பிரிட்டிஷ் நாட்டைச் சேர்ந்த 32 வயதுடைய கெதரின் எலிஸ்  என்பவரே இவ்வாறு விபத்துக்குள்ளாகியுள்ளார்.

இன்று வியாழக்கிழமை (18) குறித்த மலைப் பகுதியைச் சுற்றிப் பார்த்துக் கொண்டிருந்தபோது, எதிர்பாராத விதமாக சுமார் 50 அடி பள்ளத்தில் அவர் தவறி விழுந்துள்ளார்.

சம்பவம் குறித்துத் தகவல் அறிந்ததும், எல்ல ‘980 ஹோட்டல்’ (98 Acres Resort) மீட்புக் குழுவினர் மற்றும் எல்ல பொலிஸார் இணைந்து துரிதமாகச் செயற்பட்டுப் பெண்ணை மீட்டனர்.

படுகாயமடைந்த அவர் உடனடியாகப் பதுளை போதனா வைத்தியசாலையில் அனுமதிக்கப்பட்டு சிகிச்சைப் பெற்று வருகிறார்.

அண்மையில் நிலவி வரும் சீரற்ற காலநிலை காரணமாக மலைப் பகுதிகள் வழுக்கும் தன்மையுடன் காணப்படுவதால், சுற்றுலாப் பயணிகள் மிகுந்த அவதானத்துடன் இருக்குமாறு எல்ல பொலிஸார் அறிவுறுத்தியுள்ளனர்.

அண்மைய நாட்களில் எல்ல நகரத்தில் வெளிநாட்டு சுற்றுலா பயணிகள் பெருமளவில் குவிந்து வருவதாக தெரியவந்துள்ளது.

மேலும் வரலாற்று சிறப்புமிக்க தெமோதர ஒன்பது வளைவு பாலத்தை காண வெளிநாட்டு சுற்றுலா பயணிகளும் வரிசையில் நிற்பதனையும் அவதானிக்க முடிந்துள்ளது.

பொடிமனிக்கே ரயில் நேற்று காலை பதுளையில் இருந்து கொழும்பு நோக்கி பயணித்துக்கொண்டிருந்த போது தெமோதர பாலத்திற்கு அருகில் நின்ற வெளிநாட்டு சுற்றுலாப் பயணிகள் கமராக்களுடன் காத்திருந்துள்ளனர்.

ரயில் கடக்கும் போது பாலத்தை ரயிலையும் புகைப்படம் எடுத்து வெளிநாட்டவர்கள் மகிழ்ச்சியடைந்தனர்.