இதன் விளைவாக, ஆறு முக்கிய விமான நிலையங்களில் சரியான நேரத்தில் இயங்கும் செயல்திறன் (On-Time Performance) 8.5% ஆகக் குறைந்துள்ளது.

சிவில் விமானப் போக்குவரத்து இயக்குநரகம் (DGCA) விதித்த புதிய விமானப் பணிக் கால வரம்பு (FDTL) விதிமுறைகளை முறையாக அமல்படுத்தத் தவறியமையே இந்த நிலைமைக்கு முக்கிய காரணம் எனத் தெரிவிக்கப்படுகிறது.

தேவையான விமானப் பணியாளர்களை அமர்த்துவதில் ஏற்பட்ட சிக்கல் மற்றும் விமானப் போக்குவரத்து அட்டவணைகளில் ஏற்பட்ட மாற்றங்கள் அந்த விமான நிறுவனத்தின் செயல்பாடுகளைப் பாதித்துள்ளன.

இந்த விவகாரம் தொடர்பில் அந்நாட்டு நாடாளுமன்றத்திலும் விவாதிக்கப்பட்டது.

குறிப்பிடத்தக்க வகையில், விமான நிலையச் செயல்பாடுகள் முழுமையாக இயல்பு நிலைக்குத் திரும்பி, நிலையான கால அட்டவணைக்குத் திரும்ப, அடுத்த வருடம் பிப்ரவரி 10ஆம் திகதி வரை ஆகலாம் என்று இண்டிகோ, அதிகாரிகளுக்குத் தெரிவித்துள்ளது.

அடிஸ் அபாபாவில் இருந்து சுமார் 800 கிலோமீட்டர் தொலைவில் உள்ள அபார் (Afar) பகுதியில் அமைந்துள்ள ஹெய்லி குப்பி எரிமலை தொடர்ந்து பல மணி நேரம் வெடித்துச் சிதறியது.

எரிமலை வெடிப்பைத் தொடர்ந்து உருவான சாம்பல் சூழ் மேகங்கள் ஏமன், ஓமன், இந்தியா மற்றும் வடக்கு பாகிஸ்தான் பகுதிகளைச் சூழ்ந்துள்ளது. இதனால் ஏற்பட்டுள்ள பாதிப்பு குறித்த விவரங்களை எத்தியோப்பிய அரசு அதிகாரிகள் இதுவரை உறுதி செய்யாமல் உள்ளனர்.

எரிமலை சாம்பல் ஆலோசனை மையம், எத்தியோப்பியாவில் ஏற்பட்டுள்ள எரிமலை வெடிப்பு குறித்தும், அதனால் மேகங்களில் சாம்பல், புகை சூழ்ந்ததையும் உறுதி செய்துள்ளது.

இதனால் மத்திய கிழக்கு பாதையில் விமானப் போக்குவரத்து பாதிக்கப்பட்டுள்ளது. இந்த வழியை விமான நிறுவனங்கள் தவிர்க்குமாறு அறிவுறுத்தப்பட்டுள்ளது.

இதைத் டி.ஜி.சி.ஏ. (DGCA) மற்றும் இந்திய விமான நிலைய ஆணையமும் தெரிவித்துள்ளன. நிலைமை சீராகும் வரை விமான நிலையங்கள் கவனமுடன் விமானப் போக்குவரத்தைக் கையாளுமாறு அறிவுறுத்தப்பட்டுள்ளது.