தொலைதூர வேலை (Remote Working) செய்வதன் மூலம் உலகம் முழுவதும் பயணிக்க முடியும் நிலையில், குறைந்த செலவிலான மற்றும் வசதியான இடத்தை தேர்வு செய்வது சவாலாக மாறியுள்ளது.

ஐரோப்பாவில் பல நாடுகள் டிஜிட்டல் நோமாட் (Digital Nomad) விசா வழங்கினாலும், அவற்றின் செலவு அதிகரித்து வருகிறது.

குறிப்பாக, போர்ச்சுகல், எஸ்டோனியா, கிரோஷியா போன்ற நாடுகளில் விசா பெறுவது மிகவும் கடினமாகியுள்ளது.

ஆனால், “ஆயிரம் ஏரிகள் கொண்ட நாடு” என்று அழைக்கப்படும் பின்லாந்து இதற்கு வித்தியாசமாக, குறைந்த வருவாய் தேவையுடன் விசா வழங்குகிறது.

€1,220 மாத வருமானம் இருந்தால், சுயதொழில் (Self-employment) விசா மூலம் பின்லாந்தில் வேலை செய்யலாம்.

இந்த விசா 6 மாதங்கள் வரை செல்லுபடியாகும், மேலும் ஒரு ஆண்டுக்கு புதுப்பிக்க வாய்ப்பு உள்ளது.

இதன் மூலம் Freelancer-கள், ஆலோசகர்கள், தொழில்முனைவோர்கள் பின்லாந்தில் வசிக்கவும் வேலை செய்யவும் முடியும்.

பின்லாந்து உலகில் மிகவும் பாதுகாப்பான நாடாக (14வது இடம்) கருதப்படுகிறது. இது 10 ஆண்டுகளாக உலகின் மகிழ்ச்சியான நாடாக தொடர்ச்சியாக தெரிவு செய்யப்பட்டுள்ளது.

Helsinki, Oulu, Turku போன்ற நகரங்கள் டிஜிட்டல் நோமாட்களுக்கு சிறந்த இடங்களாகும்.

விசா செலவு:

ஓன்லைன் விண்ணப்பம் – €400 (£331)

காகித விண்ணப்பம் – €496 (£400)

குறைந்த செலவில் உயர் வாழ்க்கைத்தரம் வேண்டும் என்றால், பின்லாந்து உங்கள் சிறந்த தேர்வாக இருக்கலாம்.

உலகின் மகிழ்ச்சிகரமான நாடுகளின் பட்டியலில் பின்லாந்து 6ஆவது ஆண்டாகவும் முதலிடம் பிடித்துள்ளதாக ஆய்வுகள் உறுதிப்படுத்தியுள்ளன.

பின்லாந்தில் மக்கள் நிம்மதியாக வாழும் நாடு எனும் பெயரை 6 ஆண்டுகளாக தக்க வைத்துள்ளது. இதற்கு காரணம் இங்கு வாழும் மக்களின் வாழ்க்கைமுறை, அரசின் நடவடிக்கையும் என கூறப்படுகின்றது.

இந்நாட்டு மக்களுக்கு ஒற்றுமை உணர்வு அதிகம் இருப்பதனால் அவர்களுக்கு எந்தவொரு சூழ்நிலையையும் எதிர்த்து போராடும் வலிமையை கொடுக்கும் என்று குறிப்பிடப்படுகின்றது.

தங்களை சுற்றியுள்ள நபர்களை கவனித்துக் கொள்ள வேண்டும் என்று இந்நாட்டு மக்கள் சிறுவயதில் இருந்தே கற்பிக்கப்படுகின்றனர்.

அனைவரிடமும் நட்புடன் பழக வேண்டும் என்று கூறுவதால், பின்லாந்து மக்கள் மகிழ்ச்சியாக வாழ்க்கையை நடத்துகின்றனர்.

பின்லாந்து மக்கள் தங்கள் அண்டை வீட்டாருடன் நேரம் செலவிட்டு, மகிழ்ச்சியாக இருப்பதை பல ஆய்வுகள் உறுதிப்படுத்தியுள்ளன.

அத்துடன் மக்களின் பிரச்சினைகளை தீர்க்க பின்லாந்து அரசு உடனடியாக செயல்படுவதாகவும் கூறப்படுகின்றது.

இதேவேளை பின்லாந்தில் அதிகமாக சம்பாதிப்பவர்களுக்கும், குறைவாக சம்பாதிப்பவர்களுக்கும் வித்தியாசம் பார்க்கப்படாமல் அனைவரும் சமமாக நடத்தப்படுகின்றனர்.

இந்நாட்டில் ஏழ்மை இல்லை என்பதுடன், ஊழல் குறைவாகவே இருப்பதும் மக்கள் மகிழ்ச்சியாக வாழ்வதற்கு முக்கிய காரணமாக அமையபெற்றுள்ளது.

