இந்தத் தீர்மானத்தின்படி, பாதிக்கப்பட்ட வெளிநாட்டுப் பயணிகளுக்கு 14 நாட்களுக்குக் கட்டணமில்லாத விசா நீடிப்பு வழங்கப்படும். விமானப் பயணங்கள் மீண்டும் வழமைக்குத் திரும்ப தாமதமாகும் பட்சத்தில், மேலும் 14 நாட்களுக்குக் கட்டணமின்றி விசா காலத்தை நீடிப்பதற்கான அனுமதியும் வழங்கப்பட்டுள்ளது. பொதுமக்கள் பாதுகாப்பு மற்றும் பாராளுமன்ற விவகாரங்கள் அமைச்சர் சமர்ப்பித்த இந்த யோசனைக்கு, அமைச்சரவை முழுமையான ஒப்புதல் அளித்துள்ளது.

இலங்கைக்கு வருகை தந்த வெளிநாட்டுப் பயணிகள், தங்களின் பயணத் திட்டங்களை மீளவும் ஒழுங்குபடுத்தும் வரை, அவர்களை இலங்கையில் எவ்விதச் சட்டச் சிக்கல்களும் இன்றித் தங்க வைப்பதே அரசாங்கத்தின் இந்த முடிவின் பிரதான நோக்கமாகும். சுமார் 10,000-க்கும் மேற்பட்ட வெளிநாட்டுப் பயணிகள் தற்போது இலங்கையில் தங்கியுள்ளதாக மதிப்பிடப்பட்டுள்ள நிலையில், இவர்களுக்கான அவசர கால உதவிகளை வழங்கத் சுற்றுலாத்துறை மற்றும் குடிவரவுத் திணைக்களம் ஒருங்கிணைந்த நடவடிக்கைகளை முன்னெடுத்து வருகின்றன.

பாதிக்கப்பட்ட பயணிகள் இது குறித்த மேலதிக விபரங்களைப் பெற்றுக்கொள்ளவும், விசா நீடிப்புக்கான நடைமுறைகளைப் பூர்த்தி செய்யவும் குடிவரவுத் திணைக்களத்தின் அதிகாரிகளை நாட முடியும். இந்த இக்கட்டான சூழலில், பயணிகளின் பாதுகாப்பு மற்றும் நலனை உறுதிப்படுத்துவதில் இலங்கை அரசாங்கம் முன்னுரிமை அளித்துச் செயற்பட்டு வருவதாகவும், விமானச் சேவைகள் வழமைக்குத் திரும்பும் வரை இந்த விசா சலுகைகள் நடைமுறையில் இருக்கும் என்றும் அறிவிக்கப்பட்டுள்ளது.

காலை, மாலை எனப் பகல் முழுவதும் பனிமூட்டம் காணப்படுகிறது. குறிப்பாக மாலை நேரத்தில் பனிமூட்டம் அதிகமாகி, போதிய வெளிச்சமின்மையால் வாகனப் போக்குவரத்துக்கு இடையூறாக அமைந்துள்ளது.

கடும் பனிமூட்டம் மற்றும் போதிய வெளிச்சமின்மை காரணமாக, புதுடெல்லியில் இன்று மட்டும் சுமார் 100 விமானங்கள் ரத்து செய்யப்பட்டுள்ளன.

மேலும், 300 விமானங்களின் புறப்படும் நேரம் மாற்றப்பட்டுள்ளது. இதனால் பயணிகளும் பொதுமக்களும் கடும் அவதிக்குள்ளாகியுள்ளனர். விமானச் சேவைகளைப் போலவே, ரயில் போக்குவரத்தும் பாதிக்கப்பட்டுள்ளது. கடும் பனிமூட்டத்தால் பல ரயில்கள் காலதாமதமாகவே புறப்பட்டதாகத் தகவல்கள் தெரிவிக்கின்றன.

வாகனங்களை ஓட்டுபவர்களும் பொதுமக்களும் இந்தப் பனிமூட்டம் காரணமாகப் பெரும் அவதிக்குள்ளாகி வருகின்றனர்.

இதன் விளைவாக, ஆறு முக்கிய விமான நிலையங்களில் சரியான நேரத்தில் இயங்கும் செயல்திறன் (On-Time Performance) 8.5% ஆகக் குறைந்துள்ளது.

சிவில் விமானப் போக்குவரத்து இயக்குநரகம் (DGCA) விதித்த புதிய விமானப் பணிக் கால வரம்பு (FDTL) விதிமுறைகளை முறையாக அமல்படுத்தத் தவறியமையே இந்த நிலைமைக்கு முக்கிய காரணம் எனத் தெரிவிக்கப்படுகிறது.

தேவையான விமானப் பணியாளர்களை அமர்த்துவதில் ஏற்பட்ட சிக்கல் மற்றும் விமானப் போக்குவரத்து அட்டவணைகளில் ஏற்பட்ட மாற்றங்கள் அந்த விமான நிறுவனத்தின் செயல்பாடுகளைப் பாதித்துள்ளன.

இந்த விவகாரம் தொடர்பில் அந்நாட்டு நாடாளுமன்றத்திலும் விவாதிக்கப்பட்டது.

குறிப்பிடத்தக்க வகையில், விமான நிலையச் செயல்பாடுகள் முழுமையாக இயல்பு நிலைக்குத் திரும்பி, நிலையான கால அட்டவணைக்குத் திரும்ப, அடுத்த வருடம் பிப்ரவரி 10ஆம் திகதி வரை ஆகலாம் என்று இண்டிகோ, அதிகாரிகளுக்குத் தெரிவித்துள்ளது.