்யுமாறு அறிவுறுத்தினார்.

துணை வேந்தரின் அறிவுறுத்தலின் பேரில், துணை கண்காணிப்பாளர் மற்றும் பாதுகாப்புப் பிரிவினால் பேராதனை காவல்துறையில் செய்யப்பட்ட புகாரைத் தொடர்ந்து விசாரணை தொடங்கப்பட்டுள்ளது.

சட்ட நகாவல்துறையினர் சம்பவ இடத்துக்கு வந்து விசாரித்து, கண்டி நீதவான் நீதிமன்றத்தில் தகவல்களைச் சமர்ப்பித்தனர். நீதிமன்ற உத்தரவின் பேரில் புதைக்கப்பட்ட அந்தப் பாகங்கள் தோண்டி எடுக்கப்பட்டன.

பரிசோதனை: தோண்டி எடுக்கப்பட்ட பாகங்கள் பேராதனை பல்கலைக்கழகத்தின் சட்ட வைத்தியப் பிரிவுக்குப் பரிசோதனைக்காக அனுப்பப்பட்டன. அந்த விசாரணையில், கண்டுபிடிக்கப்பட்ட பாகம் ஒரு நஞ்சுக்கொடியின் பகுதி என்று உறுதி செய்யப்பட்டுள்ளது.

இந்த நஞ்சுக்கொடியின் பகுதி விடுதியின் குளியலறைக்குள் எப்படி வந்தது என்பது இதுவரை கண்டுபிடிக்கப்படவில்லை. சம்பவம் தொடர்பாகக் காவல்துறையினர் துணை கண்காணிப்பாளர் உட்படச் சிலரிடம் வாக்குமூலங்களைப் பதிவு செய்துள்ளனர்.

மருத்துவம், விஞ்ஞானம், கால்நடை மருத்துவம் உள்ளிட்ட பீடங்களின் இறுதி ஆண்டு மாணவிகள் உட்படச் சுமார் 1200 மாணவிகள் இந்த விடுதியில் தங்கியுள்ளதாகப் பல்கலைக்கழக நிர்வாகம் தெரிவித்துள்ளது.