ரஷ்ய ஜனாதிபதி விளாடிமிர் புதினுக்கு பின்லாந்து எல்லையில் ரகசிய குடியிருப்பு இருப்பதாக காணொளி ஆதாரங்களுடன் தகவல்கள் வெளியாகியுள்ளன.

ஆவண மையம் அளித்த விசாரணை அறிக்கையின் அடிப்படையில் இந்த விவகாரம் வெளிச்சத்துக்கு வந்துள்ளது.

மாஸ்கோ டைம்ஸ் இது குறித்து ஒரு கட்டுரையை வெளியிட்டது. இந்த மர்ம இடத்தின் காணொளியும் வெளியாகியுள்ளது.

Kareliaவில் உள்ள Lake Ladoga தேசிய பூங்காவில் புடினின் ரகசிய தளம் இருப்பதாக நம்பப்படுகிறது.

Putin’s Secret Country House என்று அழைக்கப்படும் அந்த சொகுசு எஸ்டேட்டின் காணொளி Youtubeல் வெளியிடப்பட்டது.

Marjalahti Bay-வில் அமைந்துள்ள உள்ள இந்த கட்டிடம் மிகவும் நவீன பாணியில் கட்டப்பட்டது.

வீட்டில் இரண்டு helipadகள் உள்ளன. படகு சவாரிக்கும் ஏற்பாடுகள் செய்யப்பட்டுள்ளன.

மாட்டிறைச்சி உற்பத்திக்காக பண்ணை ஒன்றும் கட்டப்பட்டுள்ளது.

Interior Decoration-க்கு மிகவும் விலையுயர்ந்த கற்கள் பயன்படுத்தப்பட்டதாக கூறப்படுகிறது.

புடினின் வீட்டிற்கு எதிரே நீர்வீழ்ச்சி இருப்பதாகவும் அந்த செய்தியில் தெரிவிக்கப்பட்டுள்ளது. anti-aircraft system-உடன் கட்டப்பட்ட இடமும் உள்ளது.

ஜனாதிபதி புடின் தனது ஓய்வு நிலைக்கு அருகில் ஒரு ரகசிய இல்லத்தை கட்டியுள்ளதாக மதிப்பிடப்பட்டுள்ளது.

இங்கு பாதுகாப்பிற்காக Federal Guard Service பயன்படுத்தப்படுவதாக கூறப்படுகிறது.

மேலும், அருகிலுள்ள தீவுகளுடனான இணைப்பு துண்டிக்கப்பட்டது. அனைத்து நுழைவாயில்களும் அடைக்கப்பட்டுள்ளன. இந்தக் கட்டிடத்தை அடைவதற்கு படகு அல்லது விமானம் மட்டுமே வழி என் கூறப்படுகிறது.

பின்லாந்தில் இலங்கை உள்ளிட்ட நாடுகளில் இருந்து அதிகளவிலான குடியுரிமை கோரிய விண்ணப்பங்கள் கிடைத்துள்ளதாக அந்நாட்டு அரசாங்கம் தெரிவித்துள்ளது.

நடப்பாண்டில் வெளிநாட்டு மாணவர்களின் விசா விண்ணப்ப கோரிக்கை கணிசமாக அதிகரித்துள்ளதாக பின்லாந்து அதிகாரிகள் தெரிவித்துள்ளனர்.

2023ஆம் ஆண்டு ஜூலை மாதத்தின் இறுதிக்குள், மொத்தம் 8,762 ஐரோப்பிய ஒன்றியம் அல்லாத மாணவர்கள் விசாவுக்கு விண்ணப்பித்துள்ளதாக, பின்லாந்து குடிவரவு திணைக்கள அதிகாரிகள் தெரிவித்துள்ளனர்.

மேலும், அதே காலகட்டத்தில், பின்லாந்து மொத்தம் 7,039 பேருக்கு குடியிருப்பு அனுமதிகளை வழங்கியுள்ளது.

2022 ஆம் ஆண்டுடன் ஒப்பிடுகையில், படிப்பு நோக்கங்களுக்காக 5,911 குடியிருப்பு அனுமதி விண்ணப்பங்களை பின்லாந்து பதிவு செய்துள்ளது.

இந்த ஆண்டு பதிவு செய்யப்பட்ட விண்ணப்பங்களின் எண்ணிக்கை 48 சதவீதம் அதிகமாக இருந்தது, அதிக எண்ணிக்கையிலான மாணவர்கள் தங்கள் படிப்பு இலக்காக பின்லாந்து நாட்டைத் தெரிவு செய்துள்ளனர்.

இந்த ஆண்டு இதுவரை படிப்பு நோக்கங்களுக்காக மாணவர் வீசாவுக்கு விண்ணப்பித்தவர்களில் பெரும்பான்மையானவர்கள் பட்டப்படிப்பு மாணவர்கள் ஆகும்.

அதிக எண்ணிக்கையிலான விண்ணப்பதாரர்கள் பங்களாதேஷ், சீனா, இலங்கை, இந்தியா மற்றும் ரஷ்யாவிலிருந்து வந்தவர்கள் என தெரியவந்துள்ளது.

‘ஐகான் ஆஃப் தி சீஸ்’

இந்த கப்பலின் பெயர் Icon of the Seas, 365 மீட்டர் (சுமார் 1,200 அடி) நீளமும் 2,50,800 டன் எடையும் கொண்டது.

இந்த கப்பலில் உலகின் மிகப்பெரிய நீர் பூங்கா, 9 நீர்ச்சுழல்கள், 7 குளங்கள் மற்றும் உணவு மற்றும் பொழுதுபோக்கிற்காக நாற்பதுக்கும் மேற்பட்ட இடங்கள் உள்ளன.

கப்பலில் 5,610 பயணிகள் மற்றும் 2,350 பணியாளர்கள் என மொத்தம் 7,960 பேர் பயணிக்கலாம். 28 வகையான தங்குமிடங்கள் உள்ளன.

தனியாக பயணம் செய்பவர்கள், நண்பர்கள் மற்றும் குடும்பத்தினருக்கு சிறப்பு வசதிகள் தயார் செய்யப்பட்டுள்ளதாக அந்நிறுவனம் தெரிவித்துள்ளது.

ஐரோப்பாவின் முன்னணி கப்பல் கட்டும் நிறுவனங்களில் ஒன்றான பின்லாந்தின் டர்குவில் உள்ள மேயர் டர்கு கப்பல் கட்டும் தளத்தில் இந்தக் கப்பல் கட்டப்பட்டது. இந்தக் கப்பல் அக்டோபரில் முழுமையாக ஏவப்பட்டு 2024 ஜனவரியில் தனது முதல் பயணத்தை மேற்கொள்ளும்.

இந்த கப்பல் ராயல் கரீபியன் பயண நெட்வொர்க்கில் சேர்க்கப்படும் என்று ராயல் கரீபியன் இன்டர்நேஷனல் தலைவரும் தலைமை நிர்வாகியுமான மைக்கேல் பெய்லி ஊடகங்களுக்கு தெரிவித்தார்.

ஜூன் 22-ம் திகதிக்குள் முதல் கட்ட நீர் சோதனை முடிந்துவிட்டதாக அந்நிறுவனம் அதிகாரப்பூர்வ அறிக்கையை வெளியிட்டது.

இன்ஜின், ஹல், பிரேக் சிஸ்டம் மற்றும் ஸ்டீயரிங் ஆகியவற்றின் திறன் பல மைல்கள் பயணம் செய்து சரிபார்க்கப்பட்டதாக அந்நிறுவனம் தெரிவித்துள்ளது.

இரண்டாம் கட்ட சோதனைகளும் 2023 இறுதிக்குள் நிறைவடையும். அதன்பிறகு 2024 ஜனவரியில் முதல் பயணத்தை தொடங்கும் என அறிவிப்பட்டுள்ளது.

‘ஐகான் ஆஃப் தி சீஸ்’ – உலகின் மிகப்பெரிய சொகுசு கப்பல் என்ற முத்திரையைக் கொண்டிருக்கும்.

பின்லாந்து உள்ளிட்ட ஐரோப்பிய நாடுகளில் மிங்க் வகைகயைச் சேர்ந்த கீரிகள் அதிகம் காணப்படுகின்றன.

அவற்றின் அடர்த்தியான ரோமத்தில் குளிருக்கு இதமான ஆடைகள் தயாரிக்கப்படுகின்றன.

இதனால் அவைகளிடமிருந்து புதுவகை கொவிட் வைரஸ் உருவாக வாய்ப்புள்ளது என ஆய்வுகள் தெரிவித்துள்ளன. இதனால் இந்த வகை கீரிகள் அழிக்கப்பட்டன.

இந்த நிலையில் பின்லாந்து அரசு மிங்குகளுக்கு கொரோனாத் தடுப்பூசி ஏற்ற முடிவு செய்துள்ளது. சோதனையின் முயற்சியான நேற்று மிங்குகளுக்கு தடுப்பூசி செலுத்தும் நடவடிக்கை ஆரம்பிக்கப்பட்டுள்ளது.

இதற்கென 50 லட்சம் தடுப்பூசிகள் தயார் நிலையில் உள்ளன எனவும் அனைத்து மிங்குகளுக்கும் இரண்டு தடுப்பூசி டோஸ்களும் செலுத்த இவை போதுமானவை எனவும் பின்லாந்து சுகாதார துறையினர் தெரிவித்துள்ளனர் எனத் தெரிவிக்கப்படுகின்றது.